Romu 11:1 - ALLALA KUMƐ

¹ N bi nyinikalɛ kɛla worɔ ko Alla ara a ban ata Isirɛla mɔgɛnu na, wa? Ade, a sa wo nya de! Yahudiya le nde fanan na ka bɔ Isirɛla nyamanɛ rɔ. N bɔra ma benba Iburayima bɔnsɔn le tɔ. Bɛnyamɛ kebila-mɔgɛ le nde la.

Romu 11:1 Iomraidhean Croise

2 Mansɛnu 23:27

Ka tenbi wo la, Mari ko, “N si Yuda kɛnu kasara iko n bara Isirɛla kɛnu kasara nya min. N bara Yerusalɛm soe min yabɔ nun, n si n yɛ firindi wo ma. N bara a fɔ batoli-kɛ-tinɛ min ma nun ko anu ni to n batola nyɔ, n bara n kan-kɔ sɔ nyɔ fanan na.”

Yaburi 77:7

N ko, “N tigi si to a banna le ma la, wa? Ma wara-koe ti a hɛnɛ tun, ba?

Yaburi 94:14

Ile Mari ti ila mɔgɛnu boloka. I ti i kan-kɔ sɔ anu na.

Hoseya 9:17

Nde ye Alla min batola, wo si a ban wole, ata mɔgɛnu na bawo wo ya wo ban wo tole masɔla a la. Wo si to yilan-yilanna sibolo-gbɛrɛnu tɛma.

Luka 20:16

A si na ka anu faga ka ki-fannu sinka mɔgɔ-gbɛrɛnu ma.” Mɔgɛnu ya kɛ lamɔɛn tumɛ min, anu ko, “Alamɛ ma kisira wo ma!”

Kɛwɔlɛnu 22:3

“Yahudiya le nde la. N sɔrɔnta Tarasa soe burɔ Salesiya nyamanɛ rɔ kɔnɔ n makolota n karan-mɔgɔ Kameliyɛ bolo Yerusalɛm yan karan-denyɛ la. N ya ma benbanuna tɔn lɔn a kila-bɛrɛbɛrɛ fɛ! N bara n nyɛrɛ di Allata wɔlɛ ma fasai iko wo dama ye nya min yan bi.

Kɛwɔlɛnu 26:4

“Yahudiya bɛɛ ya n sɔn lɔn kebi n dennɛ. Anu ya a lɔn n bara ma nya min n nyɛrɛta nyamanɛ rɔ anubɛ Yerusalɛm soe burɔ.

Romu 11:11

Nyinikali-gbɛrɛkɛ ye n bolo. Yahudiyanu ya anu kian latugu tumɛ min, anu buira. Anu ma ke anu nasɔla tun, ba? Ade! Kɔnɔ anu ya hakɛ kɛ min kɛ, kisi-koe tenbira sibolo-gbɛrɛnu bara la. Yahudiyanu ya sibolo-gbɛrɛnu makeliya wola ko la.

Romu 3:4

A sa wo nya hali! Hali mɔgɛ bɛɛ mara foninya-fɔlɛ la kɔnɔ Allatala wo telenta. Iko a sɛbɛnɛ Allala kitabu do rɔ nya min, a ko, “Tonyɛ ye i bolo kuma tinɛ. Yoe ye i bolo kiti bɛɛ kun na.”

2 Kɔrɛnti 11:22

Hiburunu le anu na, wa? Wo le nde fanan na. Anu bi Yahudiyanuna dina rɔ, wa? Nde fanan bi a rɔ. Iburayima bɔnsɔn le anu na, wa? Wo le nde bɛrɛni na.

Filipai 3:5

N sɔrɔn ya lɔgɔkun kelen bɔ tumɛ min, n kemininyara wulɔn le. Isirɛla kɛ le nde la n sɔrɔn-nya fɛ ka bɔ Bɛnyamɛ bɔnsɔn rɔ. Hiburu nyɛrɛ-nyɛrɛ le nde la. Yahudiyanuna tɔn-kitabu-bira-kilɛ fɛ, Farisi le nde la.

1 Samuwɛli 12:22

Mari ara lanyiri kiri wo ye a sɛbɛ la. A ko a ara ban a latɛgɛla ko ata mɔgɛ le wole la, ado a ti wo boloka.