Romu 1:7 - ALLALA KUMƐ

⁷ Alla ara wole Romu kɛnu yabɔ ka ma atɛ la bawo wo di a ye. N bi wo damasi kɔndɔnna. Ma Fa Alla anubɛ ma Mari Yisa, Allata-Mɔgɔ-Yabɔnɛ ni hinɛ anubɛ yisi-kimɛ di wo bɛɛ ma.

Romu 1:7 Iomraidhean Croise

Yaburi 60:5

I ni mala madiyali-kan lamɔɛn ka ma kisi ila sɛnbɛ-wɛ la alako i diyana-mɔgɛnu si kanan nya min.

Keninteya-Siginu 5:1

N bara na nna nakɔɛ rɔ gbɛ! Fen-suma-diyamɛ minnu bi a rɔ, n bi wonu madɛnna. N bi nna liyi anubɛ a fafɛ dɔn tinɛ le gbɛ! N bi nna gbɛɛ anubɛ nna nono-minyɛ le kun na gbɛ! Wole keninte-ma-filɛ, wo ni wo yanban ka wo min ha diyanayɛ ni sɔ wo yɛ la.

Yilan-Yilan Koe 6:25

Alamɛ Mari nyagalenta wo la ka wo wara-koe layɛlɛ.

Matiyu 5:16

Iko lɛnpu si waan raka mɔgɛ ma nya min, wo ni wola kɛwɔlɛ yira mɔgɛnu na wo nya na le. Anu si wo kɛ-nya-nyimɛnu yen worɔ ka wo Fa gbiliya min bi Arinyɛni tɔ.

Yɔni 20:17

Yisa ya a fɔ a ye ko, “I kana i bole tugu n na bawo n ma yɛlɛ wɛ n Fa Alla warɛ. Kɔnɔ ta a fɔ n na-kelen-nyɔgɛnu ye ko n bi nala yɛlɛla san-kole rɔ n Fa anubɛ wo Fa warɛ, nta Alla anubɛ wota Alla, kɔni.”

Kɛwɔlɛnu 15:23

Anu ya kɛdi sɛbɛ ka a don anu bolo. Kɛdi wo ko, “Male Mari Yisata kilayɛnu anubɛ mɔgɔ-banu, “Ma ye wole, ma na-kelen-nyɔgɛ sibolo-gbɛrɛnu kɔndɔnna minnu siginɛ Antiyaki soe anubɛ Siriya anubɛ Salesiya nyamanɛnu tɔ.

Kɛwɔlɛnu 9:13

Ananayasi ya a yabi ko, “Mari, kei wo ara ko-yogomɛ min kɛ ila mɔgɛnu na Yerusalɛm soe burɔ, mɔgɔ-siyaman bara wo wara-koe fɔ n ye,

Romu 1:6

Wole fanan bi sibole wonu tɛma. Wo kelenɛ Alla bolo ka ma Yisa Kirasititɛ la.

Romu 5:1

Ma ara telen Alla ye dɛnkɛninyɛ fɛ min kɛ, yisi-kimɛ ye mabɛ Alla tɛma ma Mari Yisa, Allata-Mɔgɔ-Yabɔnɛ baraka rɔ.

Romu 5:5

ado yigi kɛ ti ma baya mumɛ! A ti ma baya bawo Alla ara ala keninteyɛ kɛ ma yisi rɔ. A ya ata Ni-Sɛnimɛ min di ma ma, wo le ye ma yisi lafala keninteyɛ la.

Romu 8:28

Minnu ya Alla keni, a ara minnu kele ala ko-latɛgɛnɛnu ma, kɔni, ma ya a lɔn ko fenfen wa wonu taran, Allatala si wo yɛlɛma ko-nyimɛ la anu ye,

Romu 8:39

koe minnu bi san ma wo, koe minnu bi yi kɔrɔ wo, wonu fenfen sa dali-fannu tɛma min si ke mabɛ Allata keninteyɛ farala, ado matɛ le keninteyɛ wo la ma Mari Yisa, Allata-Mɔgɔ-Yabɔnɛ baraka rɔ.

Romu 9:25

A sɛbɛnɛ Nɛbi Hoseyata kitabu rɔ ko, “Nta mɔgɔ ma minnu na nun, n si a fɔ wonu ma ko, ‘Nta mɔgɛnu.’ Sibole min ma di n ye nun, n si wonu kele ko, ‘N diyana-mɔgɛnu.’

1 Kɔrɛnti 1:24

Kɔnɔ Alla ara male minnu kele, a mara Yahudiya la wo, a mara sibolo-gbɛrɛ la wo, Allata sɛnbɛ anubɛ ata hɛnkili le ale Kirasiti la,

1 Kɔrɛnti 16:23

Mari Yisala hinɛ ni to wo fɛ.

Kalesiya 6:18

Nba, n na-kelen-nyɔgɛnu, ma Mari Yisa, Allata-Mɔgɔ-Yabɔnɛta hinɛ ni to wo dama fɛ. Amina.

Ɛfɛsa 1:2

Ma Fa Alla anubɛ ma Mari Yisa, Allata-Mɔgɔ-Yabɔnɛ, kɔni, alamɛ wonu ya hinɛ anubɛ yisi-kimɛ di wo ma.

Ɛfɛsa 6:23

N na-kelen-nyɔgɛnu, alamɛ ma Fa Alla anubɛ ma Mari Yisa, Allata-Mɔgɔ-Yabɔnɛ ya yisi-kimɛ di wo ma anubɛ keninteyɛ anubɛ dɛnkɛninyɛ.

Tɔn-Fɔɛ-Fila-Nyɔgɛ 33:12

Musa ya a fɔ Bɛnyamɛ bɔnsɔn-mɔgɛnuna ko la ko, “Mari ya anu denu keni kosɛbɛ! Alla ye anu kandanna su-ni-tele, ado ata bato tinɛ ye anuta nyamanɛ tɛma.”

Filipai 1:2

Alamɛ ma Fa Alla anubɛ Mari Yisa, Allata-Mɔgɔ-Yabɔnɛ ya hinɛ yira wo la ka yisi-kimɛ di wo ma.

Filipai 4:13

Sɛnbɛ ye n bolo ka koe bɛɛ kɛ Kirasiti le baraka rɔ.

Filipai 4:20

Gbiliyɛ ni di ma Fa Alla ma habadan! Amina!

Filipai 4:23

Alamɛ Mari Yisa, Allata-Mɔgɔ-Yabɔnɛla hinɛ tora wo dama fɛ.

Kɔlɔsi 1:2

ka a lata wole, Allata mɔgɛnu ma Kɔlɔsi soe burɔ. Ma na-kelen-nyɔgɛ le wole la ka a tɛgɛ wola dɛnkɛninyɛ ma Kirasiti rɔ, ado lanaya-mɔgɛ le wole la fanan. Alamɛ ma Fa Alla hinara wo la ka yisi-kimɛ di wo ma.

Kɔlɔsi 3:12

Allala mɔgɛ le wole la. A ara wo keni ka wo yabɔ a nyɛrɛ ye. Woletɔ wo ni kinikinɛ anubɛ nyimayɛ anubɛ famayigiyɛ anubɛ dinyɛ anubɛ munyɛ don wo ma.

Kɔlɔsi 3:15

Kirasiti ye yisi-kimɛ min dila mɔgɛnu ma, wo ni kun-tigiyɛ kɛ wo yisi rɔ. Alla ara wo ladɛn ka wo ma bagbu kelen na alako wo si yisi-kimɛ kɛ su lɔn nya min. Wo kana ma fisiriwɔlɛnu na.

1 Tɛsalonaika 1:1

Nde, Pɔli wo, Sailasi wo, anubɛ Timoti, male le ye kɛdi kɛ sɛbɛla wo ma. Ma ye kɛdi kɛ sɛbɛla dɛnkɛninya-mɔgɛnu ma minnu bi Tɛsalonaika soe burɔ. Ma Fa Alla anubɛ ma tigi Yisa Kirasitita mɔgɛ le wole la. Alamɛ Allata hinɛ anubɛ yisi-kimɛ tora wo fɛ.

1 Tɛsalonaika 1:3

Ma wa madiyali kɛ ma Fa Alla ye tuma-wo-tuma, ma si to wola kɛwɔlɛnu takaranna a ye, wo ara minnu kɛ ka a tɛgɛ wola dɛnkɛninyɛ ma. Wo ya wɔli-gbɛlɛmɛ min kɛ ka a tɛgɛ wola keninteyɛ ma Yisa wara la, ma yili tonɛ wo ko. Wo yigi tonɛ Mari Yisa, Allata-Mɔgɔ-Yabɔnɛ rɔ nya min, ma yili tonɛ wo bɛɛ ko wo nya na le!

1 Tɛsalonaika 1:4

Ma na-kelen-nyɔgɛnu, ma ya a lɔn ko Alla ara wo keni, ado a ara wo yabɔ ka wo ma atɛ la.

1 Tɛsalonaika 4:7

Alla ma ma kele sɛninyabɛliyɛ ma fɔ sɛninyɛ.

1 Tɛsalonaika 5:28

Ma Mari Yisa, Allata-Mɔgɔ-Yabɔnɛta hinɛ ni to wo fɛ.

2 Tɛsalonaika 1:2

Alamɛ ma Fa Alla anubɛ ma Mari Yisa, Allata-Mɔgɔ-Yabɔnɛ hinara wo la ka yisi-kimɛ di wo ma.

2 Tɛsalonaika 3:16

Mari nyɛrɛ min bi yisi-kimɛ dila ma ma, alamɛ wo ya yisi-kimɛ di wo ma tumɛ bɛɛ, nya bɛɛ ma. Mari ni to wo dama fɛ.

2 Tɛsalonaika 3:18

Ma Mari Yisa, Allata-Mɔgɔ-Yabɔnɛta hinɛ ni to wo dama fɛ.

1 Timoti 1:2

N bi kɛdi kɛ latala ile Timoti ma. I manɛ iko n nyɛrɛta dan dɛnkɛninya-kilɛ fɛ. Ma Fa Alla anubɛ ma Mari Yisa, Allata-Mɔgɔ-Yabɔnɛ ni hinɛ anubɛ kinikinɛ anubɛ yisi-kimɛ di i ma.

1 Timoti 6:2

Wole minnu bi dɛnkɛninya-mɔgɛnu kɔrɔ, wo kana wo tiginu nafɛya bawo wo na-kelen-nyɔgɛ le wonu na. Wo ni wɔli kɛ anu ye bɛrɛkɛ, bawo anu bi tɔnɛ sɔrɔnna wola wɔlɛ wonu fɛ, ado wo diyana-dɛnkɛninya-mɔgɛ le wonu na. I ni koe kɛnu karan ka mɔgɛnu makawandi.

2 Timoti 1:2

N bi kɛdi kɛ latala ile Timoti ma, min manɛ n ye iko n diyana-dan. Alamɛ ma Fa Alla anubɛ ma Mari Yisa, Allata-Mɔgɔ-Yabɔnɛta hinɛ ni to i fɛ ka kinikinɛ anubɛ yisi-kimɛ di i ma.

2 Timoti 4:22

Mari ni i niyi kandan. Allala hinɛ ni to wo dama fɛ.

Taita 1:4

N bi kɛ sɛbɛla ile Taita ma. I manɛ iko n nyɛrɛta dan bawo ma mɔgɔ filɛ dɛnkɛninyanɛ Yisa ma. Alamɛ ma Fa Alla anubɛ ma kisilɛ Yisa Kirasiti ya hinɛ yira i la ka yisi-kimɛ di i ma.

Failiman 1:25

Alamɛ Mari Yisa, Allata-Mɔgɔ-Yabɔnɛla hinɛ tora wo dama fɛ.

Failiman 1:3

Alamɛ ma Fa Alla anubɛ Mari Yisa, Allata-Mɔgɔ-Yabɔnɛla hinɛ ni to ma fɛ ka yisi-kimɛ di i ma.

Yemesi 1:1

Alla anubɛ Mari Yisa, Allata-Mɔgɔ-Yabɔnɛla wɔli-kɛlɛ, Yemesi le ye kɛdi kɛ sɛbɛla. N bi Allala mɔgɛ bɛɛ kɔndɔnna minnu nyɛnsɛnnɛ duninya kan tinɛ bɛɛ rɔ.

1 Pita 1:15

Min fisa, wo ni sɛninya kɛ-nya-bɛɛ rɔ iko Alla min ya wo kele, wo sɛninyanɛ nya min,

1 Yɔni 3:1

Ma Fa Alla ara ma keni nya min, wo mafɛlɛn! Ala keninteyɛ kolo kati! A kolo ha, a ara ma kele ko ata dannu, ado male le wo la serr! Wo le wara a ma, duninya ma male lɔn bawo a ma Alla fɔlɔn lɔn.

2 Yɔni 1:3

Alamɛ ma Fa Alla anubɛ Yisa Kirasiti, ma Fa Allala dan ni hina ma la. A ni kinikinɛ anubɛ yisi-kimɛ di ma ma. Wonu ni to ma bolo tonyɛ anubɛ keninteyɛ rɔ.

Lankɛnimayɛ 2:1

“I ni kɛdi sɛbɛ ka a lata Ɛfɛsa-chɔchi-melika ma. “ ‘Lolo wɔrɔnfilɛ biranɛ nde min bolo-nyimɛ rɔ, nta sarakanɛ le kɛ la, ado n bi tagamana sɛnɛ-lɛnpu-sigi-fen wɔrɔnfilɛ wonu tɛma.

Lankɛnimayɛ 2:12

“I ni kɛdi sɛbɛ ka a lata Pɛragama-chɔchi-melika ma. “ ‘Wole Pɛragama-chɔchi-mɔgɛnu, faan-da-filɛ min dɛ ye a la bɛrɛkɛ, wo le ye n bolo, ado nde le ye kɛ fɔla wo ye.

Lankɛnimayɛ 2:18

“I ni kɛdi sɛbɛ ka a lata Tayataira chɔchi-melika ma. “ ‘Wole Tayataira chɔchi-mɔgɛnu, kumɛ le kɛ la ka bɔ nde, Allala dan bolo. N yɛ manɛ iko ta-mɛlan. N kian ye malanna iko sila-kaganɛ.

Lankɛnimayɛ 2:29

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la!’

Lankɛnimayɛ 2:8

“I ni kɛdi sɛbɛ ka a lata Simirina-chɔchi-melika ma. “ ‘Nde le a fɔlɔtɛ anubɛ a laban la. Nde faganɛ nun kɔnɔ kaka, n bi n niyi la.

Lankɛnimayɛ 22:21

Alamɛ Mari Yisata hinɛ tora wo dama fɛ.

Lankɛnimayɛ 3:14

“I ni kɛdi sɛbɛ ka a lata Leyodisiya-chɔchi-melika ma. “ ‘Nde tɔgɛ le Amina. N bi Allata tonya-bɛrɛ fɔla wati bɛɛ. Alla ya dali-fan bɛɛ dan ka a tɛgɛ nde le ma, ado nta kumɛ le kɛ la.

Lankɛnimayɛ 3:22

“ ‘Nba, ni min si ko nya-yen, Allata Ni-Sɛnimɛ ye min fɔla chɔchinu ye, wo ni wo tole masɔ wo la!’ ”

Lankɛnimayɛ 3:7

“I ni kɛdi sɛbɛ ka a lata Filadɛlifiya-chɔchi-melika ma. “ ‘Nde sɛninyanɛ, ado n si tonyɛ fɔ tolon! Dawudata da-nyin ye n bolo. N ba dɛ laka, mɔgɔ-wo-mɔgɔ ti ke a latogonna. N ba a latogon, mɔgɔ-wo-mɔgɔ ti ke a lakala. Wole Filadɛlifiya-chɔchi-mɔgɛnu, wo ni wo tole masɔ nta kumɛ kɛ la.