Romu 1:6 - ALLALA KUMƐ

⁶ Wole fanan bi sibole wonu tɛma. Wo kelenɛ Alla bolo ka ma Yisa Kirasititɛ la.

Romu 1:6 Iomraidhean Croise

Romu 9:24

ado male le kelenɛ Alla bolo. Donu bɔra Yahudiyanu tɛma, donu bɔra sibolo-gbɛrɛnu fanan tɛma.

1 Kɔrɛnti 1:9

Alla, lanaya-tigi le. Ale le ya wo kele ka a ma, wobɛ ala dan Yisa ni ta-nyɔgɔnyɛ kɛ wo nyɔgɔn fɛ, ma Mari Yisa, Allata-Mɔgɔ-Yabɔnɛ, kɔni.

Kalesiya 1:6

N kawanɛ wole Kalesiya kɛnu ma! Wo ara Allata kilɛ boloka tiriya, ado ale le ya wo yabɔ ata hinɛ fɛ kɔnɔ wole lara ko-gbɛrɛkɛ la, anu bi min kelela ko kibara-nyimɛ.

Ɛfɛsa 1:11

Fan bɛɛ si ma iko Allata ko-latɛgɛnɛ anubɛ a sako ye nya min. Woletɔ a ya ma yabɔ ko mabɛ Kirasiti ni to ko kelen tɔ ka ma a halalɛ la, ado a ara a latɛgɛ wo nya le kebi fɔlɔ.

Kɔlɔsi 1:21

Fɔlɔ-nun, wo gbɛrɛnni ma Alla ma! Wola kɛwɔli-yogomɛ anubɛ wo miriyanu ya a ma, wo mara a yogenu na.

Kɔlɔsi 1:6

Kibara-nyima-kelan kɛ min nara wole ma, wo ye nyɛnsɛnna duninya kan tinɛ bɛɛ rɔ. Kebi wo ya Allata hinɛ lɔn tumɛ min a bɛrɛbɛrɛ-wɛ ma, ha bi, a ye mɔgɛnu yɛlɛmana iko a ara wole yɛlɛma nya min.

1 Tɛsalonaika 2:12

Ma ya wo makawandi ko wo yisi ni kimɛ. Ma ya wo madiya ko wo ni tagama-nyimɛ kɛ ka Alla hɛnɛ, ado ale le ara wo kele ka wo ladon ata mansayɛ anubɛ ala gbiliyɛ rɔ.

2 Tɛsalonaika 2:14

Ma ya kibara-nyimɛ min nake wo ma, wo sebu le ya wo kele Alla wara. A ya wo kele alako wo ni wotɛ sɔrɔn Mari Yisa, Allata-Mɔgɔ-Yabɔnɛta gbiliyɛ rɔ.

2 Timoti 1:9

Alla ya ma kisi ka ma yabɔ ko ma ni ma ata mɔgɔ-sɛnimɛnu na. A ma ma yabɔ mata kɛwɔlɛnuna ko la fɔ a nyɛrɛ sako anubɛ ata hinɛ baraka rɔ. Yanni duninya ni dan, a ya ata hina-wɛ yira ma la Yisa Kirasiti rɔ.

Hiburunu 3:1

N na-kelen-nyɔgɔ dɛnkɛninya-mɔgɛnu, Alla ara wole bɛrɛn kele ko wo ni ma atɛnu na. Woletɔ wo ni wo miri Yisa le ma. Alla ara a sɔ mala saraka-masɔla-kun-tigi-wayɛ la mala dɛnkɛninyɛ kun na, ma sɔnɛ min tɔ gben!

1 Pita 2:21

Alla ya wo kele wo le ma. Kirasiti nyɛrɛ tɔrɔta wo ye ka misalɛ to wo bolo alako wo ni bila a kin-gbɛ fɛ.

1 Pita 2:9

Kɔnɔ sibolo-yabɔnɛ le wole la, Mansɛla saraka-masɔla-yabɔnɛnu, kɔni. Wo mara sibolo-sɛnimɛ la anubɛ Alla nyɛrɛta mɔgɛnu. Wo yabɔnɛ ka Allala kabana-ko-wɔlɛnu fɔ bɛɛ ye. Alla le ya wo kele ka wo bɔ pinpi rɔ ka wo ladon ata wan-makawanɛ rɔ

2 Pita 1:10

Woletɔ n na-kelen-nyɔgɛnu, koe kɛ minnu si yili-latɛgɛ di wo ma ko Alla ara wo kele ka wo yabɔ, wo ni wo raya wonu ma, ado ni wo ya wo ma, wo ti bui ka wola dɛnkɛninyɛ boloka mumɛ!

Yude 1:1

Nde, Yude le ye kɛdi kɛ sɛbɛla, Yisa Kirasitila wɔli-kɛlɛ, Yemesi dɔgɔ-keminɛ, kɔni. Alla ara wole min kele, n bi a sɛbɛla wole le ma. Wo tonɛ n Fa Allala keninteyɛ rɔ, ado wo maranɛ Yisa Kirasiti ye.

Lankɛnimayɛ 17:14

Wonu si saga-dan kɛlɛ. Kɔnɔ saga-dan anubɛ ata mɔgɛnu si anu nɔ. A ya mɔgɛ wonu kele ka anu yabɔ anuta lanayɛla ko la. Saga-dan si anu nɔ bawo marinuta Mari le ale la anubɛ mansɛnuta Mansɛ.”