Nimisa Koe 5:17 - ALLALA KUMƐ

^17-18 Ma yisi tinyanɛ bawo mɔgɔ sa Bato-Bɔn la tun. A la ara kolonya filili! Fɔ sulukinu dɔrɔn, wonu denu sigi tina ye Bato-Bon-tiinɛ wo la. Ma yisi la ara fin ma ma wola ko la. Ma ti ke ko ragbɛla ma ya-yi bolo.

Nimisa Koe 5:17 Iomraidhean Croise

Yobu 17:7

N yɛ ma ara fɔlɔ labirala bawo n makinikininɛ. N ma ara dɔgɔya iko kɔlɔma-gbalɛ kankalinya!

Yaburi 31:9

Mari, kinikini n ma bawo n bi tɔrɔyɛ rɔ. N yɛnu bara yiri diyi-kɛ bolo. N sɛnbɛ ara tɛgɛ.

Yaburi 38:8

N sɛnbɛ ara tɛgɛ yisi-tinya bolo yadi! N tora kurunna yisi-tinya bolo.

Yaburi 6:7

N yɛ bɛɛ ara yiri diyi-kɛ bolo. N yogenu bara a ma, n sa ko-ragbɛla tun.

Yaburi 69:3

N bara bandan dila n dɛnbɛn-koe rɔ. N kan la ara sa diyi kɛ bolo. N yɛ ma ara gbala kila-mafɛlan rɔ n dɛnbɛn-koe la kasa!

Aiseya 1:5

Nfenna wo wakilanɛ murutiya-koe ma? Ha ka, wo ye tɔrɔyɛ nyinina wo nyɛrɛ kan ma? Ile Isirɛla kunyɛ matanban-tanbannɛ le tɛrr! I hɛnkili ara pirinkan.

Aiseya 38:14

N kan ma ara dɔgɔya. N kan mani de iko kangbo-kan. N yɛ ara bandan san-mafɛlan la. Mari, i ni n kunyɛ bɔ tɔrɔyɛ kɛ rɔ.

Yɛrɛmaya 46:5

Mari ko a ya a kolan lata de pan! A ko Iyipiti kɛlɛ-dannu bi sɛgila anu burila kilan bolo. Anuna kɛlɛ-dannu bi anu burila. Anu pelapelɛ ye tala kumakɔɛ bolo. Anu ti ke anu yɛ lasɛgila anu kɔma.

Yɛrɛmaya 8:18

E, Alla, n yisi-tinyɛ ti sa mumɛ! N sɔn tɔrɔnɛ feu!

Nimisa Koe 1:13

“Alla ara fɛrɛma-kaliyɛ ladon n fɛrɛ rɔ iko tɛ. Mari ara gbɛrɛ lasigi n ye alako a si n nabui nya min. Wo kɔma, a ya a kɔɛn bɔ n tɔ ka mabɛ duma-belebele to sigini.

Nimisa Koe 1:22

“I ban n yogenu na ka anu halaki ka a tɛgɛ anuna karagbɛlɛyɛ ma anu bara min sigi n na. I ni anu tɔrɔ iko i ya n tɔrɔ nya min. N bi kɛ damasi fɔla tumɛ min, n bi kurunna yisi-tinya bolo.”

Nimisa Koe 2:11

N yɛ wulennɛ puipui, di-kɛ bolo. N yisi tinyanta feu! N tora ma yogenu yenna ma fagala min kɛ, n bandanta di-kɛ bolo. Dennɛnu bi belenna kirɔnna-a-la da-wo-da kɔnkɛ bolo soe burɔ.

Isikiyɛli 21:15

Wo si mɔgɛnu kumakɔ. Anu si to yɛrɛyɛrɛnna. N bi soe rakilanna faan min na, wo si malan-malan iko san-sɛran, ado a rabɛnnɛ mɔgɔ-faga-koe la.

Isikiyɛli 21:7

Anu ba i manyinika ko, ‘Nfen mara?’ I ni a fɔ ko, ‘N bara kuman-kan min namɔɛn, a tɛgɛnɛ wo le ma. Tɔrɔyɛ wo wa na tumɛ min, kilan si anu kumakɔ, anu bole si faga a la, anuna kerinteyɛ si anu baya, anu kian si to yɛrɛyɛrɛnna anu kɔrɔ, ado wo wati ara ke.’ ” Ale n Tigi Mari kan le kɛ la.

Saraka-Masɔlɛnuta Tɔnnu 26:36

“Wo tumɛ wo ye nyɔ rɔ, wo si to yutoyɛ rɔ. Hali fɔnyɔ wa yanba-kunyɛnu namaga, wo si wo buri a kɔrɔ. Wo si to wo burila ka bui kilan bolo. A mani de iko wo yogenu denu bi wo kɔma kilɛ la.

Maika 6:13

Woletɔ Mari ko a ara wuli wole, Isirɛla mɔgɛnu tɔrɔyala ka wo halaki wola hakɛnuna ko la.

Tɔn-Fɔɛ-Fila-Nyɔgɛ 28:65

Wo tara wo sigi kan-bo-kan, wo ti yisi-kimɛ sɔrɔn nyɔ. Wo si ma yilan-yilantoenu na bawo wo ti wo sigi-tina-latelennɛ sɔrɔn wo nyɛrɛ ma. Mari si a ma, wo ni to hɔnna yigi-tɛgɛ bolo. Wo yisi si tinya bawo wo ye masibɛ kɔrɔ tuma-wo-tuma. Wo kumakɔnɛ si to kilan bolo su-ni-tele.