Nimisa Koe 5:14 - ALLALA KUMƐ

¹⁴ Ma benbanu sa anu nadɛnna tun tarɛ-don-dɛnu na kiti-sa-tinɛ iko fɔlɔ. Mala fonikenu sa tolonna ka fɔli-fannu kɛ-a-rɔ tun.

Nimisa Koe 5:14 Iomraidhean Croise

Yobu 30:1

Kɔnɔ kaka gbɛ, n kina minnu ko, wonu bi n tasɛla, ado fɔlɔ nun, hali wonu fanu ti ke nna wulinu dɛnbɛna nna sagɛnu kandanna.

Yobu 30:31

Fɔlɔfɔlɔ nun, n bi sewa-sigi-sa-kannu namɔɛnna kɔnɔ kaka, n sa fenfen namɔɛnna fɔ saya-di-kɛ-kan anubɛ di-kɛ-kannu.

Yɛrɛmaya 16:9

Isirɛlata Mari Sɛnbɛ-Bɛɛ-Tigi Alla ko a ti mɛ tun, a si tɔn sigi sewɛ anubɛ nyagalan la kan tinɛ kɛ rɔ. A si tɔn sigi kɔnyɔ-masɔ-ladiyɛla sewɛ la, ado a ko kɛ bɛɛ si ma n siyi-tele kɔrɔ.

Yɛrɛmaya 25:10

Mari ko a si tɔn sigi wola sewa-tolɔn la. A si yili kiri wola kɔnyɔ-masɔ-tolɔn la. A si tɔn sigi wola kolon-tugu-kan la. Ta-yi wo ta-yi ti taran nyamanɛ rɔ.

Yɛrɛmaya 7:34

Wo wati rɔ, Mari ko kɔnyɔ-tolon ti taran nyamanɛ kɛ kan-tinɛ fenfen tɔ. Sewa-wo-sewa ti taran Yerusalɛm luyinu ma anubɛ Yuda nyamanɛ toe bɛɛ rɔ. Nyamanɛ wo si ma dugu-magbalanɛ la.

Nimisa Koe 1:19

“N ya n kenintenu kele n dɛnbɛn-koe rɔ kɔnɔ anu ya anu ban n bolo gbat! Nna saraka-masɔlɛnu anubɛ kun-tiginu bi fagala kɔnkɛ bolo. Anu bi anu niyi lakandanna fen-nyini-tinɛ kɔnɔ anu ti ke a sɔrɔnna.

Nimisa Koe 1:4

Kilɛnu bi dila bawo mɔgɔ-wo-mɔgɔ sa na tina batoli-kɛ-tinɛ Bato-Bɔn la tun. Mɔgɔ-wo-mɔgɔ sa a yɛ masala Bato-Bɔn don-dɛnu ma tun. Woletɔ saraka-masɔlɛnu bi dila anu sigi soenu tɔ. Sunkurɔn minnu bi sigi sala Bato-Bɔn la nun, wonu tɔrɔni kati! Soe ye tɔrɔya-belebele le tɔ.

Nimisa Koe 2:10

Yerusalɛm mɔgɔ-banu-makinikininɛ sigini dugi ma. Gbangban kɛnɛ anu kunyɛ rɔ. Kasa-kurɛ bilanɛ anu kan na alako ka a yira ko anu bi saya-di-kɛ tinɛ. Hali sunkurun-mɛsɛnu, wonu sanɛ dugi ma yisi-tinya bolo.

Isikiyɛli 26:13

N si tɔn sigi anuna sigi-sɛnu anubɛ anuna sɔrɔn-fɔɛnu na.

Hoseya 2:13

N si a tɔrɔ bawo a ye n bolokɛ min kɛla ka ta isɛnti mintan ala bɛsi Beyali ye. N bi a tɔrɔla bawo a ye a makiri boloko-nyimɛ-kɛla ka bila ala keminɛnu fɛ. Mari kan le kɛ la.

Tɔn-Fɔɛ-Fila-Nyɔgɛ 16:18

Musa ya Mari kuman-kan kɛ latenbi Isirɛla mɔgɛnu ma ko, “Wo ye nala soe minnu sɔrɔnna Mari Alla bolo, wo ni kiti-tɛgɛlɛnu sigi nyɔnu tɔ. Mɔgɛ wonu ni kiti sa a kila-bɛrɛbɛrɛ fɛ.

Lankɛnimayɛ 18:22

Sɔrɔn-fɔ-kan anubɛ hadama-den-kan anubɛ fulu-fɛ-kan anubɛ buru-fɛ-kan na ti mɔɛn a rɔ tun! Boloma-wɔli-kɛla fenfen ti taran ale soe wo burɔ tun. Hali kolon-tugu-kan, ala ti mɔɛn a rɔ tun!