Nimisa Koe 5:12 - ALLALA KUMƐ

¹² Anu ya mala kun-tiginu bole dan lakiri ka anu dun san ma. Hali mala kinanu, anu ma kinikini wonu ma.

Nimisa Koe 5:12 Iomraidhean Croise

Aiseya 47:6

Mari ko ale diminyanɛ male ata Isirɛla mɔgɛnu ma nun. Ma biranɛ a bolo iko ata ma ma la. A ko a ara ma kunyɛ don Babilɔn kɛnu bolo, ado anu ma kinikini ma ma. A ko hali mala kɛmɔgɛnu, anu bi wonu natofi-tafila.

Nimisa Koe 2:10

Yerusalɛm mɔgɔ-banu-makinikininɛ sigini dugi ma. Gbangban kɛnɛ anu kunyɛ rɔ. Kasa-kurɛ bilanɛ anu kan na alako ka a yira ko anu bi saya-di-kɛ tinɛ. Hali sunkurun-mɛsɛnu, wonu sanɛ dugi ma yisi-tinya bolo.

Nimisa Koe 2:20

E, Mari, i kolan lata mɔgɛ kɛnu ma. Ha bi, i wara yon tɔrɔ iko kɛnu? I ma a yen, musinu bi anu diyana-dannu soge dɔnna? Ma yogenu bi saraka-masɔlɛnu anubɛ nɛbinu fagala ita Bato-Bɔn la.

Nimisa Koe 4:16

Marila ko sa mala saraka-masɔlɛnu bara-koe rɔ tun bawo ale le nyɛrɛ-nyɛrɛ ya gbunsan bila anu tɔ. A ma anubɛ mala mɔgɔ-banu gbiliya nun.

Saraka-Masɔlɛnuta Tɔnnu 19:32

“Wo ni wola kinanu gbiliya ka wo famayigi anu ye. Wo ni kilan nde la bawo nde, wota Mari Alla ya kɛ le fɔ wo ye.