Nimisa Koe 4:16 - ALLALA KUMƐ

¹⁶ Marila ko sa mala saraka-masɔlɛnu bara-koe rɔ tun bawo ale le nyɛrɛ-nyɛrɛ ya gbunsan bila anu tɔ. A ma anubɛ mala mɔgɔ-banu gbiliya nun.

Nimisa Koe 4:16 Iomraidhean Croise

Ko-Dabirɛnu 49:7

Alamɛ yili kirita wola yisi-magboyɛ wo dan la bawo wo ara wotɛ latenbi. Woletɔ wole Simiyɔn anubɛ Lifayi bɔnsɔnnu ta si nyɛnsɛn nde, Yakoba bɔnsɔnnu tɛma Isirɛla nyamanɛ rɔ.

2 Ko-Kɔrɔta-Karan 36:17

Wo le ya a ma, Mari ya Babilɔn mansɛ latugu anu kan ma. Ala kɛlɛ-dannu tora Yuda kemini-mɛsɛnu fagala hali minnu bi Bato-Bɔn la. Anu ma kinikini mɔgɔ-wo-mɔgɔ ma. Kei wo, musi wo, denni wo, kina wo, a kirayato wo, Alla ya wonu damasi kunyɛ don anu bolo.

Yaburi 106:27

Wo kɔma, a ko a si anu kegeyɛnu tanyɛnsɛn Alla-batobɛlɛnu tɛma ka a ma, anu ni faga nyamani-gbɛrɛnu tɔ.

Yaburi 106:44

Kɔnɔ hali wo, Mari ya anu di-kɛ-kan lamɔɛn. A ya a fonde lamiri anuna tɔrɔyɛ ma.

Aiseya 24:2

A si duninya mumɛ kɛ daga kelen tɔ. A saraka-masɔla wo, a saraka-masɔbɛli wo, a yɔɔn wo, a yɔɔn-tigi wo, a fen-mayirala wo, a fen-sanna wo, a sinkali-kɛla wo, a ye sinkala min ma wo, a fen-tigi wo, a bolo-kolon wo, wo bɛɛ si kɛ daga kelen tɔ.

Aiseya 47:6

Mari ko ale diminyanɛ male ata Isirɛla mɔgɛnu ma nun. Ma biranɛ a bolo iko ata ma ma la. A ko a ara ma kunyɛ don Babilɔn kɛnu bolo, ado anu ma kinikini ma ma. A ko hali mala kɛmɔgɛnu, anu bi wonu natofi-tafila.

Yɛrɛmaya 15:4

A ko a si a ma, wole Yuda kɛnu si ma mɔgɔ-makawanɛ la duninya-mɔgɛ bɛɛ ye. Mari ko a si kɛ ma ka a tɛgɛ Yuda Mansa Hɛsakayala den Mansa Manasa sɔn ma Yerusalɛm soe burɔ.

Yɛrɛmaya 24:9

A ko a ye kasarɛ min sigila wo ma, wo si a ma, duninya mumɛ bɛɛ ni kilan. Mɔgɛnu si wo mayɛlɛn. Anu si wo ma yɛlɛnma-fan la. Anu si wo tɔgɛ ma dankali-kɛ-fan la.

Yɛrɛmaya 52:24

Saraka-Masɔla-Kun-Tigi-Wɛ Sɛraya wo, a kan-kɔrɔ-sigilɛ Sɛfanaya wo, anubɛ Bato-Bɔn bonda-da-makandanna mɔgɔ sawɛ wo, Nɛbusaradan ya wonu dama bira.

Nimisa Koe 2:20

E, Mari, i kolan lata mɔgɛ kɛnu ma. Ha bi, i wara yon tɔrɔ iko kɛnu? I ma a yen, musinu bi anu diyana-dannu soge dɔnna? Ma yogenu bi saraka-masɔlɛnu anubɛ nɛbinu fagala ita Bato-Bɔn la.

Nimisa Koe 2:6

Ma ye a batola bɔn min na fɔlɔ nun, a ara nyɔ-daga-koro-tiyi kɛ. A Sulen-Tele wo, a ladiya-ladɛn wo, a ya tɔn sigi wo dama ma. A mansa wo, a saraka-masɔla wo, wo dama bɛnta ata diminyɛ rɔ.

Nimisa Koe 5:12

Anu ya mala kun-tiginu bole dan lakiri ka anu dun san ma. Hali mala kinanu, anu ma kinikini wonu ma.

Isikiyɛli 5:10

Ka a tɛgɛ tɔrɔyɛ wo ma, denbɛnu si anuna dannu dɔn Yerusalɛm soe burɔ. Dannu fanan si anu sɔrɔnnɛnu dɔn. N si wo tɔrɔya ha ni minnu tora anu niyi la, wonu ta si nyɛnsɛn.

Tɔn-Fɔɛ-Fila-Nyɔgɛ 28:25

“Mari si a ma, wo yogenu si wo nɔ. Wo wa ta wo yogenu kɛlɛ tinɛ tumɛ min, wo si ta kila kelen fɛ kɔnɔ wonu si wo ranyɛnsɛn. Wole si belenna wo burila anu kɔrɔ kila-siyamɛnu fɛ. Ni mɔgɔ-gbɛrɛkɛnu ya wo tɔrɔya-nya yen, anu si kilan kati!

Tɔn-Fɔɛ-Fila-Nyɔgɛ 32:26

A bɛnta nun, Mari ni wo lato dogbe, woletɔ mɔgɛnu ti anu miri wo ma tun.

Hiburunu 8:9

Mabɛ wo benbanu sarata min ma, a ti ma wo su la tun. N ya anu bole bira tumɛ min ka anu nabɔ Iyipiti nyamanɛ rɔ, sarama-kan-kɔrɛ wo kirita tumɛ wo le tɔ. Ma sarata min ma wulɔn, anu ma sarama-kan wo latɔnbagaya. Woletɔ, nde, Mari ara n kan-kɔ sɔ anu na.