Nimisa Koe 3:23 - ALLALA KUMƐ

²³ Anu kurɛ le sɔgɔma-wo-sɔgɔma. Ala telenbagayɛ kolo.

Nimisa Koe 3:23 Iomraidhean Croise

Yaburi 146:6

San-kolo wo, dugu-kolo wo, kɔgɔ-yi wo, anubɛ min bi anu tɔ, ale le ya wo bɛɛ dan. Tuma-wo-tuma, a si ala lanyirinu natɔnbagaya.

Yaburi 30:5

Ala fondo-bɔɛ mani de iko ya-makeri kelan kɔnɔ dan sa ala nyimayɛ wo la. Ya-yi si to yigila suyi rɔ kɔnɔ sɔgɔma, diyi wo si a laban a bolo nyagalan ma.

Yaburi 36:5

Mari, ila keninteya-dannatɛgɛbɛlɛ ye yɛlɛla ha san-kole. Ila lanayɛ ye tugula banda-finyɛ la.

Yaburi 36:6

Ila telenbagayɛ yan iko kɔnkɔ-layan-bɛnu. Ni mɔgɛ si kɔgɔ-yi-dumɛ kɔrɛ lɔn, mani, mɔgɛ si ile Marita kiti-tɛgɛ-nya lɔn. Hadama-dannu anubɛ sogenu namaranɛ ile Mari le bolo.

Yaburi 89:33

Kɔnɔ hali wo, ale Dawuda ti gboya i ye, ado i si ila lanyiri latɔnbagaya a ye.

Aiseya 33:2

Mari, kinikini ma ma. Ma yigi bɛnnɛ ile le ma. To ma lakananna tele-wo-tele ka ma lakisi yakɔrɔ-mamɔɛ rɔ.

Sɛfanaya 3:5

Kɔnɔ hali wo, Mari ye Yerusalɛm soe kɛ burɔ. Koe min telennɛ, Mari si wo le ma. A ti ko-raduni wo ko-raduni ma. Tuma-wo-tuma, a si telenbagaya-kilɛ yira ala mɔgɛnu na. Kɔnɔ hali wo, karagbɛlɛ minnu bi nyɔ, anu ti miliya karagbɛlɛya-kɛ-tinɛ.

Taita 1:2

Ale le si yigi di anu ma ko anu ni habadan-nimayɛ sɔrɔn. Alla, min ti foninyɛ fɔ, wo le ya habadan-niyi-lanyiri kɛ kiri ma ye yanni duninya-dan ni bira tumɛ min.

Hiburunu 10:23

Ma ye yigi minna ko fɔla, ma ni wo bira gben, bawo ma lanɛ Alla la ko a si ata lanyiri kanbali.

Hiburunu 6:18

ado Alla nyɛrɛ ya ata kelili sa ata lanyiri wo kuma. Fen filɛ kɛnu ti yɛlɛma bawo Alla ti foninyɛ fɔ. Woletɔ male minnu bara ma buri tala a wara la ma latanka-koe la, ma si yisi-latɛgɛ sɔrɔn alako yigi min bi ma yarɔ, ma ni wo bira gben!