Nimisa Koe 3:17 - ALLALA KUMƐ

¹⁷ Kɛndɛyɛ wo, yisi-kimɛ wo, anubɛ sewɛ, n miriya ma ke wonu ma tɔrɔyɛ bolo.

Nimisa Koe 3:17 Iomraidhean Croise

Ko-Dabirɛnu 41:30

Wo kɔma san wɔrɔnfila, kɔnkɔ-fitinɛ burunnɛ Iyipiti nyamanɛ kuma bɛff! San wɔrɔnfilɛ wonu, kɔnkɛ wo si a ma, mɔgɛnu ni nyina san wɔrɔnfila diyanɛ wonu ko. Kɔnkɔ-fitinɛ si nyamanɛ kɛ tinya.

Yobu 7:7

E, Alla, i miri. N siyi si ban tiriya, iko niyi-lafɛ-kelan. N yɛ ti sa nyagalan ma tun.

Yaburi 119:155

Karagbɛlɛnu ti kisi bawo anu sa ita tɔnnu birala.

Aiseya 38:17

Nna gboyanayɛ mara n ye kun-nadiyɛ la. I taranta n natankala gbalo-koe bɛɛ ma. I ye n hakɛ bɛɛ makotola.

Aiseya 54:10

A ko hali kɔnkɛ bɛɛ mara gbangban la, ata kinikinɛ ti ban i wara la. A ara lanyiri min kiri yisi-kimɛla ko rɔ, a ko wo ti tinya mumɛ! Wo kenite Mari kan le kɛ la.

Aiseya 59:11

Ma dama ye kurunna iko suluki. Ma kuman-kan makinikininɛ iko purulantɛ. Ma ye ma yɛ lakalanna telenbagayɛ ma kɔnɔ ma sa a yenna. A sɔgɛ ye ma la, ma ni kisi kɔnɔ kisi-koe fɛ-yan ma la pon!

Yɛrɛmaya 12:12

Kɛlɛ-den-siyaman si tenbi kɔnkɔ-manunkunɛ wonu ma. Nde, Mari si a ma, kɛlɛ-dan wonu ni nyamanɛ wo tɔrɔ. Ka a bi nyamanɛ-dan doi ma ka a sigi a dan doi la, anu si mɔgɛ wo bɛɛ tɔrɔ. Mɔgɔ-wo-mɔgɔ ti kisi.

Yɛrɛmaya 14:19

Mari, i wara i ban bɛrɛbɛrɛkɛ male, Yuda mɔgɛnu na, wa? Yerusalɛm gbo i ye, wa? Nfen bara a to, i wara ma tanban boloko-yogomɛ-kɛ ha ma sa kɛndɛyala tun? Ma yili ye yisi-kimɛ le ma nun kɔnɔ ma ma a sɔrɔn. Ma yili-madiyanɛ ma kɛndɛya-koe la Yaga, kumakɔɛ le ma kuma.

Yɛrɛmaya 16:5

Mari ko n kana ta saya-bɔn la. A ko n kana saya-kɔndɔli-kɛ hali ka di. A ko n kana wo ma bawo a ara ata duwɛ bɔ wo bolo. A ti ata keninteyɛ anubɛ ata kinikinɛ yira wo la tun!

Yɛrɛmaya 8:15

Ma miri ye yisi-kimɛ le ma nun kɔnɔ yisi-kimɛ sa ma ye. Ma hɛnkili latɛgɛnɛ kɛndɛyɛ le ma nun kɔnɔ yaga, kumakɔɛ gbansan!

Nimisa Koe 1:16

“Wo le wara a ma, n ya-denkɛ ra sa gbalala tun. N madiya-mɔgɔ-wo-m͔ɔgɔ sa nyɔ. N kɔntɔ-diya-mɔgɔ sa tun. Nna mɔgɛ bɛɛ ara ma fugarɛ la bawo ma yogenu bara ma nɔ.

Sakaraya 8:10

A ko yanni wo wati ni ke, hali wole anubɛ wola kolo-fannu masan-wodi ma kolo wo bolo. A ko mɔgɔ ma ke a halala-wɔlɛ kɛla bawo wo yogenu taranta wo kan ma kan tinɛ bɛɛ rɔ. A ko ale le ara mɔgɛnu nakɛ anu nyɔgɔn ma nun.