Nimisa Koe 2:2 - ALLALA KUMƐ

² N Tigi Mari ma kinikini so-mɛsɛ fenfen ma Yuda nyamanɛ rɔ. A ara anu bɛɛ halaki pɔ! So-latankanɛ min bɛɛ ye Yuda nyamanɛ lakanan-koe la, a ara wo bɛɛ labui fugbu! A ya nyamanɛ anubɛ a mɔgɔ-banu fɛrɛn dugi la yarabiyi bolo.

Nimisa Koe 2:2 Iomraidhean Croise

Yobu 2:3

Mari ya a fɔ a ye tun ko, “I ya nna wɔli-kɛla Yobu yen nun? Mɔgɔ-nyimɛ le ale la, ado a telennɛ. A nyɔgɔn sa duninya rɔ. A ye n batola. A ye a mala a fɛrɛma alako a kana na ko-yogomɛ ma. Hali i nɔrɔta n ma Yobu kasara-koe la, n ma a tɔrɔ-kunya yen i bolo kɔnɔ hali wo, a telennɛ n ye iko a ye nya min nun fɔlɔ.”

Yaburi 21:9

Mansɛ yisi wa bɔ, a si a yogenu kasara iko tɛ wa nɔrɔn bira. Mari si anu ban ala fondo-bɔɛ la. Ata tɛ si anu mintan gburr!

Yaburi 74:7

Wo kɔma, anu ya i Bato-Bɔn tinya ka tɛ tugu a la. Mɔgɛnu bi i batola kan tinɛ wo min tɔ, anu bara nyɔ latinya.

Aiseya 22:5

Ko-Rayira-Lɛɛ wo rɔ, fenfen sa nyɔ fɔ kumakɔɛ anubɛ nɔ-koe anubɛ yisi-tɛgɛ, ado ma Tigi Mari Alla Sɛnbɛ-Bɛɛ-Tigi ya wonu nana ma kuma. Tarɛ min mininɛ mala soe ma, wo ara bui. Diyi min bɛɛ kɛra, kɔnkɛnu ya wo kuli wonu nabira.

Aiseya 23:9

Mari Sɛnbɛ-Bɛɛ-Tigi le ya a rabɛn. A ya ko-rabɛn-kɛ alako ka tɔn sigi ila wasinteyɛ la anubɛ ka ila mɔgɔ-banu namiliya.

Aiseya 25:12

A si Mohabu so-latankanɛ bɛɛ tii mɛmɛ hali tarɛ min bi yɛlɛla fulufele! Wo bɛɛ si bui gbangban rɔ.

Aiseya 26:5

Minnu wasinɛ, a si wonu makimɛ. Anu siginɛ so-latankanɛ minnu tɔ, a si wonu kasara. A si wola tara-layan-bɛ labui gbangban rɔ.

Aiseya 27:11

Nyɔ-kɔlɔmanu nafɔsɔnɛ, anu bolɔnnu kerikerinɛ. Musinu si nyɔ ma sɔgɔ-nyini-tinɛ la. Mari ya mɔgɛ wo minnu dan, anuna hina-wo-hina ma taran ale rɔ bawo anu ya anu ban a nya-yen-koe ma.

Aiseya 43:28

Mala mɔgɔ-banu ya a bato tinɛ latinya. Ka a tɛgɛ koe wonu ma, a ya kasarɛ lana male Isirɛla mɔgɛnu kuma. A ya a ma, male ala mɔgɛnu tora yarabiyi rɔ.

Aiseya 47:6

Mari ko ale diminyanɛ male ata Isirɛla mɔgɛnu ma nun. Ma biranɛ a bolo iko ata ma ma la. A ko a ara ma kunyɛ don Babilɔn kɛnu bolo, ado anu ma kinikini ma ma. A ko hali mala kɛmɔgɛnu, anu bi wonu natofi-tafila.

Yɛrɛmaya 13:14

A ko a si a ma, wole Yuda mɔgɛnu ni to tonko-tankanna ka bui wo nyɔgɔn kuma. Den wo, fa wo, bɛɛ si bui a nyɔgɔn kuma. A ko wola hina-wo-hina ti don ale tɔ. A ko ata hinanteyɛ ti a ma, wo ni to wo niyi la.

Yɛrɛmaya 19:15

Mari Sɛnbɛ-Bɛɛ-Tigi, Isirɛlata Alla ko a si kasarɛ lana Yerusalɛm anubɛ a dafɛ-soenu ma. A ti mɛ tun. A ye kɛ fɔla le bawo wo ara wo yisi gbɛlɛya ka wo tengberenya.

Yɛrɛmaya 21:7

Kɔnɔ Mari ya a fɔ fanan ko ale Sɛdɛkaya wo, ala mɔgɔ-banu wo, hali kiraya-fitinɛ anubɛ kɛlɛ-fitinɛ anubɛ kɔnkɔ-fitinɛ foora wole minnu na wo, Mansa Nɛbukanasa faga-sɔgɛ ye mɔgɛ minnu na, wonu denu si ta wo la, ado ale mansɛ ti kinikini wo ma ka wo fenfen yamasansan. A si wo damasi faga tɛrr! Mari nyɛrɛ kan le kɛ la.

Yɛrɛmaya 5:10

Mari ko a si a fɔ wole, Yuda mɔgɛnu ye ko wo yogenu ni ta wole, Yuda kɛnu malanfan iko mɔgɛ si ki-fannu malanfan nya min kɔnɔ anu kana wo bɛɛ malanfan de! Anu ni mɔgɛnu faga kelen-kelenyɛ ma iko kɔlɔma-gbendalɛ. Anu ni wo ma bawo Marita ma wole, ata mɔgɛ kɛnu denu na tun.

Nimisa Koe 2:17

Mari ara a fɔ ko a ye min mala nun, a ara wo le ma kɛ la. A ara ban Yerusalɛm soe kasara-koe latɛgɛla nun, ado a ara wo le ma kɛ la gbɛ! A ara a ma, ma yogenu bara sewa bawo soe ara tinya.

Nimisa Koe 2:21

A fonike wo, a kinan wo, bɛɛ furi-bolokanɛ ye belenna da-wo-da soe burɔ. Ma yogenu bara ban mala fonikenu tasɔgɔ-sɔgɔla faan la. Ita diminya-belebele le ya a ma, ma yogenu ya ma boso.

Nimisa Koe 2:5

Ma Tigi Mari ara ma ma yoge la ka Isirɛla nyamanɛ tinya. Tarɛ mininɛ soe minnu ma wo, a bon-kinyɛnu wo, a ara wo bɛɛ halaki pɔ! A ara male Yuda kɛnuna tɔrɔyɛ layiriba kosɛbɛ!

Nimisa Koe 3:43

“I fondela bɔɛ ye a mala, i ye ma sagaranna ka ma faga. Ma sa ita kinikinɛ yenna.

Isikiyɛli 5:11

“Woletɔ nde, wo Tigi Mari ko wo ara n Bato-Tinɛ latinya kisimiriya-ko-ladan la. Fananta n bi n niyi la, fɔ n ba wo malanfan de serr! Hali wola hinɛ pe, a ti don n tɔ!

Isikiyɛli 7:4

N ti n yɛ labelen wola hakɛnu kuma ka kinikini wo ma. N ti wo to wo niyi la. Fɔ n ba wo tɔrɔ ka a tɛgɛ wola kisimiriya-koenu ma woletɔ wo si a lɔn ko Mari le nde la.

Isikiyɛli 7:9

N ti n yɛ labelen wola hakɛ ma ka kinikini wo ma. N ti wo to wo niyi la. Fɔ n ba wo tɔrɔ ka a tɛgɛ wola kisimiriya-koenu ma alako wo ni a lɔn yati, ko Mari le nde la. Fɔ wo wa a lɔn de ko wo tɔrɔlɛ le nde la.

Isikiyɛli 8:18

Anu si na nna yisi-bɔɛ dan-natɛgɛ lɔn. N ti kinikini anu ma. N ti anu to anu niyi la. Hali anu ya anu dɛ sa-a-rɔ n madiya-tinɛ, n ti anu denkun.”

Isikiyɛli 9:10

N ti kinikini anu ma. N si a ma anu na iko anu denu fanan bara a ma doinu na nya min.”

Maika 5:14

Mari ko a si wola soenu tinya. Wo kɔma, a si wola bɛsɛnu tinya minnu tɔgɛ Asura, wo ya minnu nadan wo bole la musila muninyɛ rɔ, kɔni.

Malakayi 1:4

Idɔm kɛnu, Isɔ kegeyɛ, kɔni, tumado wonu si a fɔ ko, “Hali mala soenu bara kasara, ma si anu sɔ-kura-kɛ tun.” Ni anu ya wo fɔ, Mari si a fɔ worɔ ko ni anu ya anu sɔ tun, a si na anu tii mɛmɛ! Mɔgɛnu si na nyamanɛ wo kele ko, “Karagbɛlɛya-nyamanɛ.” Anu si to a fɔla tun fanan ko, “Mari fonde bɔnɛ nyɔ-mɔgɛnu kan ma tolon!”

Matiyu 18:33

A bɛnnɛ, i ni kinikini i wɔli-kɛ-nyɔgɛ fanan ma iko n kinikinita i ma nya min.’

2 Kɔrɛnti 10:4

Ma ye kɛlɛ-kɛ-fan minnu bila kɛlɛ-kɛ-tinɛ, duninyata kɛlɛ-kɛ-fen ma wonu na. Ma ye Allata kɛlɛ-kɛ-fen-sɛnbɛmɛnu bila ka Setanɛta kan-tina-latankanɛnu tinya wonu na. Anu bi hɛnkili minnu nabɔla,

Tɔn-Fɔɛ-Fila-Nyɔgɛ 28:52

Hali wo yili-madiyanɛ ye tara-layan-bɛ minnu na wola soenu ma, anu si soe wonu damasi bira-a-la wola nyamanɛ rɔ.

Tɔn-Fɔɛ-Fila-Nyɔgɛ 32:22

Marita diminyɛ si ma iko tɛ wa bin-gbalɛ bira ka mintannɛ kɛ dugi kɔrɔ ha ka ta ke lakira ma. Ata diminyɛ si ki-fannu anubɛ dugu-kole mintan gburr! A si kɔnkɛnu sule mintan.