Nimisa Koe 2:19 - ALLALA KUMƐ

¹⁹ Ile Yerusalɛm soe ni to i lasɔla suyi rɔ ka di n Tigi Mari dala i dɛnbɛn-koe rɔ. I sɔndɔmɛ lagbɛ Mari ye ka a madiya alako a ni kinikini ila dannu ma. Ila dannu bi fagala kɔnkɛ bolo lu-kole ma belenna soe burɔ.

Nimisa Koe 2:19 Iomraidhean Croise

Yobu 3:24

Fɔ ka to yɛlɛla a ma fekufeku, nta dɔn-fan ye wo le dɔrɔn na. Fɔ kurɔn, wo le mara nta min-kɛ-yi la.

Yaburi 119:55

Mari, n yili si to i ko suyi rɔ ka to n mirila ila tɔnnu ma.

Yaburi 134:2

Wo tenbi madiyalɛ kun na, wo ni wo bole sigi Alla ye kan-tina-sɛnimɛ telen tɔ a matɔgɔ tinɛ.

Yaburi 141:2

Sɔn nta madiyalɛ la iko i ye sɔnna isɛnti-mintan-sumɛ la nya min. N ba n bole rasigi i ye, i ni sɔn wo la iko i ye sɔnna wurala-sarakɛ la nya min.

Yaburi 142:2

N bi nna yasere-masɛ bɛɛ kɛla a ye. N bi nta tɔrɔyɛ rakaranna a ye.

Yaburi 142:3

Tɔrɛ wa n tabɔ tumɛ min, ale Mari si a lɔn n si min ma. N yogenu bara gbɛrɛ ladu n gbere la.

Yaburi 28:2

N tenbi dila i dala n dɛnbɛn-koe rɔ, i ni a lamɔɛn. N ba n bole rasagan san ma i madiya tinɛ ita Bato-Bon-sɛnimɛ wara la, i ni nna madiyali-kan lamɔɛn.

Yaburi 42:3

Su-ni-tele, n bi dila. N ya-yi le manɛ n beli-fan la. Tuma-wo-tuma, n yogenu si n manyinika ko, “Ileta Alla ye mintɔ?”

Yaburi 42:4

N ba n miri ko-tenbinɛnu ma, n yisi si tinya. Fɔlɔ nun, mabɛ mɔgɔ-siyaman bi tala Alla Bato-Bɔn la. Ma tenbi tala, n sɔnɛ anu yarɔ. Anu sewanɛ, anu si a lawɔyɔ sewa-bɛti bɔ tinɛ.

Yaburi 42:8

Alamɛ Mari ya ata keninteya-dannatɛgɛbɛlɛ yira n na tele rɔ woletɔ n si to bɛti bɔla n yisi rɔ suyi rɔ. N niyi ye Alla min bolo, bɛti wo mani de ale ye iko madiyalɛ.

Yaburi 62:8

Nta mɔgɛnu, wo ni la Alla la tumɛ bɛɛ. Wo ni wola tɔrɔyɛ bɛɛ sa ale kɔrɔ bawo wola kan-tina-latankanɛ le ale la.

Yaburi 63:4

Fananta n bi n niyi la, n bi i tantola dɛɛ! N si n bole sigi i ye madiyali-kɛ tinɛ.

Aiseya 26:9

A la wa fin, i sɔgɛ si n tabɔ dɔgɔma-ma-de! Banda wa ka, a ni ma iko ma ni taran ma nyɔgɔn fɛ. Ni ile ya duninya-mɔgɛ bɛɛ kiti, anu si a lɔn telenbagayɛ ye nya min.

Aiseya 51:20

Mɔgɛnu mɔlɔkɔn-mɔlɔkɔnnɛ ye belenna buila. Anu sanɛ belenna soe lu-kunyɛnu na dinkirɛ bɛɛ. Anu mani de iko soge wa bira gbɛrɛ la. Anu bara banna Allata fondo-bɔɛ lɔnna.

Yɛrɛmaya 14:18

Ni n tara soe kɔma, n ti fenfen yen suyi kɔma. Ni n tara soe burɔ, n ti fenfen yen fɔ kɔnkɛla mɔgɔ-lakirayanɛ. A nɛbi wo, a saraka-masɔla wo, anu bara ban tala mɔgɔ filɛ wonu na nyamani-gbɛrɛnu tɔ.

Yɛrɛmaya 9:20

Nde, Yɛrɛmaya ya a fɔ wole, Yuda nyamanita musinu ye ko wo ni wo tole masɔ Marita kumɛ la. Wo ni wo tole laka ka ale Mari kan lamɔɛn. Wo ni wola dunmusinu nabila yerelen-tɛgɛ-bole ma. Wo ni wo nyɔgɔn karan mamusi-sigi la.

Isikiyɛli 5:10

Ka a tɛgɛ tɔrɔyɛ wo ma, denbɛnu si anuna dannu dɔn Yerusalɛm soe burɔ. Dannu fanan si anu sɔrɔnnɛnu dɔn. N si wo tɔrɔya ha ni minnu tora anu niyi la, wonu ta si nyɛnsɛn.

Isikiyɛli 5:16

N si kilɛ tɛgɛ wola dɔn-fen-koe ma ka wo lakɔnkɔ. Kɔnkɛ si wo dumɛ wo buyi rɔ iko kalabɛn tenbi mɔgɛ rɔ wo ye tɔrɔla nya min.

Maika 1:16

“Wole Yerusalɛm so-burɔ-mɔgɛnu, wo ni wo kunyɛ gbana di-kɛ-tinɛ iko dogɛ ka a tɛgɛ wola dannuna ko ma, kɛlɛ ye tala minnu na.”

Nehami 3:10

Kɔnɔ hali wo, ale Tibisi kɛnu yogenu tara anu dununa pon! Anu yogenu ya anuna dannu bi ka anu gbesi dugi la ha anu fagara. Anu ya wo ma kan-tina-siyaman tɔ soe wo burɔ. Anu ya anuna mɔgɔ-banu kiri yɔlɔkɛnu na. Wo kɔma, anu ya mɔgɔ-ba wonu tatala koron-nakɛ fɛ.

Matiyu 14:25

Yisa nara ke anu ma banda-ka-da-pinpi ma. A ye tagamana anu bara yi kuma.

Maraka 1:35

Wo banda kɛ, subaga dɛ ma, Yisa tara soe kɔma a dan na Alla matara tinɛ.

Maraka 13:35

Woletɔ wo yɛ-lakalannɛ ni to bawo wo ma bon-tigi na-tumɛ lɔn. Wo ma a lɔn ni a si na wurɛ la, suyi tɛma, dondɔn-keke-wati, ni wo ma, sun-tele-fɛran. Wo ma a lɔn,

Luka 6:12

Wo wati rɔ, Yisa yɛlɛta kɔnkɛ do kuma madiyali-kɛ-tinɛ. A kira nyɔ Alla madiyɛ la.

1 Timoti 2:8

Wo wa wo ladɛn Alla bato tinɛ tuma-wo-tuma, n bi a fɛ, wole keinu ni madiyali kɛ ka wo bole rasigi Alla ye. Wo ni ma mɔgɔ-sɛninyanɛnu na Alla ye, ado wo tenbi madiyali kɛla, diminyɛ anubɛ sɔsɔli kana taran wo tɛma.

Kɛlɛ-Kurugbɛnu 7:19

Wo tumɛ anu yogenu ban-san anuna kila-kandannɛnu mayɛlɛmana, Kidiyɔn anubɛ ala kɛlɛ-dan mɔgɔ kɛmɛ kera anu yoge wonuna dagɛ wo dala yanni su-talɛ ni ke. Kidiyɔn anubɛ ata mɔgɔ kɛmɛ ya anuna buri fɛ ka anuna bɔnku-dagɛ wonu tatii.

1 Samuwɛli 1:15

Hana ko, “N fa, n ma gbɛɛ min dɛɛ! N bi nna kɔndɔfili le fɔ tinɛ Mari ye bawo a ara gbɛlɛya n kuma.

1 Samuwɛli 7:6

Isirɛla mɔgɛ bɛɛsi ladɛnta Misipa soe burɔ. Anu ya yi do layɛlɛ kɔlɔn rɔ ka wo labɔn dugi ma Mari ye nyɔ. Anu telenta sunyɛ rɔ gbɛn, ha wurɛ la. Anu ko, “Ma ara hakɛ kɛ Mari la.” (Samuwɛli mara nyamani-kuma-kun-tigi la Isirɛla mɔgɛnu kun na Misipa soe kɛ le burɔ.)