Nimisa Koe 1:5 - ALLALA KUMƐ

⁵ Yerusalɛm yogenu bara ma anu tiginu na. A bira-koe ma gbɛlɛya a yogenu bolo lefan! Mari ara ale Yerusalɛm tɔrɔ bawo a ara hakɛ dan-natenbi. A yogenu bara ala dan bɛɛ bira ka ta wonu na pon!

Nimisa Koe 1:5 Iomraidhean Croise

2 Mansɛnu 21:15

Ni i ya a yen n bi kɛ mala, kebi anu benbanu bɔra Iyipiti nyamanɛ rɔ ka na yan, anu bi hakɛ kɛla n na tolon! Anu bara a ma, n bara diminya kosɛbɛ!”

Yaburi 80:6

Sibolo-gbɛrɛnu bi anu nyɔgɔn kɛlɛla mala dugi kuma. Ma yogenu bi ma mamɔɛnna.

Yaburi 89:42

I wara a ma, a yogenu bara a nɔ. I wara a ma, a yoge dama ara sewa.

Aiseya 22:5

Ko-Rayira-Lɛɛ wo rɔ, fenfen sa nyɔ fɔ kumakɔɛ anubɛ nɔ-koe anubɛ yisi-tɛgɛ, ado ma Tigi Mari Alla Sɛnbɛ-Bɛɛ-Tigi ya wonu nana ma kuma. Tarɛ min mininɛ mala soe ma, wo ara bui. Diyi min bɛɛ kɛra, kɔnkɛnu ya wo kuli wonu nabira.

Aiseya 63:18

Ila Bato-Bɔn taranta ma bolo wati-kundu-ni kɔrɔ. Kɔnɔ ma yogenu bara anu kian sɔ kan-tina-sɛnimɛ wo rɔ.

Yɛrɛmaya 10:20

Mala fani-bɔnnu bara wuya. A balan-yili bɛɛ ra ara tɛgɛ. Mala dannu ta ara nyɛnsɛn. Fani-bɔn wo sɔla-wo-sɔla sa nyɔ tun. Hali a yorolan, a kirila sa tun.”

Yɛrɛmaya 12:7

“N bara n ban Isirɛla mɔgɛnu na. N bara n ban nta mɔgɛnu na. Anu denu min di n ye bɛrɛbɛrɛkɛ, n bara anu kunyɛ don anu yogenu bolo.

Yɛrɛmaya 23:14

Kɔnɔ nɛbi minnu bi Yerusalɛm, wonuna sɔn-yogoyɛ tenbira Samariya kɛnutɛ la. Anu sa fenfen kun na fɔ yɛlɛnyɛ anubɛ foninya-fɔɛ. Anu sa fenfen kun na fɔ ka mɔgɛnu nadon ko-yogoma-kɛ rɔ. Mɔgɔ-wo-mɔgɔ sa nyɔ min si a fara ko-yogoma-kɛ la. Mari ko anu yogo a yala iko mɔgɛ minnu siginɛ Sɔdɔm anubɛ Kɔmɔra soenu burɔ nun.

Yɛrɛmaya 39:9

Tɔ-a-la, a mɔgɛ toe minnu tora soe burɔ anubɛ minnu bara kofu a ma, Nɛbukanasala kɛlɛ-den-kunyɛ min tɔgɛ Nɛbusaradan, wo tara anu denu na Babilɔn.

Yɛrɛmaya 5:29

Kɔnɔ ale Mari ko a si karagbɛlɛ wonu tɔrɔ kɛnuna ko la. Mari ko fɔ a wa mɔgɛ kɛnu tayili sara.

Nimisa Koe 1:16

“Wo le wara a ma, n ya-denkɛ ra sa gbalala tun. N madiya-mɔgɔ-wo-m͔ɔgɔ sa nyɔ. N kɔntɔ-diya-mɔgɔ sa tun. Nna mɔgɛ bɛɛ ara ma fugarɛ la bawo ma yogenu bara ma nɔ.

Nimisa Koe 1:18

“Kɔnɔ kɛ dama rɔ, Mari ye a yoe rɔ bawo n bara ata kuman-kan tinya. Duninya-mɔgɛ bɛɛ ni a tole masɔ n na. Wo ma n tɔrɔ-bole yen? Ma yogenu bara ma fonike bɛɛ bira ka ta anu na nyamani-gbɛrɛnu tɔ.

Nimisa Koe 1:8

Yerusalɛm soe ara a nyɛrɛ latinya bawo a ara hakɛ-yogomɛ kɛ. A gbiliyanɛ minnu bolo nun, wonu ya a magboya bawo anu bara a lakolɔn yen. Ale fanan bi dila a yakɔrɛ dogonna miliyɛ bolo.

Nimisa Koe 2:17

Mari ara a fɔ ko a ye min mala nun, a ara wo le ma kɛ la. A ara ban Yerusalɛm soe kasara-koe latɛgɛla nun, ado a ara wo le ma kɛ la gbɛ! A ara a ma, ma yogenu bara sewa bawo soe ara tinya.

Nimisa Koe 3:46

Ma yoge bɛɛsi ara ma lafɛya ka ma mɔɛn.

Isikiyɛli 9:10

N ti kinikini anu ma. N si a ma anu na iko anu denu fanan bara a ma doinu na nya min.”

Isikiyɛli 9:9

Alla ara a fɔ ko, “Isirɛla bɔnsɔn-mɔgɛnu anubɛ Yuda bɔnsɔn-mɔgɛnu yilikinɛ anu hakɛ-yogomɛnu bolo. Anu bara niyi-siyaman bɔ anuna nyamanɛ bɛɛ rɔ ka Yerusalɛm soe mumɛ lafa tɔn-tinyɛ la. Anu kɛnɛna a fɔla wo rɔ ko nde, Mari ara n ban anuna nyamanɛ la, ado anu bi a fɔla fanan ko n ya sa anu na.

Tɔn-Fɔɛ-Fila-Nyɔgɛ 31:29

N ya a lɔn ko n ba faga tumɛ min, Isirɛla mɔgɛnu si ma wunduyogenu na. Anu si anu ban nta karan kɛnu na. Kɔnɔ tɔ-a-la, anu si masiba-koenu sɔrɔn bawo anu ya Alla kuman-kan masɔsɔ. Woletɔ anu bara a ma, Mari fonde ara bɔ anu kuma dɔgɔma-ma-de!”