Nimisa Koe 1:3 - ALLALA KUMƐ

³ Yuda nyamanita-mɔgɛnu bara don yɔɔnyɛ min tɔ, wo yogo. Anu yogenu ya anu bira ka ta anu nyɛnsɛn sibolo-gbɛrɛkɛnu tɛma wula-yan la, anu ma lafɛrɛ-kunya sɔrɔn. Anu sagarannɛnu ya anu bira, ado anu bɔ-kunya sa wonu bolo.

Nimisa Koe 1:3 Iomraidhean Croise

2 Mansɛnu 25:11

Boloma-wɔli-kɛlɛ minnu tora soe burɔ wo, minnu ya anu buri ka ta kofu Babilɔn kɛnu ma wo, Yuda nyamanita-mɔgɛ toenu wo, kɛlɛ-den-kunyɛ wo tara wonu na Babilɔn nyamanɛ rɔ.

2 Mansɛnu 25:21

Anu ke anu na Ribila soe burɔ Hamati nyamanɛ rɔ, Babilɔn mansɛ ya Yerusalɛm kɛ wonu gbesi ka anu faga. Kɛlɛ tara Yuda mɔgɛnu na ka le.

2 Mansɛnu 25:5

Kɔnɔ hali wo, Babilɔn kɛlɛ-dannu ya anubɛ anuna mansɛ sagaran. Anu ya Mansa Sɛdɛkaya bira gbɛkole do ma Yɛrikɔ soe dafɛ. Ala kɛlɛ-dannu ya a boloka ka a to a yogenu bolo la.

Yɛrɛmaya 13:19

Soe minnu bi wulɛ rɔ Yuda nyamanɛ dugu la, wonu yogenu bara kurɔn don wo ma. Wo masɔrɔn-kunya sa mɔgɔ-wo-mɔgɔ bolo. Wole Yuda nyamanita-mɔgɛ bɛɛ kunyɛ si don biralɛ rɔ nyamani-gbɛrɛ bolo. Anu si ta wo dama la tɛrr!

Yɛrɛmaya 16:16

Mari ko a ti mɛ tun, a si kilayɛ lata yɛgɛ-biralɛnu ma alako wonu ni na wole, Yuda mɔgɛnu bira. Wo kɔma, a si kilayɛ lata donsenu ma alako wonu ni na bui wola nyamanɛ kɛ bɛɛ ma. Donse wonu si to wole, Yuda mɔgɛnu napɛrɛnna kɔnkɛnu anubɛ farannu ma.

Yɛrɛmaya 24:9

A ko a ye kasarɛ min sigila wo ma, wo si a ma, duninya mumɛ bɛɛ ni kilan. Mɔgɛnu si wo mayɛlɛn. Anu si wo ma yɛlɛnma-fan la. Anu si wo tɔgɛ ma dankali-kɛ-fan la.

Yɛrɛmaya 39:9

Tɔ-a-la, a mɔgɛ toe minnu tora soe burɔ anubɛ minnu bara kofu a ma, Nɛbukanasala kɛlɛ-den-kunyɛ min tɔgɛ Nɛbusaradan, wo tara anu denu na Babilɔn.

Yɛrɛmaya 52:15

Boloma-wɔli-kɛlɛ minnu tora soe burɔ wo, mɔgɛ minnu ya anu buri ka ta kofu Babilɔn kɛnu ma wo, Yuda nyamanita-mɔgɛ toenu wo, kɛlɛ-den-kunyɛ wo tara wonu na Babilɔn nyamanɛ rɔ.

Yɛrɛmaya 52:8

Kɔnɔ hali wo, Babilɔn kɛlɛ-dannu ya anubɛ anuna mansɛ sagaran. Anu ya Mansa Sɛdɛkaya bira gbɛkole do ma Yɛrikɔ soe dafɛ. Ala kɛlɛ-dannu ya a boloka ka a to a yogenu bolo la.

Nimisa Koe 2:9

Tarɛ wo don-da-wɛnu tora sani yefe-gbalɛ rɔ. A dɛ-balan-kɔnnu ta ara kerikeri. Nna mansɛ anubɛ nna mɔgɔ-banu bi biralɛ rɔ nyamani-gbɛrɛkɛnu tɔ. Nta saraka-masɔlɛnu sa mɔgɛnu karanna tɔn ma tun. Mari sa wɔlɔyiya-kumɛnu yirala nta nɛbinu ma tun.

Nimisa Koe 4:15

Mɔgɛnu bi anu masɛgila anu na. Anu bi a fɔla ko, “Wo kɔsɔnɛ. Wo kana tugu ma la.” Woletɔ anu ya anu bɔ Yerusalɛm soe burɔ ka to yilan-yilanna sibolo-gbɛrɛnu tɛma minnu fanan ya a fɔ ko, “Wo ni wo bɔ mala nyamanɛ rɔ.”

Nimisa Koe 5:5

Anu bi ma lagbengbenna iko sofɛlɛ-dunumatoe. Ma bandanta dɔgɔma-ma-de kɔnɔ sulen-kunya sa ma bolo.

Isikiyɛli 5:12

Wole Yerusalɛm kɛnu tatalanɛ sigi-tina sawa la, a tɔnkɔn kelan si to kirayɛ anubɛ kɔnkɛrɔ-soe burɔ. A tɔnkɔn kelan, wonu kundu si bɔ faan la soe kɔma. A tɔnkɔn kelan fanan ta si nyɛnsɛn kesemeren, iko fɔnyɔ wa ta fen na. N si wo sagaran faan la.

Tɔn-Fɔɛ-Fila-Nyɔgɛ 28:48

woletɔ Mari ye wo yogenu natuntunna wo ma. Wo si tɔrɔ anu ye, wo kannu na si gbala, wo si ma kɔnkɔtoenu na, fɛriyɛ si wo bira, wo si to bolo-kolonyɛ rɔ. Mari si a ma, wo yogenu ni yɔlɔkɛnu sɔ wo kannu na. Ha wo si faga, yɔlɔkɛ wo ye wo kannu na.