Nimisa Koe 1:14 - ALLALA KUMƐ

¹⁴ “Mari ara n hakɛ bɛɛ ladɛn ka anu kiri anu nyɔgɔn ma. A ban, a ya wonu kiri n kan ma. A ya wo ma min kɛ, n tafagara kuluba! N Tigi Mari ya a ma, n yogenu ya n nɔ. Wo wati ya n taran, n ti ke anu kɛlɛla mumɛ!

Nimisa Koe 1:14 Iomraidhean Croise

Hɛnkilimaya-Kumɛnu 5:22

Ko-yogomɛ si ma gbɛrɛ la ko-yogoma-kɛlɛ ye, ado a si bira a halala gbɛrɛ-lasiginɛ wo la, yɔ!

Aiseya 14:25

A ko a si Asiriyanu nunku ata kɔnkɛnu ma a tontɛ kɔrɔ Isirɛla nyamanɛ rɔ. A si ata mɔgɛnu bɔ kun-gbaran rɔ Asiriyanu bolo. Anu kunyɛ si bɔ dunu madunɛ kɔrɔ.

Aiseya 47:6

Mari ko ale diminyanɛ male ata Isirɛla mɔgɛnu ma nun. Ma biranɛ a bolo iko ata ma ma la. A ko a ara ma kunyɛ don Babilɔn kɛnu bolo, ado anu ma kinikini ma ma. A ko hali mala kɛmɔgɛnu, anu bi wonu natofi-tafila.

Yɛrɛmaya 25:9

a si kantɔ-mɔgɛ bɛɛ kele wo kan ma katarala Babilɔn Mansa Nɛbukanasa ma, ata wɔli-kɛlɛ, kɔni. A ko mansɛ wo si na wole Yuda nyamanita-mɔgɛ bɛɛ kɛlɛ anubɛ wo dan-masa-nyɔgɛnu. Anu ba ban wo kɛlɛla, anu si wola nyamanɛ kasaranɛ to. Mɔgɛ min ba nyɔ yen, wo kuma si tɛgɛ.

Yɛrɛmaya 27:12

Nde, Yɛrɛmaya ya kumɛ kɛ le nyɔgɔn fɔ Mansa Sɛdɛkaya ye Yuda nyamanɛ rɔ. N ya a fɔ a ye ko, “I ni i nyɛrɛ latenbi Mansa Nɛbukanasa ma. Ni wobɛ ila mɔgɛnu wɔlita ale mansɛ anubɛ ala mɔgɛnu ye, wo si to wo niyi la

Yɛrɛmaya 27:8

Nde, Yɛrɛmaya ya n sara kilayɛ wonu na ka ta a fɔ anuna mansɛnu ye ko ni nyamanɛ min ma sɔn a kunyɛ ladonna ale Nɛbukanasata kanma-kɔlɔma rɔ, Mari ko a si nyamanɛ wo tɔrɔ kɛlɛ anubɛ kɔnkɔ-fitinɛ anubɛ kirayɛ la. Nɛbukanasa si nyamanɛ wo halaki pɔ!

Yɛrɛmaya 28:13

n ni ta a fɔ Hananaya ye ko ale Hananaya ara sara-ninki kanma-kɔlɔma rakeri kɔnɔ Mari ko a si sara-ninki kanma-kɔlɔma ladan a kurɛ la nɛgɛ la.

Yɛrɛmaya 28:14

Ale Mari Sɛnbɛ-Bɛɛ-Tigi, Isirɛlata Alla ko sara-ninki kanma-kɔlɔma min nadannɛ nɛgɛ la, a si wo sa sibolenu kan ma. A ko a ye wo mala le alako bɛɛ si wɔli Nɛbukanasa ye nya min. Anu si ma yɔɔn la a ye. Hali bintɔ-sogenu, wonu si to ale Mansa Nɛbukanasa kɔrɔ.

Yɛrɛmaya 32:3

Mari ko a si a ma, Babilɔn mansɛ ni Yerusalɛm bira. A ko ale Mansa Sɛdɛkaya kunyɛ ti bɔ a rɔ. Anu si a bira ka a don Babilɔn mansɛ bolo. Anu ya-den filɛ si bɛn ka kuma anu nyɔgɔn na. Mari ko anu si ta ale mansɛ la Babilɔn, ado a ko a si to nyɔ ha ale Mari ni a sako kɛ a la. Hali a ya Babilɔn kɛlɛ-dannu kɛlɛ a kun da filɛ la, a ko a ti anu nɔ. Mari kan le kɛ la. Ale mansa Sɛdɛkaya ya n sa yele la bawo n bara Mari kan kɛnu natenbi nun.

Yɛrɛmaya 37:17

Wati-tenbinɛ, Mansa Sɛdɛkaya ya n kele ala bolɔn la. N ke, a ya n kele n dan na ka n manyinika ni Marita sarakanɛ ye n bolo. N ya a fɔ a ye, n ko, “Ɔn. Mari si a ma, Babilɔn mansɛ ni i bira.”

Isikiyɛli 11:9

A ko a si wo labɔ soe kɛ burɔ ka wo don sibolo-gbɛrɛnu bolo. A ara wo faga-koe latɛgɛ,

Isikiyɛli 21:31

N ba nna diminyɛ labɔ wo ma iko ta-mɛlan, wo si a lɔn. N si wo kunyɛ don yisi-gbɛlɛtenu bolo minnu si wo faga boloko-yogomɛ-kɛ.

Isikiyɛli 23:28

“ ‘Ile Oholiba, Yerusalɛm, kɔni, i sɔgɔ labɔnɛ i yoge minnu na, n si i don wonu bolo.

Isikiyɛli 25:4

Anu sewanɛ min kɛ, sibolo-gbɛrɛ minnu bi tele-bɔɛ wara la wulɛ rɔ, n si a ma, wonu ni na anu nɔ. Wonu si na anu dagɛ makɛ ale Amonnuna nyamanɛ rɔ ka sigi nyɔ. Kɔn-gbɔɛ anubɛ nonɛ minnu bi nyɔ anuna ko la, wonu si na wonu bɔ anu bolo ka wonu ma anu beli-fan la.

Isikiyɛli 25:7

N si anu don sibolo-gbɛrɛnu bolo. Wonu si anuna mirannu kankan anu ma. N si anu halaki ha ka anu sibole bɛɛ ban. Anu ti anu halala-nyamanɛ sɔrɔn tun! Wo si a lɔn wo le ma ko wo Tigi Mari le nde la.”

Hoseya 5:14

Mari ko a si kɛ Yuda anubɛ Isirɛla mɔgɛnu ma iko yarɛ ye kɛla soge ma nya min. Ale nyɛrɛ nyɛrɛ si wo rafarafara ka wo boloka. A wa ban wo saganna dugi la ka ta wo la, wo lakananna fenfen ti taran.

Maika 2:3

“Woletɔ Mari ko minnu bi kɛ sufa mala, a si nyankankantan lana anu kuma ka anu tɔrɔ, anu ti ke anu bɔla min kɔrɔ. Anu si tɔrɔyɛ sɔrɔn. Anu kɔmakɔmɛ si belenna tagamana.

Tɔn-Fɔɛ-Fila-Nyɔgɛ 28:48

woletɔ Mari ye wo yogenu natuntunna wo ma. Wo si tɔrɔ anu ye, wo kannu na si gbala, wo si ma kɔnkɔtoenu na, fɛriyɛ si wo bira, wo si to bolo-kolonyɛ rɔ. Mari si a ma, wo yogenu ni yɔlɔkɛnu sɔ wo kannu na. Ha wo si faga, yɔlɔkɛ wo ye wo kannu na.