Nimisa Koe 1:13 - ALLALA KUMƐ

¹³ “Alla ara fɛrɛma-kaliyɛ ladon n fɛrɛ rɔ iko tɛ. Mari ara gbɛrɛ lasigi n ye alako a si n nabui nya min. Wo kɔma, a ya a kɔɛn bɔ n tɔ ka mabɛ duma-belebele to sigini.

Nimisa Koe 1:13 Iomraidhean Croise

Yobu 18:8

A ye tagamana yalɛ rɔ min bi nala a birala. A ye tola a makɛlɛla nya min, wo ye tola a birala wo nya na le.

Yobu 19:6

Wo ma a lɔn ko Alla gbɛ le kɛ la, wa? Wo le wara yili lasigi ka n bira.

Yobu 30:30

N fɛrɛ la ara fin ka wolɔn. Kimɛ ara keri n kun na.

Yaburi 129:5

Yerusalɛm-gboyana-mɔgɛnu, alamɛ ma ya nɔ-ko sɔrɔn wonu ma ka anu gben sɛgila.

Yaburi 140:5

Wasintenu bara gbɛrɛ lasigi n ye. Anu bara sogo-bira-yalɛ rafulen n yarɔ. Kan-birɛ lasiginɛ n ye anu bolo.

Yaburi 22:14

N sɛnbɛ bɛɛ ara ban fegba iko yi wa bon dugi ma. N natugurun-nya bɛɛsi ara bɔ anu nyɔgɔn na. N yisi ara lee iko li-kɛɛn.

Yaburi 31:10

Kinikinɛ ara to n mala yɔgbɔ! Diyi ara to n niyi madɔgɔyala n tɔ. Nna kɔndɔfilinu bara n tafaga. Hali n kolenu bara yɔlɔkɔ.

Yaburi 35:4

N faga-sɔgɛ ye minnu na, alamɛ i ya wonu nɔ ka anu yarabi. Minnu bi yanfɛ rabɛnna n ma, alamɛ wonu kɔndɔfilinɛ sɛgira.

Yaburi 38:8

N sɛnbɛ ara tɛgɛ yisi-tinya bolo yadi! N tora kurunna yisi-tinya bolo.

Yaburi 66:11

I sɔnta, ma ni bira ma yogenuna gbɛrɛ la ka dunu-belebele sigi ma kuma.

Bɔ-Koe-Iyipiti 12:9

Anu kana a kuran dɔn. Anu kana a tenɛ dɔn fɔ ka anu mintan. A kunyɛ anubɛ a kiannu anubɛ a burɔ-fan bɛɛsi ni mintan gburr!

Aiseya 42:17

Kɔnɔ a ko minnu bi lala bɛsɛnu na, minnu bi a fɔla ko anuta alla le anu na, wonu si yarabiyi sɔrɔn ka miliya pɔ!

Yɛrɛmaya 44:6

Woletɔ a ko a ya a fonde labɔn Yuda soenu anubɛ Yerusalɛm soe burɔ ka soe wonu mintan gburr! Ha bi, soe wonu bi tonbonyɛ la.

Nimisa Koe 1:22

“I ban n yogenu na ka anu halaki ka a tɛgɛ anuna karagbɛlɛyɛ ma anu bara min sigi n na. I ni anu tɔrɔ iko i ya n tɔrɔ nya min. N bi kɛ damasi fɔla tumɛ min, n bi kurunna yisi-tinya bolo.”

Nimisa Koe 3:11

A ya n gben kila-kole ma ka n bira. Wo kɔma, a ya n tafarafara ka n boloka nyɔ rɔ.

Nimisa Koe 5:17

Ma yisi tinyanɛ bawo mɔgɔ sa Bato-Bɔn la tun. A la ara kolonya filili! Fɔ sulukinu dɔrɔn, wonu denu sigi tina ye Bato-Bon-tiinɛ wo la. Ma yisi la ara fin ma ma wola ko la. Ma ti ke ko ragbɛla ma ya-yi bolo.

Isikiyɛli 12:13

A fɔ anu ye ko n si nta yalɛ rafulen mansɛ yarɔ alako n ni a bira. Wo kɔma, n si ta a la Babilɔn soe burɔ. Ha a si faga nyɔ, a ti soe wo ragbɛ a yɛ la.

Isikiyɛli 17:20

N si yalɛ laburun a kuma ka a bira wo la. N si a bi ka ta a la Babilɔn nyamanɛ rɔ ka a tɔrɔ nyɔ bawo a ma a telen n ye.

Isikiyɛli 32:3

Sibolo-siyamɛnu ba anu kundɛn tumɛ min, nde si ale banbɛ bira nna yalɛ la. Anu si a masagan gbole ma.

Hoseya 7:12

Kɔnɔ wole minnu bi ta-ni-sɛgi kɛla wo dɛnbɛn-koe la, nde, Mari si wo bira yalɛ la iko mɔgɛ si kona bira yalɛ la nya min. N si wo tɔrɔ ka a tɛgɛ wola karagbɛlɛyɛ ma.

Nehami 1:6

Alla fonde wa bɔ tumɛ min, yon si to a niyi la worɔ? A fondo-kaliyanɛ ye tɛ min nabɔla, yon si ke wo rakɔnɔna? Mari wa fondo-magboyɛ labɔ iko ta-mɛlan, farɛnu si ma gbangban la a kɔrɔ.

Habakuku 3:16

N ya kɛ damasi lamɔɛn tumɛ min, n kumakɔra. N da-gbole tora yɛrɛyɛrɛnna kumakɔɛ bolo. N kolenu mara yɔrɔyɔrɔ! N kiannu tora yɛrɛyɛrɛnna n kɔrɔ sigisigi! Kɔnɔ n si n tade ka ma yogenu tɔrɔ-tele makɔnɔ Mari bolo.

Tɔn-Fɔɛ-Fila-Nyɔgɛ 28:65

Wo tara wo sigi kan-bo-kan, wo ti yisi-kimɛ sɔrɔn nyɔ. Wo si ma yilan-yilantoenu na bawo wo ti wo sigi-tina-latelennɛ sɔrɔn wo nyɛrɛ ma. Mari si a ma, wo ni to hɔnna yigi-tɛgɛ bolo. Wo yisi si tinya bawo wo ye masibɛ kɔrɔ tuma-wo-tuma. Wo kumakɔnɛ si to kilan bolo su-ni-tele.

2 Tɛsalonaika 1:8

ta-mɛlan la. A si Alla-lɔnbɛlɛnu tɔrɔ anubɛ minnu ma sɔn ma Mari Yisa, Allata-Mɔgɔ-Yabɔnɛta kibara-nyimɛ bira-koe ma.

Hiburunu 12:29

ado mata Alla mani de iko tɛ min si fan bɛɛ mintan gburr!