Nehami 3:5 - ALLALA KUMƐ

⁵ Mari Sɛnbɛ-Bɛɛ-Tigi ko a si ile Ninɛfa soe tɔrɔ. A ko a si ile Ninɛfa lakolonya alako duninya ni i lakolɔn yen.

Nehami 3:5 Iomraidhean Croise

Yɛrɛmaya 13:22

Wo ni wo nyɛrɛ manyinika, wo ni a fɔ ko, “Nfen bi a tola, kɛnu bi mala ma la?” Wo hakɛ le ye a mala, wonu bi sigila ma ma, yɔ! Ka a tɛgɛ wo hakɛ wonu ma, anu ya wola kurɛ tɛgɛ wo la. Woletɔ anu buira wo ma ka digin wo ma.

Yɛrɛmaya 13:26

Ile Yerusalɛm kɛnu, Mari ko a si wola kurɛ wusɔn wo kun na. Bɛɛ si wo lakolɔn yen. Wo si miliya.

Yɛrɛmaya 50:31

Babilɔn fanɛ wasinteyɛ la nya min kɛ la, ale ma tigi Mari Sɛnbɛ-Bɛɛ-Tigi ko a kɔnkɔnnɛ anu ma. Anu tɔrɔ-wati ara ke Mari bolo.

Isikiyɛli 16:37

Ka a tɛgɛ wo ma, n si i sa-nyɔgɔn-kɔrɛ wo bɛɛ ladɛn kan-tina-kelen. Minnu di i ye wo, minnu gbo i ye wo, wonu si a mini i ma. Wo kɔma, n si i mawuran alako anu ni i lakolɔn yen.

Isikiyɛli 21:3

ko anu yoge le nde, Mari la. N si nna faan sagan a lɛɛ rɔ ka anu damasi faga, a mɔgɔ-nyima wo, a mɔgɔ-yogoma wo.

Isikiyɛli 23:25

N si a ma, anu ni i tɔrɔ anuna yisi-bɔɛ la bawo nde fanan yisi bɔnɛ i kuma kati! Anu si i sunyɛ anubɛ i tole ka ka ila dannu faga i yala. Anu si wola den-keinu anubɛ dunmusinu kɛndɛ mintan i yala.

Isikiyɛli 23:29

Bawo i gboyanɛ anu ye, i wara tɔrɔ min bɛɛ la, anu si wo bɛɛ bi i bolo. Anu si i mɛlɛn bolokanɛ to ila yɛlɛnyɛ rɔ. Ila kei-koyɛ anubɛ ila yɛlɛnyɛ,

Isikiyɛli 26:3

“Woletɔ nde, wo Tigi Mari ko ale Taya kɛnu yoge le nde la. N si sibolo-gbɛrɛkɛ donu nana anu kan ma. Wonu si to tugula anu kuma iko kɔgɔ-yi min bi tugula a rɔ.

Maika 1:11

“Sefira soe wo tɔgɔ-kɔrɛ mani de iko ‘nyagalen.’ Anu tenbi tala nyɔ-mɔgɛnu na, anu si ta anu mɛlannu na. Anu kɔgɔrɔyɔlɛ si ta miliyɛ bolo. Seyanan soe wo tɔgɔ-kɔrɛ mani de iko ‘bɔ yan.’ Nyɔ-mɔgɛnu ti sisi bɔla soe kɔma kilan bolo. Bɛti-Isili soe wo tɔgɔ-kɔrɛ mani de iko ‘kan-tina-latankanɛ.’ Wo wa soe wo mɔgɛnu wɔrɔndɔ-kan lamɔɛn tumɛ min, wo ni la a la ko mɔgɔ ti ta nyɔ-kisi-koe la worɔ.

Nehami 2:13

Mari Sɛnbɛ-Bɛɛ-Tigi ko wole Ninɛfa kɛnu ni wo tole masɔ. Wo yogo-bɛrɛbɛrɛ le ale la. Wo si wola kɛlɛ-kɛ-kirindinu mintan gburr! Wola kɛlɛ-nyana dama kunyɛ si to kɛlɛ rɔ. Wo ara min bɛɛsi bi kɛlɛ rɔ, ale fanan si wonu bi wo bolo. Wola kilayɛnu ti ta tun ka gbɛsɛ-gbɛsɛnu makele nyamanita-mɔgɛ doinu na.

Habakuku 2:16

Wola gbiliyɛ si yɛlɛma miliyɛ la wo ye! Mɔgɛnu si wole fanan nakolɔn yen. Wola minni-fan si ma wola kun-nagboya-fan la Mari bolo.