Nehami 3:19 - ALLALA KUMƐ

¹⁹ Bɛsi-wo-bɛsi sa wola tɛlɛnuna ko la, ado wola tɛlɛ wonu ti kɛndɛya muk! Mɔgɔ-wo-mɔgɔ wa a lamɔɛn ko wo ara halaki, wo si lɛnkɛ gbesi sewɛ bolo bawo wo ara karagbɛlɛya-siyaman sigi mɔgɛnu na nun.

Nehami 3:19 Iomraidhean Croise

Yobu 27:23

Anu burumatoe tenbi tala, fɔnyɔ ye a dɛ gbesila anu kɔma. Ala kasara-mankan ye anu kumakɔla.

Aiseya 37:11

N bara min sigi nyamanɛ doinu ma, i wara wo lamɔɛn? I lanɛ a la ko i kunyɛ si bɔ n bolo tɔ?

Aiseya 37:18

Mari, bɛɛ ya a lɔn ko Asiriya mansɛnu bara nyamani-siyaman kasara

Yɛrɛmaya 10:22

Wole Yuda kɛnu, wo ni wo tole rabalan. Kɛlɛ-mankan ye nala. Kɛlɛ-sɔnkɔ-sɔnkɛ ye nala ka bɔ kantɔ-wara la. Wo yogenu si wola soenu ma tonbɔn la iko wula-da-rakolɔn. Nyɔ si ma fira-wulinu barɛ la.

Yɛrɛmaya 30:12

Mari ko tanban-nɛ ye wo ma min ti dandan. Wo duma-tinɛnu ti kɛndɛya.

Yɛrɛmaya 46:11

Iyipiti kɛnu ni ta Kaliyadi anu dandan bɛsi-nyini-tinɛ. Bɛsɛ wo ti ko nyinya anu ma. Fenfen ti anu dandan.

Nimisa Koe 2:15

Mɔgɛ min tenbi tenbila, wo ye a dɛ bosila a kɔrɔ Yerusalɛm soe ma. Min ba ke Yerusalɛm tinyanɛ ma, wo si a bole sa a dɛ la ka kawa. Anu bi a fɔla ko, “So-kinyɛ wo le ma kɛ la nun? Duninya sa anu diyala kɛ le la nun?”

Isikiyɛli 25:6

“Nde, wo Tigi Mari ko Amonnu bara sewa boloko-yogomɛ-kɛ min kɛ Isirɛla tinya-koe la, anu bara nyagalen-haka-yasɛ dɔn.

Yona 1:2

“I lasɔ, i ni ta Ninɛfa so-karantan rɔ ka nyɔ-mɔgɛnu makuma. Mɔgɛ wonuna ko-yogomɛ ara n tabɔ.”

Maika 1:9

Samariya si na tinya feu, ado mɔgɔ ti ke a ladanna tun. Yuda nyamanɛ fanan si tinya wo nya na le, hali anuna Yerusalɛm so-karantan fanan.”

Lankɛnimayɛ 13:7

Alla sɔnta ko sogo-feremɛ wo ni Allata mɔgɛnu kɛlɛ ka anu nɔ. Sibole bɛɛ anubɛ bɔnsɔn bɛɛ anubɛ mɔgɔ-su bɛɛ iko anu kan faranɛ nya min, sarati dira a ma wonu kuma.

Lankɛnimayɛ 17:2

Mansɛnu bara yɛlɛnyɛ kɛ musu-yɛlan wo fɛ, ado mɔgɛ bɛɛ ara ma gbɛɛtoe la ala yɛlɛnyɛ bolo.”

Lankɛnimayɛ 18:20

Kɔnɔ ile Arinyɛnɛ, i ni nyagalen soe wo tinya-koela ko la! Wole Allala mɔgɛnu anubɛ ata kilayɛnu anubɛ ata nɛbinu, wo ni fa sewɛ la ka a tɛgɛ min bara ma soe kɛ la. A ara wo tɔrɔ nya min, Alla ara a kiti tɛgɛ wola ko la!