Nehami 3:10 - ALLALA KUMƐ

¹⁰ Kɔnɔ hali wo, ale Tibisi kɛnu yogenu tara anu dununa pon! Anu yogenu ya anuna dannu bi ka anu gbesi dugi la ha anu fagara. Anu ya wo ma kan-tina-siyaman tɔ soe wo burɔ. Anu ya anuna mɔgɔ-banu kiri yɔlɔkɛnu na. Wo kɔma, anu ya mɔgɔ-ba wonu tatala koron-nakɛ fɛ.

Nehami 3:10 Iomraidhean Croise

2 Mansɛnu 8:12

Hasiyɛli ya a manyinika, a ko, “N fa, i ye dila nfen na?” Nɛbi Ilaisa ko, “Ile ye nala koe min sigila Isirɛla mɔgɛnu ma yarɔ, wo le ye a mala, n bi dila ka. Ile si tɛ tugu anuna so-hakikɛnu na. I si Isirɛla kemini-mɛsɛnu mɔnima-fagɛ-kɛ, ado i si anuna dannu bi ka anu gbesi dugi la ha anu ni faga. I si nyaganɛ-kolomɛnu buyi laka.”

Yobu 6:27

Wole si kelenni-kun-kundi dɛ fɔ le ka a mayira. Wo si wo diyana-mɔgɛ mayira alako wo ni tɔnɔ-belebele sɔrɔn wo rɔ.

Yaburi 137:8

Ile Babilɔn, ita gbalo ye nala. Mɔgɔ-sewanɛ le wo tigi la min bi ma tayili sarala ile Babilɔn na

Yaburi 137:9

ka wola dannu bi wo bolo ka wonu kunyɛ ratii fara-kole ma pose!

Yaburi 149:8

Anu ni yɔlɔkɛ kɛ anu yogenuna mansɛnu ma ka anuna kun-tiginu kiri nɛgɛ-yɔlɔkɛnu na.

Aiseya 13:16

Mari ko anu si to anuna dannu tapɔsikɛnna anu ya la. Anu si anu wasakara maka anuna bɔnnu na. Anu si digin anuna musinu ma anu ya la.

Aiseya 13:6

Wo ni kurun dumɛ bolo. Marita lɔgɔ-latɛgɛnɛ ara gbɛrɛn. Mari Sɛnbɛ-Bɛɛ-Tigi si kasarɛ lana tele wo ma.

Aiseya 19:4

A ko a si Iyipiti kɛnu don mansa-karagbɛlɛ do bolo. Ale Mari Sɛnbɛ-Bɛɛ-Tigi ara ban kɛ fɔla.

Aiseya 20:4

Mari ko Asiriya mansɛ si mɔgɛnu bira nyamani filɛ wonu tɔ, wonu makolɔn si ta. A kina wo, a dennɛ wo, wonu dama kuru-lakolɔn si ta anubɛ anu kin-takolɔn. Wo si a ma, Iyipiti ni miliya.

Nimisa Koe 2:19

Ile Yerusalɛm soe ni to i lasɔla suyi rɔ ka di n Tigi Mari dala i dɛnbɛn-koe rɔ. I sɔndɔmɛ lagbɛ Mari ye ka a madiya alako a ni kinikini ila dannu ma. Ila dannu bi fagala kɔnkɛ bolo lu-kole ma belenna soe burɔ.

Nimisa Koe 4:1

Mala sɛnɛ min bi malan-malanna nun, wo ara tinya. Mala Bato-Bon-sɛnima-kurinu ta ara nyɛnsɛn Yerusalɛm lu-kole bɛɛ ma.

Isikiyɛli 29:7

Anu ba anu gbɔnkun ale Iyipiti rɔ, a ra si keri ka sɔrɔngbɔ anu kɛɛ kɔrɔ ka kɔ-dumɛ di anu ma. Anu ya anu takeri wo kuma nyɔ gbass!

Hoseya 13:16

Wola Samariya so-karantan si tɔrɔ ka a tɛgɛ ala murutiyɛ ma nde, Alla ma. Wole Samariya kɛnu kunyɛ si to kɛlɛ rɔ ka wola dannu gbesi dugi la ka wola musu-kolomɛnu buyi laka faan la.”

Yowɛli 3:3

Mari ko anu bara korɔn lakɛ mɔgɔ-biranɛ wonuna ko la iko siyaman, ni min si to min ye. Anu ya Isirɛla den-keinu fɛlɛn alako anu ni yɛlannu-sarɛ sɔrɔn. Anu ya Isirɛla sunkurɔnnu ma baan-sɔnkɛ la.

Emɔsi 1:13

“Mari ko wole Amon nyamanita-mɔgɛnu, wo ara hakɛ dan-natenbi, ado a si wo tɔrɔ, yɔ! Wo ye wola nyamani-kuma-kɛlɛ kɛla tumɛ min, wo ya ko-yogoma-siyaman ma hali ka nyaganɛ-kolomɛnu buyi rafara Kaliyadi nyamanɛ rɔ.

Hɔbadaya 1:11

Isirɛla yogenu nara tumɛ min ka Yerusalɛm tarɛ dɛnu keri, wo sɔnɛ tora wo gbɛ rɔ. Wo ma sɔn wo na-kelen-nyɔgɛnu dɛnbɛna kɛlɛ la mumɛ! Wo ma ta kankannu fɛ kankanya-kɛ-tinɛ kɔnɔ a ko wo yogo iko mɔgɛ wo minnu ya kankanya-fannu tala anu nyɔgɛnu tɛma.