Nehami 2:2 - ALLALA KUMƐ

² (A ara to doni, Mari ni Yuda nyamanɛ lasɛgi a gbɛ rɔ ka a kinya iko a ya lanyiri kiri nya min Isirɛla nyamanɛla ko la fɔlɔ nun, yanni a yogenu ni a tɔnbɔn.)

Nehami 2:2 Iomraidhean Croise

Yaburi 47:4

Male, a diyana-mɔgɛnu bi sigila nyamanɛ min tɔ, ale le ya wo yabɔ ma ye. Nyamanɛ wo, a diyana-mɔgɛnu bi anu wasila wo le la.

Aiseya 60:15

Lunyɛ do, i sɔgɔ labɔra anu na. Anu ya i rakolonya. Hali ka tenbi i rɔ, mɔgɔ ma a ma. Kɔnɔ a ko ka a bi bi ma, i mankan ma si to yɛlɛla. I si ma sewa tinɛ la tolon!

Yɛrɛmaya 25:29

A ko a ye ala kasarɛ dabirala ale Mari nyɛrɛta so-karantan Yerusalɛm fɔlɔn ma. Woletɔ wo kana wo miri ko kasarɛ sa nala kɛla wo ma. A ti foo mɔgɔ-wo-mɔgɔ la bawo fɔ duninya-mɔgɛ bɛɛ wa kasarɛ wo sɔrɔn. Mari Sɛnbɛ-Bɛɛ-Tigi kan le kɛ la.

Yɛrɛmaya 48:11

Mari ko Mohabu kɛnu nafɛrɛni de tuma-wo-tuma. Anu ma ta biralɛ rɔ ni! Anu siginɛ iko gbɛɛ min kɔrɔ siginɛ, mɔgɔ ma a bole tugu wɛ min barɛ la. A diyɛ ye a la iko a ye nya min nun fɔlɔ. A sumɛ ye bɔla iko a ye nya min nun fɔlɔ fanan.

Yɛrɛmaya 49:9

Ni mɔgɛ ya kɔn-gbɔɛ keri, a si a kelen-kelennɛnu to a la. Ni kankannu nara bɔn la suyi rɔ, anu bi anu bitɛ le bila.

Isikiyɛli 37:21

A fɔ anu ye ko nde, anu Tigi Mari si nta mɔgɛnu bɔ sibolo-gbɛrɛnu tɛma anu tanyɛnsɛnnɛ minnu tɛma nun. N si anu kundɛn kan-tina-kelen ka na anu na anu halala-nyamanɛ rɔ.

Isikiyɛli 37:23

Anu ti anu nyɛrɛ latinya kisimiriya-bɛsɛ wonu fɛ. Anu ti bila hakɛ rɔ. Anu duruta hakɛ subolo-siyamɛ min bɛɛ kɛla, n si anu bɔ wonu tɔ. N si anu sɛninya alako anu ni ma nta mɔgɛnu na. Nde fanan ni ma anuta Alla la.

Hoseya 10:1

Wole Isirɛla mɔgɛnu bara sabati nun iko kɔn wa gbɔ tisikiri! Wo ye tɔnɛ sɔrɔnna nya min, wo ye tola saraka-mintan-tinɛnu nadanna bɛsɛnu ye wo nya na le. Ki-fannu bi tola sabatila wola dugi rɔ nya min, wo ye tola wola kuru-malɛsɛnɛnu makirila wo nya na le.

Nehami 2:10

Wole Ninɛfa kɛnu, wola soe ara kasara pɔ! Wo bɛɛ ara wo buri. Nyɔ ara ma tonbɔn la. Wo ara mɔlɔkɔn kilan bolo ka ma tulan!

Nehami 3:14

Wole Ninɛfa kɛnu, wo ni wo raya ka wo mabɛn kɛlɛ fɛ-yan-bɛla ko la. Wo ni yi madunu wola soe burɔ bawo wola soe kuruntɔɛ le. Wo ni wola tarɛ sɔ fanka rɔ. Wo ni wola bulɔku-gbesi-fannu nadan ka dugu-namɛ laboro kɛnti!

Sɛfanaya 3:11

A ko wo wati wa ke tumɛ min, wole Isirɛla kɛnu kana miliya tun ka a tɛgɛ wo ara murutiyɛ min ma Mari ma nun fɔlɔ. Kɔnɔ yanni wo wati ni ke, a ko a si mɔgɔ-wasinɛ bɛɛ firan dugu-kole kɛ kuma. Woletɔ wo ti murutiya Mari ma tun kɔnkɔ-kolo-wɛ kuma ata Bato-Bɔn sɔnɛ kan min.