Nehami 1:7 - ALLALA KUMƐ

⁷ Mari nyimayanɛ feu! A si ala mɔgɛnu kumafunfan tɔrɔya-wati rɔ. Ni mɔgɛ min ya a ya-lamunun a la, a si to wo kumafɛlɛnna.

Nehami 1:7 Iomraidhean Croise

1 Ko-Kɔrɔta-Karan 16:34

Wo ni baraka bira Mari ye bawo a si nyimayɛ kɛ, ado ala keninteyɛ dan sa mumɛ!

1 Ko-Kɔrɔta-Karan 5:20

Anu ya anu yigi sa Alla rɔ ka a matara anu dɛnbɛn-koe la. Alla ya anuna matarali-kan wo lamɔɛn ka nɔlɛ di anu ma Hagaranu anubɛ wonu madɛnbɛnɛnu kuma.

2 Ko-Kɔrɔta-Karan 13:18

Yuda kɛlɛ-dannu ya Isirɛla kɛlɛ-dannu nɔ bawo anu lanɛ anu benbanuta Mari Alla le la.

2 Ko-Kɔrɔta-Karan 32:11

Wola mansɛ ye a fɔla wo ye ko wota Mari ye wo kisila a bolo kɔnɔ a ye wo mayuwaya tinɛ le. A ko a si a ma, wo ni faga kan-nagbalɛ anubɛ kɔnkɛ bolo.

2 Ko-Kɔrɔta-Karan 32:21

Mari le ya melika do sɔ min ya Asiriya kɛlɛ-den-kunyɛnu anubɛ kɛlɛ-dannu faga. Wo le ya a ma, Asiriya mansɛ wo yarabinɛ sɛgira ala nyamanɛ rɔ. Min tenbira wo la, lunyɛ do, Mansa Sɛnakaribu ye ala bɛsi-kɔ-tinɛ tumɛ min, ala den-kei donu ya a faga faan la.

2 Ko-Kɔrɔta-Karan 32:8

Hadama-den-fanka-gbansan le a bolo dɔrɔn kɔnɔ maleta Mari Alla ye ma dɛnbɛna kɛlɛ rɔ.” Mansɛta kumɛ, wo le ya mɔgɛnu nakerinteya.

Ɛsira 3:11

Anu ya Alla-tanto-bɛtinu bɔ ko, “Alla tanto bawo a kin, ala keninteyɛ ti ban Isirɛla mɔgɛnu bara-la habadan!” Bɛɛ ya a kuli mayɛlɛ anu sɛnbɛ la ka Mari tanto sewɛ la bawo anu bara Bato-Bon-kurukɛ-wɔlɛ laban.

Yaburi 1:6

Mari sɔnɛ mɔgɔ-telennɛnu yarɔ ka anu natanka kɔnɔ karagbɛlɛnu, wonu kunyɛ telennɛ kasara-kilɛ le ma.

Yaburi 100:5

Mari nyimayanɛ le. Dan sa ala keninteyɛ la. Ata lanayɛ si to burubukai!

Yaburi 20:1

I tenbi yakɔrɔ-mamɔɛ rɔ, alamɛ Mari ya i dɛnbɛ. Alamɛ Yakobata Alla ya i latanka.

Yaburi 25:8

Mari ye hakɛ-tiginu karanna ka anu natelen bawo Mari telennɛ, ado a sɔn kin.

Yaburi 27:5

N tenbi tɔrɔyɛ rɔ, a si n nakanan. A si n nakanan ata Bato-Bɔn la. A si n sigi fara-kolo-wɛ kuma n si kisi kan min.

Yaburi 37:39

Mari si mɔgɔ-telennɛnu nakisi. Anu tenbi kɔndɔfili rɔ, a si anu natanka.

Yaburi 37:40

A si anu dɛnbɛ ka anu nakanan. A si anu kanan karagbɛlɛnu masibɛ ma bawo anu denu si ta Mari wara anu nakanan-koe la.

Yaburi 46:2

Hali duninya mumɛ bɛɛ ramagara, ma ti kilan. Hali kɔnkɛ bɛɛ buira kɔgɔ-yi-dumɛ rɔ, ma ti kilan.

Yaburi 50:15

Tɔrɔyɛ wa na wo ma, ni wo ya n kele, n si wo dɛnbɛ, ado wo si n gbiliya.”

Yaburi 59:16

Kɔnɔ nde si ita fankalamaya-sigi sa. Ka a tɛgɛ ila hinɛ ma, n si n kuli mayɛlɛ sigi sa tinɛ sɔgɔma-wo-sɔgɔma. N natanka tinɛ le ile la. I mara n kisi tinɛ la n tɔrɔya-wati rɔ.

Yaburi 71:3

I ni ma nta lakisi-bɔn la min si n tanka n yogenu masibɛ ma. Nta bon-gbɛlɛmɛ anubɛ nna kɛlɛ-kɛlɛ le ile la. N si n buri tala ile wara tuma-wo-tuma.

Yaburi 86:7

N bi yakɔrɔ-mamɔɛ rɔ tumɛ min, n ya i rakele bawo i ye nna madiyali-kan lamɔɛnna.

Yaburi 9:10

Mari, minnu ya i lɔn, wonu lara i la kosɛbɛ! Min bi nala ile ma, i ti wonu boloka.

Yaburi 91:15

A ko anu ba a rakele, a si a labira. Anu tenbi yakɔrɔ-mamɔɛ rɔ, a ye anu fɛ. A ko a si anu nakisi ka a ma, anu ni gbiliyɛ sɔrɔn.

Hɛnkilimaya-Kumɛnu 18:10

Mari le mɔgɔ niyi lakisilɛ la iko so-latankanɛ, telenbagɛnu si anu buri ka ta anu dogon kan min.

Aiseya 25:4

Bolo-kolɔnnu anubɛ fugarɛnu dimatoe ara na i wara anu dɛnbɛn-koe rɔ. Anu bi tɔrɔyɛ rɔ tumɛ min, i ya anu kumafunfan. Fɔn-digidigi-wɛ nanɛ, i mara anu ye bɔn la. Ala kunayɛ tele bolo anu kuma, i mara anu ye ninɛ la. Karagbɛlɛnu taranta anu kan ma iko banda tenbi gbesila dandan la.

Aiseya 32:2

Anu kelen-kelennamɛ-bɛɛ si ma iko toge min si mɔgɛnu tanka bandɛ anubɛ fɔnyɔ ma. Wonu si ma iko yi-kimɛ dugu-ragbalanɛ rɔ. Anu si ma iko fara-gbilɔn-bɛ-ninɛ dugu-fafanɛ rɔ.

Aiseya 50:10

Mɔgɔ-wo-mɔgɔ wa Mari gbiliya ka ala wɔli-kɛlɛla kumɛ bira, hali a tagama-kilɛ lapinpinɛ, a ni la Mari la. A dunnɛ ni to ata Alla ma.

Yɛrɛmaya 16:19

E, Mari, n sɛnbɛ anubɛ n natankalɛ le ile la. Tɔrɔyɛ wa na tumɛ min, n si ta i wara n nakanan-koe rɔ. Sibolenu si bɔ duninya tonke bɛɛ rɔ ka na i wara. Anu si a fɔ ko, “Bɛsi-fuyi le ye ma benbanu bolo nun dɔrɔn! Anu bi bɛsi-fufafuyinu kɔla nun minnu ti ko nyinya anu ma.

Yɛrɛmaya 17:17

I yandi Mari, i ma kana kilan n ye. Tɔrɔyɛ tenbi nala n magbenna, n burumatoe ye tala ile le wara.

Nimisa Koe 3:25

Mari si ko-nyimɛ kɛ mɔgɛ wonu ye minnu bi a nyinina anu yisi bɛɛ la.

Daniyɛli 3:28

Ale mansɛ ya a fɔ ko, “N si mɔgɔ sawɛ kɛnuta Alla tanto bawo ale le ya ata melika lana alako ka anu natanka tɛ kɛ ma. Anu lara anuta Alla la feu! Yanni anu ni anu madu nta bɛsɛ kɛ kɔrɔ, anu ya nna tɔn tinya hali ka anu niyi fili bawo a ma di anu ye, anu ni bɛsi-wo-bɛsi matɔgɔ anuta Alla kɔma.”

Daniyɛli 6:23

Mansɛ sewara dɔgɔma-ma-de! Ale mansɛ ya a fɔ ala wɔli-kɛlɛnu ye ko anu ni Daniyɛli layɛlɛ ka a bɔ denkɛ rɔ yarɛnu kɔrɔ. Anu ya a layɛlɛ tumɛ min, hali a mawɔrɔ gbɛ, anu ma a yen a ma bawo ale lara Alla la.

Yowɛli 3:16

Mari kulu-mayɛlɛnɛ si bɔ Yerusalɛm kɔnkɔ-sɛnimɛ kuma. Dugi anubɛ san-kole si yɛrɛyɛrɛn. Kɔnɔ hali wo, a si ala mɔgɛnu kumafunfan.

Sɛfanaya 3:12

A ko fɔ mɔgɔ-famayiginɛnu dɔrɔn si to anu niyi la. Wonu denu si ta a wara anu dɛnbɛn-koe la.

Matiyu 27:43

A lara Allatala la. A ko Allala dan le ale la. Nba, ma ni a mafɛlɛn, ni a sɔgɛ ye Alla la ka a lakisi!”

Matiyu 7:23

Nba, n si a fɔ wonu ye worɔ ko, ‘N ma wo lɔn mumɛ! Wo bɔ n fɛ, wole ko-yogoma-kɛlɛnu!’

Yɔni 10:14

“Saga-fɛ-birala-nyimɛ le nde la. N Fa Alla ya nde lɔn nya min, nde fanan ya a lɔn wo nya le, ado n ya nna sagɛnu lɔn wo nya na le. Anu fanan ya nde lɔn. N si sɔn ka faga anuna ko la.

Yɔni 10:27

Nna sagɛnu si anu tole masɔ n kan la. N ya anu lɔn, ado anu si bila n fɛ.

Romu 11:22

Wole minnu bara bui, Alla ara a ragbɛlɛya wole le kuma kɔnɔ ni wo tora ala nyimayɛ rɔ, a si to ko-nyimɛ kɛla wo ye. Kɔnɔ ni wo ma wo ma, wole bɛrɛn si keri a la. Wo si ala nyimayɛ lɔn kɛ le ma kɔnɔ a si mɔgɛ bira yisi-gbɛlɛyɛ la nya min, wole si wo fanan lɔn.

Kalesiya 4:9

Nba kaka, wo ya Alla lɔn, ado min fisa, n ni a fɔ ko Alla ya wole le lɔn ata dannu na. Nfenna worɔ, wo ye a fɛ ka sɛgi nyina-sɛnbɛbɔnɔ-fuyi wonu ma tun? Nfenna wo ye a fɛ ka ma wonuna yɔɔn la tun?

2 Timoti 2:19

Kɔnɔ Alla ara chɔchi min ma dɛnkɛninya-kurukɛ-sɛnbɛ la, wo la ti maga mumɛ! Kumɛ kɛnu denu sɛbɛnɛ chɔchi ma ko, “Mari ya a nyɛrɛtɛ lɔn.” Wo kɔma, a sɛbɛnɛ ko, “Min bi a fɔla ko Maritɛ le ale la, wo ni fara ko-yogoma-kɛ la.”