Nehami 1:3 - ALLALA KUMƐ

³ Mari fonde ti bɔ tiriya kɔnɔ a sɛnbɛ makawanɛ, ado a ti sɔn mɔgɔ-yilikinɛ tɔrɔbɛlɛ ni to. Mari wa a tontɛ sɔ kan min, tɔnkɔlɔn le wulila nyɔ. A tontɛ gbangban si yɛlɛma banda-kole la.

Nehami 1:3 Iomraidhean Croise

2 Samuwɛli 22:10

A ya san-kole rafara. A yigira ka sɔ banda-finyɛ kuma.

Nihɛmaya 9:17

Anu ma sɔn anu tole sigila ita kumɛ kɔrɔ. I wara kabana-koe min bɛɛ ma anu ye nun kɔrɔma la, anu nyinara wonu ko salon! Anu bilara anu kun-telenmɛ fɛ ka anuna kun-tigi yabɔ min si anu kunyɛ don yɔɔnyɛ rɔ tun iko anu taranta nya min Iyipiti. Kɔnɔ kinikini-mansɛ le ile la. Anu di i ye, ado i si ko-nyimɛ kɛ anu ye. I fonde ti bɔ anu kuma yona. Ila kinikinɛ kolo anu bara la, ado i ma anu boloka mumɛ!

Yobu 10:14

I ye n nakɔrɔsila ka a lɔn ni n si hakɛ kɛ le alako i ni i ban n makoto-koe ma.

Yobu 38:1

Kɛ bɛɛ tenbinɛ, Mari nyɛrɛ kumara Yobu ye fɔn-digidigi-wɛ rɔ.

Yobu 9:4

Fanka-tigi anubɛ hɛnkilimɛ le Alla la. Mɔgɔ-wo-mɔgɔ ti ke a sɔla Alla yala.

Yaburi 103:8

Ala kinikinɛ anubɛ keninteyɛ da rakolo. A ti diminya yona, ado dan sa ata keninteyɛ la.

Yaburi 104:3

I wara a balan-kɔnnu gbangban kɔgɔ-yi rɔ. Ila kirindi le banda-finyɛnu na. I kanban le fɔnyɔ la min bi tala i la.

Yaburi 145:8

Mari fanɛ keninteyɛ anubɛ kinikinɛ la. A ti diminya tiriya, ado dan sa ala keninteyɛ la.

Yaburi 147:5

Ma tigi-makawanɛ, ado a fanka kolo. Ala hɛnkilimayɛ nya ti ban yenna.

Yaburi 50:3

Mata Alla ye nala. A madeni sa nala de! Ta-belebele le ye a yarɔ. A ye banda-fin-fɔn-belebele tɛma.

Yaburi 62:11

Tuma-wo-tuma, n bi a lamɔɛnna Alla bolo ko ale letan ye sɛnbɛ damasi la

Yaburi 66:3

Wo ni a fɔ Alla ye ko a ya koe minnu kɛ, wonu makawara. A sɛnbɛ makawanɛ ha wo ya a ma, a yogenu tora sani a kɔrɔ kumakɔɛ bolo.

Aiseya 19:1

Kilayɛ le kɛ la Iyipiti kɛnuna ko la. Mari si a mayigi banda-finyɛ rɔ, a ni ta tiriya Iyipiti nyamanɛ rɔ. Bɛsɛ min bɛɛ ye nyɔ, wonu si yɛrɛyɛrɛn a kɔrɔ, ado nyɔ-mɔgɛnu yisi si tɛgɛ gbat!

Aiseya 29:6

Mari Sɛnbɛ-Bɛɛ-Tigi si na san-sɛran anubɛ dugu-yɛrɛyɛran la wo lakanan-koe la. Mari si wo lakisi fɔnyɔ anubɛ ta-wɛ la.

Aiseya 66:15

I ma Mari yen nala tɛ la a bolo? Marita kɛlɛ-dannu bi nala kirindi la anu bolo iko fɔn-digidigi-wɛ. A si a yogenu tɔrɔ ata fondo-bɔ-belebele la. A si anu tɔrɔ ta-mɛlan la.

Yɛrɛmaya 4:13

Ma yogenu bi nala iko banda-finyɛ. Anuna kɛlɛ-kɛ-kirindinu bi nala anu burila iko tɔnkɔlɔn. Anuna soeenu bi anu burila iko kokɛ. A si gbɛlɛya ma kuma bawo wo ye nala kasarala le kɛ la.

Daniyɛli 7:13

“Nna kiyo kɛ rɔ, n ya fan do yen min muninyanɛ hadama-dan la. A ye nala n magbenna, a lafoonɛ banda-finyɛ la. A tara a sɔ Habadan-Tigi-Alla dafɛ, anu ya a raka wo la.

Hoseya 8:7

Ni min ya wunduyogoyɛ fui, wo tigi ye kasarɛ le tɛgɛla. Wola fui-fen-kuran ti ma dɛgɛ la wo ye. Hali wo mara lefan, sundannu denu bi nala wo dɔnna wo bolo.

Yowɛli 2:13

Wo kana wola durukinu tafara yisi-tinya bolo tun kɔnɔ a ko wo ni tubi-yisi-bɛrɛbɛrɛ sɔrɔn. Wo ni wo ya-lamunun wota Mari Alla la bawo wo di a ye, ado a nyimayanɛ wo ye. A fonde ti bɔ yona, ado ala keninteyɛ kolo. A rabɛnnɛ wo makoto-koe la, wo tɔrɔ ko ma de!

Yona 4:2

A ya a fɔ Mari ye ko, “Yanni n ni bɔ n barɛ, n ya a lɔn ko i ye anu makotola le, woletɔ n ya n buri. N ko n ni ta Sipeni. N ya a lɔn nun ko mɔgɛnu di i ye kosɛbɛ, i kinikinite. I si i munyu mɔgɛnu kɔrɔ, i kɛ-nya kin. Hali i si mɔgɛ minnu halaki kɔnɔ i latiri i fonde yɛlɛmana ka kinikini anu ma.

Sakaraya 9:14

Mari si bɔ gbɛ rɔ wole, ala mɔgɛnu kuma. Ala kalabɛn mɛnsan si ta tiila a ma iko banda-nyin-masɔgɛ. Ma Tigi Mari si kɛlɛ-buri fɛ. A si na tiriya iko fɔnyɔ min bi yɛlɛla a ma.

Yilan-Yilan Koe 14:18

i ti diminya yona, ko i si ita habadan-keninteyɛ yira mɔgɛnu na anubɛ ita lanayɛ. I si mɔgɛnu makoto minnu bi hakɛ kɛla anubɛ minnu bi murutiyala i ma. Kɔnɔ ile ya a fɔ nun fanan ko i si hakɛ-tiginu sara iko anuna hakɛ ye nya min. Ni mɔgɛ ya hakɛ kɛ, ata hakɛ yakɔrɔ-mamɔɛ wo si sigi ala dannu kuma ha ka ta a sigi a tolo-birɛnu anubɛ a tolo-bira-sɔɛnu na.

Matiyu 26:64

Yisa ya a fɔ a ye ko, “Iko i ya a fɔ nya min, a ye wo nya le, yɔ! Kɔnɔ n ni a fɔ wo dama ye ka a dabira bi ma, wo si nde, Hadama-dan siginɛ yen Sɛnbɛ Bɛɛ Tigi kɔɛn-nyimɛ rɔ. Wo si n namatoe yen banda-fin-gbɛ rɔ!”

Yemesi 1:19

N diyana-mɔgɛnu, wo ni wo hɛnkili to kɛ ko! Mɔgɛ bɛɛ ni a kaliya ko-lamɔɛnna kɔnɔ a kana kuma yona. A kana diminya yona,

Lankɛnimayɛ 1:7

Wo ni wo yɛ lana! A ye nala banda-finyɛ rɔ! Mɔgɛ bɛɛ si a yen nala hali minnu ya a sɔgɔ tanbɛ la. Duninya-mɔgɛ bɛɛ si di ala ko la, ado a ye mala wo nya na le! Amina.