Nehami 1:12 - ALLALA KUMƐ

¹² Mari ye a fɔla ala mɔgɛnu ye Yuda nyamanɛ rɔ ko hali wole Asiriyanu tagbɛlɛ, ado wo siya, wo si kasara ka tunu yen! Mari ko a ya a ma nun, Yuda nyamanita-mɔgɛnu tɔrɔta kɔnɔ a ko a ti wo ma tun!

Nehami 1:12 Iomraidhean Croise

2 Mansɛnu 19:35

Wulɔn-suyi-nyɛrɛ rɔ, Marita melika yigira Asiriyanuna dagɛ rɔ. A ya mɔgɔ waga kɛmɛ kelen mɔgɔ waga bi-segin ani mɔgɔ waga loli (185,000) faga Asiriyanu tɔ. Bandɛ kanɛ, wonu furi taranta nyɔ.

2 Mansɛnu 19:37

Lunyɛ do, Mansa Sɛnakaribu ye ala bɛsi Nisirɔki kɔ tinɛ tumɛ min, ala den fila Adamɛlɛki anubɛ Sarisa tara anu fa wo faga nyɔ. Wonu ya anu buri tala Ararati nyamanɛ rɔ. Ala dan do min tɔgɛ Isahadɔn, wo sigira a gbɛ rɔ.

Bɔ-Koe-Iyipiti 12:12

Mari ko tun, “N si tenbi Iyipiti nyamanɛ rɔ wulɔn suyi nyɛrɛ rɔ ka Iyipiti mɔgɛnuna den-kei-sarɛnu faga anubɛ anuna kolo-fen den fɔlɔtɛnu, a keimɛnu, kɔni. Nde le Mari la, min si Iyipiti bɛsɛ wara-koe halaki.

Aiseya 10:16

Ma Tigi, Mari Sɛnbɛ-Bɛɛ-Tigi ko kɛlɛ-den bu lafanɛ minnu bi nyɔ, a si kiraya-fitinɛ lana wonu ma alako wonu si bara wao! A ko anu fɛrɛ-kaliyanɛ si to kodokodo, iko tɛ wa sigi fen na.

Aiseya 17:14

Wurala-tumɛ wa ke, mɔgɛnu kumakɔnɛ si to kɔnɔ yanni bandɛ ni ka, wo si a taran, anu bara tunu iko munku-gbu kelan. Mɔgɔ-wo-mɔgɔ wa na ma kɛlɛ tinɛ, a ye mala wonu na wo nya na le.

Aiseya 30:19

Wole minnu siginɛ Yerusalɛm soe burɔ, wo ti di tun! Hinante le Mari la. Wo wa di a dala, a si wo yabi.

Aiseya 31:8

Asiriyanu-kunyɛ si to kɛlɛ rɔ kɔnɔ mɔgɔni-gbuta sɛnbɛ ma wo la de! Asiriyanu si anu buri kɛlɛ kɔrɔ. Anuna fonikenu si ma yɔɔnnu na.

Aiseya 37:36

Marita melika yigira Asiriyanuna dagɛ rɔ. A ya mɔgɔ waga kɛmɛ kelen mɔgɔ waga bi-segin ani mɔgɔ waga loli faga Asiriyanu tɔ (185,000). Bandɛ kanɛ, wonu furi taranta nyɔ.

Aiseya 51:22

ita Mari Alla ye wo latankala ka a fɔ wo ye ko a fonde bɔnɛ ya tɔrɔya-yi-lafɛ min di wo ma, a si wo bi wo bolo tun. Tɔrɔyɛ min si wo ma tɔlɔn iko gbɛɛtoe, a ko wo ti wo min wo la tun.

Aiseya 7:20

“Wo wati wa ke, Mari ko a si Asiriya mansɛ masan ko wo ni na ka bɔ Yufereti bɛ kɔgɔma pon! A si na nyamanɛ sɛninya iko kun-siilɛ si kunyɛ gbana nya min anubɛ buyɛ anubɛ nyarasiyi.

Daniyɛli 11:10

“Siriya mansɛ wola dannu si anu tabɛn kɛlɛ-kɛ-koe la. Anu si kɛlɛ-den-siyaman nadɛn ka ta anu natosokɔrɔ ha anu si ke Iyipiti kɛnuna so-latankanɛ ma.

Yowɛli 2:19

Wo kɔma, Mari si a fɔ wo ye ko a si dɔn-fan anubɛ minni-fan anubɛ tuli di wo ma min si na wo wasa. Wo si a ma, sibolo-gbɛrɛ doinu ti wo ma yɛlɛnma-fan la tun.

Nehami 1:15

Wole Yuda kɛnu, wo ni wo yɛ lata kilayɛ ma nala kuma-nyimɛ la a bolo kɔnkɛnu kuma. A ye nala wo yogenu nɔ-koe fɔla wo ye. Wo ni wola ladiyɛnu kɛ tun. Wo ara lanyiri kiri Alla ye minnu na, wo ni wonu di a ma. Wo yogenu ti bɔ Ninɛfa ka na bui wola nyamanɛ kɛ ma tun! Anu na ara to dogbe!

Lankɛnimayɛ 7:16

Kɔnkɛ ti anu bira tun. Anu kan la ti gbala tun. Tele anubɛ a wuyan, wo fenfen ti anu mintan,