Nehami 1:10 - ALLALA KUMƐ

¹⁰ Anu si mintan iko wɔnɔ-dɛngban anubɛ bin-gbalɛ si mintan nya min gburr!

Nehami 1:10 Iomraidhean Croise

2 Samuwɛli 13:28

Ale Abasalɔm ya a fɔ ala wɔli-kɛlɛnu ye ko, “Wo ni wo yɛ bɛn Aminɔ ma. Gbɛɛ wa a bira tumɛ min, n ba a fɔ wo ye, wo ni a faga. Hali wo ma kilan. Dunu sa wole kuma. Dunɛ ye nde le kuma. Wo ni wo kerinteya, hali wo ma sika.”

Yaburi 118:12

Anu bi finya-finyala n ma iko li-kolenu, kɔnɔ anu wara-koe kara-a-la tiriya iko tɛ tenbi fira-gbalɛ la. N ya anu halaki Marita sɛnbɛ la.

Yaburi 68:2

A si anu gben iko fɔnyɔ si ta-sisi gben nya min. Karagbɛlɛnu si taran Alla tontɛ kɔrɔ, iko tɛ si kɛɛn lalee nya min.

Bɔ-Koe-Iyipiti 15:7

Minnu wulita ila mɔgɛnu kan ma, i wara wonu nabui ka anu dɛ ragborokan ita sɛnbɛ-makawanɛ la. I ya ila diminyɛ lana anu kuma ka anu mintan iko bin-gbalɛ.

Bɔ-Koe-Iyipiti 5:12

Woletɔ Isirɛla mɔgɛnu basanta Iyipiti nyamanɛ kan tinɛ bɛɛ la kɔrɔ-fɔrɔn nyini tinɛ.

Aiseya 27:4

A fondo-magboyani ma sundi wola ko la tun. Ni wɔnɛnu si taran nyɔ a si minnu kɛlɛ, fɔ a wa anu mintan gbur!

Aiseya 47:14

I makawandilɛ kɛnu si ma iko tɛ wa sigi yefe-gbalɛ la. Hali ka anu nyɛrɛ lakanan, anu ti ke. Tɛ wo wuyan si anu tabɔ, ado anu gbala ta ma kɛ la.

Aiseya 5:24

Nba kaka, wo ara wo suli min nayigi iko kɔlɔmatɛ, wonu si tuli. Wo fere minnu bi wo la, fɔnyɔ si wonu nayalan. Wo si ma iko binyɛ min sanɛ tɛ rɔ bawo wo ara wo ban Isirɛlata Alla Sɛnimɛ, Mari Sɛnbɛ-Bɛɛ-Tigita labilɛ la.

Aiseya 56:12

Anu kɛnɛna a fɔla ko, “Wo na, ma ni ma min kɔlikɔli! Ma ni gbɛɛ-kunɛ min. Sinan-minnɛ si tenbi bitɛ la.”

Aiseya 9:18

Mɔgɛnuna wunduyogoyɛ ye mintannɛ kɛla iko tɛ tenbi wɔnɔ-fira-gbalanɛ la. A si mintannɛ kɛ fanan iko tɛ tenbi kala-gbalɛ la. A sisi si yɛlɛ kulakula!

Yɛrɛmaya 51:39

Babilɔn kɛnu kɔnkɔtoe min kɛ, Mari ko a si anu de-nyini. Anu ni fa pen! Anu kun ta si fin baan la. Wo kɔma, anu si anu sa kinɔgɔ rɔ. Anu ti kunden tun!

Yɛrɛmaya 51:57

A kun-tigi wo, a hɛnkilima wo, a mɔgɔ-ba wo, a kɛlɛ den wo, a si wo bɛɛ lamin. Anu ba kinɔgɔ, anu ti kunden tun! Mansɛ min tɔgɛ Mari Sɛnbɛ-Bɛɛ-Tigi, wo kan le kɛ la.

Maika 7:4

Hali minnu natelennɛ wo tɛma, wonu mani de iko dɛran. Hali mɔgɔ-nyimɛ minnu bi wo tɛma, wonu mani de iko mɔgɛnu bi binyɛ minnu dɛnna. “Wo tɔrɔ-wati le wara ke kɛ la Mari bolo iko nɛbinu ya wo lalɔn nya min nun. Wo damasi nyagbanɛ kɔndɔfili bolo.

Nehami 3:11

A si ma ile Ninɛfa nyɛrɛ yala iko i wara i min ha i kun ta ara fin. I si i dogon-tinɛ nyini i yogenu kɔrɔ alako i si kisi nya min kɔnɔ i ti wo yen muk!

Malakayi 4:1

Mari Sɛnbɛ-Bɛɛ-Tigi ya a fɔ ko wati ye nala, mɔgɔ-wasinɛnu anubɛ karagbɛlɛ damasi si mintan gburr iko bin-gbalɛ.

1 Samuwɛli 25:36

Abigɛli tara ala kei Nebali wara. A ya a taran, ala kei ye ladiyɛ min kun na, wo manɛ de iko mansɛtɛ. A ara a min kɔlikɔli. A sewanɛ baan bolo woletɔ Abigɛli ma kuma-wo-kuma fɔ a ye ha wo wulun sɔgɔma.