Matiyu 9:36 - ALLALA KUMƐ

³⁶ A ya nyama yen tumɛ min, a yisi lafara kinikinɛ la anuna ko la bawo anu kɔndɔfilinɛ. Anu ti ke anu nyɛrɛ fɛ-birala iko sagɛ minnu fɛ-birala sa.

Matiyu 9:36 Iomraidhean Croise

1 Mansɛnu 22:17

Nɛbi Mɛkaya ya wɔlɔyiya-kumɛ fɔ a ye ko, “N bara Isirɛla kɛlɛ-dannu tanyɛnsɛnnɛ yen kɔnkɛnu kuma iko saga-fɛ-birala sa sagɛ minnu kun na. Mari ara a fɔ n ye ko, anu ni sɛgi anu barɛnu tɔ yisi-kimɛ rɔ dɔi, bawo kun-tigi sa anu kun na.”

2 Ko-Kɔrɔta-Karan 18:16

Nba, Nɛbi Mɛkaya ya wɔlɔyiya-kumɛ fɔ a ye ko, “N bara Isirɛla kɛlɛ-dannu tanyɛnsɛnnɛ yen kɔnkɛnu kuma iko saga-kandanna sa sagɛ minnu kun na. Mari ara a fɔ n ye ko anu yisi-kimanɛ ni sɛgi anu barɛ bawo kun-tigi sa anu kun na.”

Aiseya 13:14

Wo wati rɔ, sundan minnu siginɛ Babilɔn, wonu burumatoe si sɛgi anu barɛnu tɔ. Anu ta si nyɛnsɛn iko woyan wa donso-keminɛ yen. Anu si ma iko saga-fɛ-birala sa sagɛ minnu kuma.

Yɛrɛmaya 50:6

Mari ko ala mɔgɛ kɛnu mani de nun iko sagɛ minnu bara tunu. Anuna kun-tiginu denu ya anu nasama kilɛ ma. Anuna kun-tiginu bara anu nayilan-yilan iko sagɛ minnu bara ta anu kun fɛ kɔnkɛnu ma. Anu ma anu bɔ-tinɛ lɔn, anu ma anu ta-tinɛ lɔn.

Sakaraya 10:2

Mɔgɛnu si ta bɛsɛnu anubɛ bolo-tafɛlɛnnɛnu bara kɔnɔ anu sa fenfen namɔɛnna nyɔ fɔ kun-takolonya-kumɛ anubɛ foninyɛ. Kiyo-kɔrɔ-takarannɛ le donu na kɔnɔ anu sa fenfen kun na fɔ ka namɛ ladu wo ye. Anu bi wo yisi-kima-koe min fɔla, wo bɛɛ fu! Woletɔ mɔgɛ bɛɛ ye yilan-yilanna iko sagɛ min bara to-a-rɔ. Anu bi nanparan rɔ bawo anu fɛ-birala sa anu bolo mumɛ!

Sakaraya 11:16

bawo a ye nala saga-fɛ-biralayɛ tola mɔgɛ do bolo minna ko sa sagɛ wonuna ko rɔ. Min ba to-a-rɔ, a ti wo nyini. Min ba ta a kun fɛ, a ti wo gba bɔ. Min ba tanban, a ti wo dandan. Minnu fɛrɛ nɔrɔnnɛ anu ma, a sa wonu de-nyinina. A sɔnsɔnnɛ wonu denu dɔn ma hali anu kolenu ma to.

Yilan-Yilan Koe 27:17

Isirɛla mɔgɛ kɛnu kana ma iko sagɛ minnu kandanna sa.”

Matiyu 10:6

Kɔnɔ wo ye min mala, wo ta Isirɛla mɔgɛnu bara min filifilinɛ iko sagɛnu.

Matiyu 14:14

Yisa bɔra kulɔn rɔ tumɛ min, a ya nyama yen min kɛ, a yisi fara kinikini la anuna ko la. A ya anuna kirayatoenu nakɛndɛya.

Matiyu 15:24

Nba, Yisa ya a fɔ ale musi wo ye ko, “Alla ma n sɔ mɔgɔ-gbɛrɛnu ma fɔ Isirɛla mɔgɛnu ma, saga minnu tonɛ a rɔ, kɔni.”

Matiyu 15:32

Yisa ya ala karan-dannu kele a wara ka a fɔ anu ye ko, “N bara kinikini mɔgɛ kɛnu ma bawo anu bara tele sawa kɛ n fɛ. Nba kaka, dɔn-fen sa anu bolo. A ma di n ye ka anu nata, ni n ma anu de-nyini fɔlɔn. Anu tenbi tala anu barɛ, tumado anu si kirɔn-a-la kilɛ la.”

Maraka 6:34

Yisa bɔra kulɔn rɔ tumɛ min, a ya nyama-belebele-wɛ wo yen. A yisi fara kinikinɛ la anuna ko la bawo anu manɛ iko saga-fɛ-birala sa sagɛ minnu fɛ. Wo le ya a ma, a wulita anu karanna ko siyaman na.

Maraka 8:2

“N bara kinikini mɔgɛ kɛnu ma bawo anu bara tele sawa kɛ n fɛ. Nba kaka, dɔn-fen sa anu bolo tun.

Hiburunu 4:15

ado mata saraka-masɔla-kun-tigi-wɛ kɛ, a si ke kinikinina mala sɛnbɛbɔninyɛ ma. Mala saraka-masɔla-kun-tigi-wɛ kɛ magbɛrɛnkɛnta nya bɛɛ ma iko male kɔnɔ ale ma hakɛ si kɛ.

Hiburunu 5:2

Nba, saraka-masɔlɛ-yisi rafaganɛ nya siyaman ma min kɛ, a si ke ka dinyɛ yira a hadama-den-nyɔgɛnu na. Anu hɛnkili sa, ado anu si sama iko ale.