Matiyu 9:24 - ALLALA KUMƐ

²⁴ a ko, “Wo bɛɛ bɔ yan! Dunmusu kɛ fagani ma. A ye kinɔgɛ le tɔ dɔrɔn.” Anu dama ya Yisa mayɛlan dabira.

Matiyu 9:24 Iomraidhean Croise

Yobu 12:4

Hali n kenintenu, anu bara n ma yɛlɛnma-fan la. Alla ye nna madiyali-kan lamɔɛnna. N natelennɛ, fɛɛ sa n na kɔnɔ hali wo, anu bi n mayɛlɛnna.

Aiseya 49:7

Isirɛlata wɔli-kɛlɛ wo gboyara mɔgɛnu ye. A bɔrɔbɔnɛ sibolenu ye, ado a mara mansɛnuna yɔɔn la fanan. Wo kunkalɛ, Isirɛlata Alla-sɛnimɛ, wo ya a fɔ mɔgɛ wo ye ko, mansɛnu ba a yen anu ni anu nakɔɛnma a gbiliya tinɛ. Kun-tiginu fanan si mɔgɔ kelan wo yen ka anu madu a kɔrɔ ka anu famayigi. Kɛ bɛɛ si ma bawo Mari ara ban ata wɔli-kɛlɛ yabɔla. Isirɛlata Alla-sɛnimɛ ti a kan tinya.

Aiseya 53:3

Mɔgɛnu bara anu ban a la ka a magboya. Tɔrɔyɛ anubɛ dumɛ da ra kolo a kuma ha a mapɛsɛkɛrɛyara. Wo ya a ma, mɔgɔ ma ke a mafɛlɛnna. Mɔgɔ ma a yakɔrɔ yira a la bawo anu ma a yatɛ fenfen na.

Maraka 5:40

Anu dama ya Yisa-mayɛlɛn dabira. Woletɔ a ya anu dama labɔ fɔ dennɛ wo na anubɛ a fa anubɛ ala karan-den sawɛ. Anu donta bɔn la, furi sanɛ kan min.

Luka 8:53

Anu dama ya Yisa mayɛlɛn bawo anu ya a lɔn serr ko dennɛ wo ara faga.

Yɔni 11:4

Yisa ya wo lamɔɛn tumɛ min, a ko, “Lasarasila kirayɛ ti a laban sayɛ ma. Kɛ mara alako Alla ni gbiliyɛ sɔrɔn. Alla si gbiliyɛ di ala dan ma kirayɛ kɛ fɛ.”

Kɛwɔlɛnu 20:10

Pɔli yigira ka a madu a kuma ka a bole mini a ma. A ko, “Wo kana haminya. A fagani ma!”

Kɛwɔlɛnu 9:40

Pita ya anu dama labɔ bɔn la. Anuna bɔɛ kɔma, a ya a nyɛnkin ka Alla matara. Wo kɔma, a ya a yɛ lamunun furi la. A ko, “Tabita, i lasɔ.” Tabita ya a yɛ laka. A ya Pita yen tumɛ min, a ya a sigi.