Matiyu 9:22 - ALLALA KUMƐ

²² Yisa ya a tintan tumɛ min, a ya ale musi yen. A ya a fɔ a ye ko, “N na, i yisi ni kimɛ! Ila dɛnkɛninyɛ ara i lakɛndɛya.” Musi wo kɛndɛyara wati kelan wo kɔrɔ tiriya!

Matiyu 9:22 Iomraidhean Croise

Matiyu 15:28

Nba, Yisa ya a fɔ a ye ko, “N biran-musi, ila dɛnkɛninyɛ kolo! I diyana-koe ni kɛ i ye.” Wo wati nyɛrɛ rɔ, ala dunmusi kɛndɛyara.

Matiyu 17:18

Yisa kumara nyinɛ ma tumɛ min, a bɔra a fɛ. Wo le ya a ma, dan wo kɛndɛyara kelenna!

Matiyu 8:13

Wo kɔma, Yisa ya a fɔ kun-tigi wo ye ko, “Ta ila bɔn la. Ila wɔli-kɛlɛ ara kɛndɛya ka a tɛgɛ ila dɛnkɛninyɛ ma.” Nba, kun-tigi wola wɔli-kɛlɛ kɛndɛyara wati wo nyɛrɛ rɔ.

Matiyu 9:2

Kei min solomonya-faganɛ a la, mɔgɛ donu nara wo la Yisa wara. A sanɛ sanyili rɔ. Yisa ya anuna dɛnkɛninya-wɛ yen tumɛ min, a ya a fɔ kirayatoe wo ye ko, “N bɔ, i yisi sa! I hakɛnu ma ara koto.”

Matiyu 9:29

Nba, Yisa ya a bole tugu anu yɛ la. A ko, “A ni ma wo ye iko wo dɛnkɛninyanɛ nya min!”

Maraka 10:52

Yisa ya a fɔ a ye ko, “Ta, ila dɛnkɛninyɛ ara i lakɛndɛya.” Tiriyante wo rɔ, a kera fen yenna. A bilara Yisa fɛ.

Maraka 5:34

Yisa ya a fɔ musi wo ye ko, “N na, ila dɛnkɛninyɛ ara i lakɛndɛya. Ta yisi-kimɛ rɔ. Ila kirayɛ ara ban i rɔ.”

Luka 17:19

Yisa ya a fɔ a ye ko, “I lasɔ, i ni ta. Ila dɛnkɛninyɛ ara i lakɛndɛya.”

Luka 18:42

Yisa ya a fɔ a ye wo rɔ ko, “Nba, i ni fen yen! Ila dɛnkɛninyɛ ara i lakɛndɛya.”

Luka 7:50

Kɔnɔ Yisa ya a fɔ musi wo ye ko, “Ila dɛnkɛninyɛ ara i kisi. Ta yisi-kimɛ rɔ.”

Luka 8:48

Yisa ya a fɔ a ye ko, “N na, ila dɛnkɛninyɛ ara i lakɛndɛya. Ta yisi-kimɛ rɔ.”

Yɔni 4:53

Yisa ya a fɔ a ye wati min tɔ ko, “Ko sa mala ila dan la,” a fa yili tora wo ko. Woletɔ ale anubɛ ala bonna-mɔgɛnu dɛnkɛninyara Yisa ma.

Kɛwɔlɛnu 14:9

A ya a tole masɔ Pɔlita kumɛ la. Pɔli ara a yen min kɛ ko kei wo ara dɛnkɛninya Yisa ma, ado a si ke kɛndɛyala, a ya a mafɛlɛn sin!

Kɛwɔlɛnu 16:18

A tora wo mala tele siyaman kɔrɔ ha a wara-koe ya Pɔli tɔrɔ. A ya a tintan ka a fɔ nyinɛ ma ko, “Mari Yisa tɔgɛ rɔ, bɔ a fɛ!” Nyinɛ wo bɔra a fɛ kelenna!

Hiburunu 4:2

Male fanan bara kibara-nyimɛ lamɔɛn iko anu denu. Anu ya karan wo lamɔɛn kɔnɔ wo ma ko-wo-ko nyinya anu ma bawo anu ya a lamɔɛn tumɛ min, anu ma la a la nun ko Alla si a ma, anu ni anu sulen.