Matiyu 8:6 - ALLALA KUMƐ

⁶ A ko, “N fa, nna wɔli-kɛlɛ kirɛ sani bɔn la. A ti ke a mamagala. A tɔrɔnɛ dumɛ bolo kati!”

Matiyu 8:6 Iomraidhean Croise

Matiyu 4:24

Yisa mankan nyɛnsɛnta Siriya nyamanɛ bɛɛ rɔ. Wo le ya a ma, mɔgɛnu nara kirayato-su bɛɛ la a wara. A nyinato wo, a kirikirisato wo, a solomonya-fagani-tigi wo, Yisa ya wonu dama lakɛndɛya.

Matiyu 8:7

Yisa ko, “N si ta a lakɛndɛya.”

Matiyu 9:2

Kei min solomonya-faganɛ a la, mɔgɛ donu nara wo la Yisa wara. A sanɛ sanyili rɔ. Yisa ya anuna dɛnkɛninya-wɛ yen tumɛ min, a ya a fɔ kirayatoe wo ye ko, “N bɔ, i yisi sa! I hakɛnu ma ara koto.”

Kɛwɔlɛnu 10:7

Wo kɔma, melika wo tara. Kɔniliyasi ya ala bonna-wɔli-kɛlɛ mɔgɔ fila kele. Ala kɛlɛ-dan min bi a kandanna, a ya wo fanan kele, ado dina-mɔgɛ le wo fanan na.

Kɛwɔlɛnu 8:7

Nyina-yogomɛnu bɔra gbele-gbelenna mɔgɔ siyaman fɛ. Mɔgɔ fɛrɛ-faganɛ anubɛ namarɛ siyaman fanan kɛndɛyara.

Kɛwɔlɛnu 9:33

A ya kei do taran nyɔ, a tɔgɛ Eniyasi min fɛrɛ-faganɛ a ma. San segin kɔrɔ, a ma ke a lasɔla.

Kɔlɔsi 3:11

Yahudiya wo, Yahudiya ma minnu na wo, kemininya wo, kemininyabɛli wo, mɔgɔ-gbɛrɛkɛ wo, ko-lɔnbɛli wo, hɔrɔ wo, yɔɔn wo, dan-nafarɛ sa wo fenfen tɔ ni-kurɛ kɛ rɔ. Kirasiti tenbira koe kɛ bɛɛsi la, ado ale siginɛ wo bɛɛ yisi rɔ!

Kɔlɔsi 4:1

Wole yɔɔn-tiginu, koe min telennɛ anubɛ min bɛɛ kin, wo ni wo kɛ wola yɔɔnnu ye. Wo ni wo hɛnkili to kɛ ko bawo wole fanan tigi ye Arinyɛni tɔ.

1 Timoti 6:2

Wole minnu bi dɛnkɛninya-mɔgɛnu kɔrɔ, wo kana wo tiginu nafɛya bawo wo na-kelen-nyɔgɛ le wonu na. Wo ni wɔli kɛ anu ye bɛrɛkɛ, bawo anu bi tɔnɛ sɔrɔnna wola wɔlɛ wonu fɛ, ado wo diyana-dɛnkɛninya-mɔgɛ le wonu na. I ni koe kɛnu karan ka mɔgɛnu makawandi.

Failiman 1:16

ado yɔɔn dɔrɔn ma a la tun kaka. A ara tenbi yɔɔn la gbɛ! I na-kelen-nyɔgɛ le Kirasiti rɔ. Ale di nde ye kati, ado a si diya ile ye ko-nya filɛ bɛɛ ma bawo ila yɔɔn le anubɛ i na-kelen-nyɔgɛ Mari rɔ!