Matiyu 8:4 - ALLALA KUMƐ

⁴ Wo kɔma, Yisa ya a fɔ a ye ko, “I tole masɔ! I kana kɛ fɔ mɔgɔ-wo-mɔgɔ ye kɔnɔ ta saraka-masɔlɛ wara tiriya! I ni i nyɛrɛ yira a la iko tɔn ya a fɔ nya min. Nɛbi Musa ya sarakɛ minna ko fɔ, i ni wo bɔ ka a yira mɔgɛ bɛɛ la ko i wara kɛndɛya.”

Matiyu 8:4 Iomraidhean Croise

Aiseya 42:21

Alla le Mari la, mɔgɛnu kisi-sɔgɛ ye min na, woletɔ a ya ala tɔn anubɛ ala sereyanu nagbɛlɛya, ado a ye a fɛ, ala mɔgɛ bɛɛ ni wonu gbiliya.

Saraka-Masɔlɛnuta Tɔnnu 13:49

ni findiki wo pɔrɔkɔsɛ le kurɛ ma, ka, ni a wulennɛ le, fɔ a tigi ni ta a yira saraka-masɔlɛ la.

Matiyu 10:18

Ka a tɛgɛ nde ma, anu si wo rasagan kun-tiginu anubɛ mansɛnu yakɔrɔ. Wo si nta kibara-nyimɛ fɔ wonu ye anubɛ sibolo-gbɛrɛnu fanan.

Matiyu 16:20

Wo kɔma, Yisa ya a fɔ ala karan-dannu ye ko anu kana a fɔ mɔgɔ-wo-mɔgɔ ye ko Allata-Mɔgɔ-Yabɔnɛ le ale la mumɛ!

Matiyu 17:9

Anu bi yigila kɔnkɛ la tumɛ min, Yisa ya a fɔ anu ye ka a magbɛlɛya ko, “Wo ara ko-rayirɛ min yen kɛ, wo kana wo rakaran mɔgɔ-wo-mɔgɔ ye, ha nde, Hadama-dan ni wuli ka bɔ furinu tɛma tumɛ min.”

Matiyu 3:15

Kɔnɔ Yisa ya a yabi ko, “A ni ma wo nya na bawo a bɛnnɛ, ma ni koe bɛɛ kɛ iko a di Alla ye nya min.” Wo le ya a ma, Yɔni sɔnta.

Matiyu 5:17

“Alla ya tɔn minnu di Nɛbi Musa ma wo, anubɛ nɛbinuna karan wo, wo kana wo miri ko n bara na wonu bɔ tinɛ anu gbɛ rɔ. N ma na ka wonu bɔ anu gbɛ rɔ fɔ ka anu dafa.

Matiyu 6:1

Yisa ko, “Wo wa wuli ko-nyimɛ kɛla tumɛ min, wo ni a ma wo fɛrɛma. Wo kana a ma gbɛ rɔ alako mɔgɛnu ni wo yen. Ni wo ya koe kɛnu ma gbɛ rɔ, wo ti barayi sɔrɔn wo Fa Alla bolo Arinyɛni tɔ.

Matiyu 9:30

Tiriyɛ wo rɔ, anu yɛ lakara. Yisa ya anu makawandi bɛrɛkɛ! A ko, “Wo kana kɛ fɔ mɔgɔ-wo-mɔgɔ ye de!”

Maraka 13:9

“Wo ni a ma wo fɛrɛma bawo anu si wo kiti ka wo ladon Yahudiya-dina-bɔnnu na anu si wo gbesi kan min. Anu si ta wo la kun-tiginu anubɛ mansɛnu bara ndela ko la ko wo ni ma sereyɛnu na n ye.

Maraka 3:12

Yisa ya a fɔ nyina-yogomɛnu ye a sɛbɛ-kuna-wɛ la ko anu kana a wara-koe fɔ.

Maraka 5:43

Kɔnɔ Yisa ya a magbɛlɛya anu ye ko anu kana a fɔ mɔgɔ-wo-mɔgɔ ye. A ko, “Wo ni dɔn-fen di a ma.”

Maraka 6:11

Ni anu ma wo rabira soe min tɔ hali ka anu tole masɔ wo la, wo tenbi soe wo bolokala, wo ni wo kian ragbɔngbɔn nyɔ. Wo si ma sereyɛ la anu kan ma!”

Maraka 7:36

Wo kɔma, Yisa ya a fɔ anu dama ye ko anu kana wo fɔ mɔgɔ-wo-mɔgɔ ye. Kɔnɔ iko a ya a fɔ anu ye nya min ko anu kana a fɔ mɔgɔ-wo-mɔgɔ ye, anu denu tora a fɔla ka tenbi wo la.

Maraka 8:30

Nba, Yisa ya a fɔ anu ye ko, “Wo kana n wara-koe fɔ mɔgɔ-wo-mɔgɔ ye.”

Maraka 9:9

Anu bi yigila kɔnkɛ la tumɛ min, Yisa ya a fɔ anu ye ko, “Wo ara ko-rayirɛ min yen kɛ, wo kana wo fɔ mɔgɔ-wo-mɔgɔ ye, ha nde, Hadama-dan ni wuli ka bɔ furinu tɛma tumɛ min.”

Luka 17:14

Yisa ya anu yen tumɛ min, a ya a fɔ anu ye ko, “Wo ta saraka-masɔlɛnu bara, anu ni wo lakɔrɔsi.” Anu bi tala tumɛ min, anu dama kɛndɛyara.

Luka 21:13

Wo si ma lafɛrɛ la wo ye ka kibara-nyimɛ lake.

Luka 4:41

Nyinɛnu fanan gbele-gbelenmatoe bɔra nyinatoenu fɛ, anu ko, “Allala dan le ile la!” Anu ya a lɔn Allata-Mɔgɔ-Yabɔnɛ la min kɛ, Yisa ya a fɔ anu ye ko anu kana kuma.

Luka 5:14

Yisa ya a fɔ a ye ko, “I kana kɛ fɔ mɔgɔ-wo-mɔgɔ ye kɔnɔ ta saraka-masɔlɛ wara, a ni i mafɛlɛn. Wo kɔma, i ni sarakɛ wo bɔ iko Nɛbi Musa ya a fɔ nya min ka a yira mɔgɛ bɛɛ la ko i wara kɛndɛya.”

Luka 8:56

A sɔrɔnnɛnu kawara kɔnɔ Yisa ya a fɔ anu ye ko koe min bara ma kɛ, anu kana wo fɔ mɔgɔ-wo-mɔgɔ ye.

Luka 9:21

Yisa ya anu makawandi ko anu kana kɛ fɔ mɔgɔ-wo-mɔgɔ ye.

Yɔni 5:41

“N sa gbiliyɛ nyinina mɔgɔni-fin bolo.

Yɔni 7:18

Mɔgɛ min bi kumala a nyɛrɛta miriya rɔ, a di a ye, a ni matɔgɔlɛ sɔrɔn mɔgɛnu bolo. Kɔnɔ ni mɔgɛ min ye a fɛ ka a sɔlɛ gbiliya, tonya-fɔlɛ le wo la, foninya-wo-foninya sa a da rɔ.

Yɔni 8:50

N sa gbiliyɛ nyinina n nyɛrɛ ye. Kɔnɔ dogbɛrɛ ye nyɔ min bi gbiliyɛ nyinina n ye, ado kiti-tɛgɛlɛ le ale la.