Matiyu 8:34 - ALLALA KUMƐ

³⁴ Min bɛɛ ye soe wo rɔ, wonu nara Yisa labɛn tinɛ. Anu ya a yen tumɛ min, anu ya a madiya ko, “I yandi, bɔ mala nyamanɛ kɛ rɔ.”

Matiyu 8:34 Iomraidhean Croise

1 Mansɛnu 17:18

Kɛɛ-musi wo ya a fɔ Nɛbi Ilaya ye ko, “Ile Allata mɔgɛ, nfenna i wara kɛ ma n na? I nara le alako ka n hɛnkili bila n hakɛnu ma ka nna dan faga, wa?”

1 Mansɛnu 18:17

Ale Mansa Ehabu ya Nɛbi Ilaya yen tumɛ min, a ya a fɔ a ye ko, “N bara i yen. Ile kalabante ka tenbi Isirɛla mɔgɛ bɛɛ la.”

Yobu 21:14

Karagbɛlɛnu bi a fɔla Alla ma ko, “Fara ma la. Ma sa nyinina i wara-koe lɔnna.

Yobu 22:17

Karagbɛlɛnu ya a fɔ Alla ma ko, “Fara ma la. Alla Sɛnbɛ-Bɛɛ-Tigi ti ke ko-wo-ko mala ma la.”

Emɔsi 7:12

Wo kɔma, Saraka-Masɔla-Kun-Tigi-Wɛ Hamasa ya a fɔ Nɛbi Emɔsi ye ko, “E, ile Emɔsi, itɛ ara a bɔ. Sɛgi i warɛ Yuda nyamanɛ rɔ. I ni ta ila wɔlɔyiya-kumɛnu fɔ nyɔ. Wonu si to i sarala.

Matiyu 8:29

Tiriyante wo rɔ, anu gbele-gbelenta ko, “Allala dan, i ye nfen nyinina ma fɛ? I wara na ma tɔrɔ-koe la, yanni ma kiti-wati ni ke, wa?”

Luka 5:8

Koe min mara, Saimon Pita ya wo yen tumɛ min, a ya a nyɛnkin Yisa kɔrɔ. A ko, “N fa, i yandi, i masɛgi n na bawo hakɛ-tigi le nde la!”

Luka 8:28

Nyinatoe wo ya Yisa yen tumɛ min, a wɔrɔndɔra bɛrɛkɛ! A ya a sa Yisa kɔrɔ ka a fɔ a kulu-mayɛlɛnɛ la ko, “Alla min Bi Fan Bɛɛ Kun Na, wola dan Yisa, i ye nyinina nfen ma n bolo? N bi i madiyala, i kana n tɔrɔ!”

Kɛwɔlɛnu 16:39

Woletɔ anu tara Pɔli anubɛ Sailasi madiya tinɛ. Wo kɔma, anu ya anu nabɔ yele la ka anu madiya ko anu ni bɔ soe wo burɔ.

Tɔn-Fɔɛ-Fila-Nyɔgɛ 5:25

Nfen ya a to, ma si ma niyi fili a rɔ? Ta-yogoma-belebele kɛ si ma kasara. Tamayi mumɛ sa wo rɔ, ni ma ya mata Mari Alla kuman-kan lamɔɛn kɛ kɔma, ma si faga.

1 Samuwɛli 16:4

Samuwɛli ya a ma iko Mari ya a fɔ a ye nya min. A tara Bɛtalehɛm. A ke nyɔ rɔ, so-burɔ-mɔgɔ-banu nara a taran. Anu bi yɛrɛyɛrɛnna kilan bolo. Anu ya a manyinika, anu ko, “I ma na a yogoma la?”