Matiyu 8:3 - ALLALA KUMƐ

³ Yisa ya a bole sa kirayatoe wo kuma. A ya a fɔ a ye ko, “N bara sɔn i lakɛndɛya-koe ma.” A fɛrɛ kɛndɛyara tiriya!

Matiyu 8:3 Iomraidhean Croise

Ko-Dabirɛnu 1:3

Nba Alla ko, “Waan ra ni ka.” Waan rakara.

2 Mansɛnu 5:11

Neyaman ya wo lamɔɛn tumɛ min, a yisi bɔra. A tara a ye. Ale Neyaman tamatoe, a ye a fɔla ko, “Nde ya a lɔn nun ko nɛbi kɛ ye bɔla le nun n bara ka ata Mari Alla madiya n ye ka a bole dun nna kirayɛ kɛ kuma alako n ni kɛndɛya.

2 Mansɛnu 5:14

Makawandili-kan wo le ya a ma, Neyaman tara a ku Yorodan bɛ rɔ iko wɔrɔnfila iko Allata mɔgɛ ya a fɔ a ye nya min. A kɛndɛyara ken! A fɛrɛ nunkura a ma pinapina iko kemini-nawuli-san.

Yaburi 33:9

A kumara le dɔrɔn, duninya danta. A kuman-kan ya a ma, duninyama-fan bɛɛ bɔra gbɛ rɔ.

Bɔ-Koe-Iyipiti 4:7

Alla ko, “I bole ladon ila duruki kɔrɔ tun.” A ya a bole ladon tun. A ya a labɔ tumɛ min, a bole mara iko a ye nya min nun.

Matiyu 12:13

Wo kɔma, a ya a fɔ kei wo ye ko, “I bole rasagan.” A ya a rasagan. Nba a kɛndɛyara iko a bole doi.

Maraka 1:41

Yisa kinikinita a ma. A ya a bole sa a kuma. A ya a fɔ a ye ko, “N bara sɔn i lakɛndɛya-koe ma.”

Maraka 4:39

Yisa kundenta. A ya a fɔ fɔnyɔ anubɛ yi ye ko, “Fɔnyɔ ma ni kima don!” A sigira a la don! Fɔnyɔ ma tugu tun.

Maraka 5:41

A ya a bira a bole ma ka a fɔ a ye ko, “Dunmusu-nɛ, n bi a fɔla i ye, i lasɔ!”

Maraka 7:34

Yisa ya a yɛ layɛlɛ san ma. A ya a niyi lafɛ kinikinɛ ma fɛɛɛ! A ya a fɔ kei wo ye ko, “Tole, i la ni ka!”

Maraka 9:25

Yisa ya a yen ko nyama ye a gbɛrɛnna anu ma min kɛ, a ya nyina-yogomɛ wo makuma. A ko, “Ile, nyina bobo-tolo-gberan, n bi a fɔla i ye, bɔ dan kɛ fɛ. I kana bila a fɛ tun!”

Luka 4:27

Nɛbi Ilaisata wati rɔ, fɛrɛma-kirayato siyaman bi Isirɛla mɔgɛnu tɔ. Kɔnɔ wonu fenfen ma kɛndɛya fɔ Siriya kɛ Neyaman. Isirɛla ka ma ale fanan na.”

Luka 5:13

Yisa ya a bole sa a kuma. A ko, “N bara sɔn i lakɛndɛya-koe ma!” Kirayɛ wo ya a boloka kelenna!

Luka 7:14

A tara ka a bole tugu sangbagɛ la. Furu-dununɛ wonu ya anu sɔ. Yisa ko, “Keminɛ! N bi ile le ma, i lasɔ!”

Yɔni 11:43

A ya kɛ fɔ tumɛ min, a ya keleli kɛ a kulu-mayɛlɛnɛ la, a ko, “Lasarasi, i lawuli! Bɔ luyi ma!”

Yɔni 15:24

Ni n ma kabana-ko-tamaserenu kɛ anu tɛma nun, mɔgɔ-gbɛrɛ ma min nyɔgɔn kɛ wɛ, anu ti yiliki hakɛla ko la nun. Kɔnɔ kaka, n bara minnu kɛ, anu bara wonu yen woletɔ mabɛ n Fa Alla gboyara anu ye,

Yɔni 5:21

N bi nyinina niyi dila furi minnu ma, n si niyi di wonu ma iko n Fa Alla ye furinu nawulila nya min tun ka niyi di anu ma.