Kɔnɔ Mansa Dawuda ya a fɔ ale Abisayi anubɛ a kɔrɔ Yohabu ye ko, “Yon ya i manyinika nun? A sɔgɛ ye wo la, wo ni nanparan di n ma, wa? Isirɛla mansɛ le nde la bi, ado a ma bɛn, Isirɛla mɔgɔ-wo-mɔgɔ ni faga bi tele.”
Anu ke a ma, Nɛbi Ilaisa ya a fɔ Isirɛla mansɛ ye ko, “Nfen ko ye ma tɛma? Nfenna i ma ta Beyalita nɛbi wonu manyinika i fa anubɛ i na duruta minnu manyinikala?” Kɔnɔ Mansa Yɔram ko, “Ma ti wo ma bawo Mari le wara ma don Mohabu mansɛ bolo kɛ la.”
Ale Mansa Niko ya kilayɛnu nata Mansa Yosaya ma. A ko, “N bi tala kɛlɛ min kɛ tinɛ kɛ la, ile Yuda mansɛta sa wo rɔ. N ma na ile kɛlɛ tina. N nara n yogenu denu kɛlɛ tinɛ. Alla ko n ni ta tiriya! Alla ye n fɛ. Hali i ma n matanbani. Ni wo ma, ale si i halaki.”
Mari ya Filisiti nyamanita-mɔgɛnu anubɛ Taya anubɛ Saidon so-burɔ-mɔgɛnu manyinika, ni anu bi min mala kɛ la, ni anu bi ale Mari tayili sara le la wo rɔ. Nba, ni wo le, ale Mari ko ale fanan si a tayili sara anu na tiriya!
Yisa ya a fɔ nyinɛ wo ye ko, “Nyina-yogomɛ, bɔ kei kɛ fɛ!” A gbele-gbelenta a kulu-mayɛlɛnɛ la ko, “Alla min bi Fan Bɛɛ Kun Na, wola dan Yisa, i ye nyinina nfen ma n bolo? I keli ko i ti n tɔrɔ!”
Nyinɛnu fanan gbele-gbelenmatoe bɔra nyinatoenu fɛ, anu ko, “Allala dan le ile la!” Anu ya a lɔn Allata-Mɔgɔ-Yabɔnɛ la min kɛ, Yisa ya a fɔ anu ye ko anu kana kuma.
Nyinatoe wo ya Yisa yen tumɛ min, a wɔrɔndɔra bɛrɛkɛ! A ya a sa Yisa kɔrɔ ka a fɔ a kulu-mayɛlɛnɛ la ko, “Alla min Bi Fan Bɛɛ Kun Na, wola dan Yisa, i ye nyinina nfen ma n bolo? N bi i madiyala, i kana n tɔrɔ!”
Wo ni wo hɛnkili to melikanu fanan ko. Wo donu ma to anuna sɔ tinɛnu tɔ, fɔ ka anu ban anu nyɛrɛ sɔ tinɛ la. Alla ara wonu mara pinpi rɔ dugu kɔrɔ habadan-yɔlɔkɛ la. Anu si yiliki tele min ma, anu maranɛ wo tele makawanɛla ko la.