Matiyu 8:20 - ALLALA KUMƐ

²⁰ Yisa ya a fɔ a ye ko, “Farannu bi banbannu bolo anu si ki kan min. Kona-nyagannu bi konanu bolo fanan kɔnɔ kun sa tinɛ sa nde, Hadama-dan bolo.”

Matiyu 8:20 Iomraidhean Croise

Yaburi 104:12

Kɔlɔmanu bi yi wonu dafɛ nyɔ, konanu si anu nyagannu kiri wonu na ka to sigi sala nyɔ.

Yaburi 104:17

Konanu si anu nyagannu kiri wonu denu na. Donu fanan bi sigila fɔɔ kɔlɔma donu sore la.

Yaburi 109:22

Makolamɛ bolo-kolɔn le nde la. Diminyɛ ye yigila n tɔ fɔɔ n sɔn-kole.

Yaburi 40:17

N tigi, bolo-kolɔn le n na. N sɛnbɛ sa. Kɔnɔ hali wo, i ma nyina n ko. Nna kisilɛ anubɛ nta Alla le ile la. I yandi, i latiriya n dɛnbɛna.

Yaburi 69:29

N bi dumɛ anubɛ yigi-tɛgɛ le kun na. E, Alla, n sɔ kan-tina-latankanɛ rɔ.

Yaburi 84:3

Hali nananu bi anu nyagan sala ita saraka-mintan-tinɛ dafɛ. Anu bara le nyɔ la. Anu bi anuna dan sɔrɔnna nyɔ le. Mari Sɛnbɛ-Bɛɛ-Tigi le ile la, nta mansɛ anubɛ nta Alla, kɔni.

Daniyɛli 7:13

“Nna kiyo kɛ rɔ, n ya fan do yen min muninyanɛ hadama-dan la. A ye nala n magbenna, a lafoonɛ banda-finyɛ la. A tara a sɔ Habadan-Tigi-Alla dafɛ, anu ya a raka wo la.

Matiyu 12:32

Min si kuma-yogomɛ fɔ nde, Hadama-dan ma, a ma si koto wo la. Kɔnɔ mɔgɔ-wo-mɔgɔ min si kuma-yogomɛ fɔ Allala Ni-Sɛnimɛ ma, a ma ti koto bi, a ma ti koto habadan!

Matiyu 12:40

Iko Nɛbi Yona ya su sawa anubɛ tele sawa kɛ yɛgɛ-ba burɔ nya min, nde, Hadama-dan si su sawa anubɛ tele sawa kɛ dugu kɔrɔ wo nya na le.

Matiyu 12:8

ado Sulen-Tele Mari le nde, Hadama-dan la.”

Matiyu 13:37

Yisa ya a kɔrɛ fɔ anu ye ko, “Kei min ya sugu-nyimɛ fui, nde, Hadama-dan le kei wo la.

Matiyu 16:13

Yisa tara Sɛsariya-Filipai soe dafɛ-nyamanɛ rɔ. A ke nyɔ, a ya ala karan-dannu manyinika ko, “Yon bi nde, Hadama-dan la? Mɔgɛnu bi nfen fɔla nna ko la?”

Matiyu 16:27

ado nde, Hadama-dan-natoe le n Fala gbiliyɛ rɔ. Mabɛ nta melikanu bi nala. Nba, n si mɔgɛ bɛɛ sara ala kɛwɔlɛ la.

Matiyu 17:9

Anu bi yigila kɔnkɛ la tumɛ min, Yisa ya a fɔ anu ye ka a magbɛlɛya ko, “Wo ara ko-rayirɛ min yen kɛ, wo kana wo rakaran mɔgɔ-wo-mɔgɔ ye, ha nde, Hadama-dan ni wuli ka bɔ furinu tɛma tumɛ min.”

Matiyu 19:28

Yisa ya a fɔ anu ye ko, “Wo ni wo hɛnkili to kɛ ko! Dali-kurɛ wa ke tumɛ min, nde, Hadama-dan wa sigi nta mansaya-waganɛ gbiliyanɛ rɔ, wo tan-ni-filɛ bɛɛ si wo sigi mansaya-sigi-fannu tɔ ka Isirɛla bɔnsɔn tan-ni-filɛ kiti tɛgɛ,

Maraka 8:38

Nba, wati-yogomɛ kɛ, mɔgɛnu ma Alla lɔn wati min, ni mɔgɛ ya a kan-kɔ sɔ nde anubɛ nna karan la, nde, Hadama-dan anubɛ melika-sɛnimɛnu ba na tumɛ min n Fa Allata gbiliyɛ rɔ, nde fanan si n kan-kɔ sɔ wo tigi la.”

Luka 12:8

“N bi tonyɛ fɔla wo ye, min ba a sɔn a la gbɛ rɔ ko ntɛ le ale la, nde, Hadama-dan si wo nyɔgɔn ma ale fanan ye Allala melikanu yala.

Luka 18:8

N ni a fɔ wo ye, a si kiti tɛgɛ a kilɛ fɛ ka a ma tiriya! Kɔnɔ nde, Hadama-dan wa na tun, n si dɛnkɛninyɛ taran duninya rɔ, wa?”

Luka 2:12

Wo si den-pulan sanɛ taran kolo-fannu de-nyini tinɛ, kurɛ minimininɛ a ma. Tamasere le kɛ la wo ye.”

Luka 2:16

Nba, anu tara tiriya! Anu ya Mariyama anubɛ Yusufu taran, den-pulan sanɛ kolo-fannu de-nyini tinɛ.

Luka 2:7

A ya ala den-kei fɔlɔtɛ sɔrɔn kolo-fannu namara tinɛ burɔ bawo anu ma yiya tinɛ sɔrɔn sundan-yiya-bɔn la. A ya kurɛ minimini dan wo ma ka a sa kolo-fannu de-nyini tinɛ.

Luka 21:36

Wo ni wo yɛ lakalan ka madiyali kɛ tuma-wo-tuma alako wo ni sɛnbɛ sɔrɔn ka tanka koe kɛ bɛɛ ma minnu si ma. Wo ni sɛnbɛ sɔrɔn alako wo si wo sɔ nde, Hadama-dan yakɔrɔ nya min.”

Luka 8:3

Kusala musi Yoyana, minna kei ye kun-tigiyɛ kɛla Hɛrodila bɔn la anubɛ Susana anubɛ musu-gbɛrɛ-siyaman, wonu ya Yisa anubɛ ala karan-dannu dɛnbɛ anu bolo-fannu na.

Luka 9:58

Yisa ya a fɔ a ye ko, “Farannu bi banbannu bolo anu si ki kan min. Kona-nyagannu bi konanu bolo fanan kɔnɔ kun sa tinɛ sa nde, Hadama-dan bolo.”

Yɔni 1:51

Yisa ya a fɔ anu ye ko, “N bi tonyɛ fɔla wo ye, wo si Arinyɛni dɛ-lakanɛ yen. Allata melikanu bi yigi-ni-yɛlɛ kɛla nde, Hadama-dan wara la!”

Yɔni 12:34

Nyama ya a yabi ko, “A sɛbɛnɛ mala tɔn rɔ ko Allata-Mɔgɔ-Yabɔnɛ si to habadan! Ile ye a fɔla kama worɔ ko ale, Hadama-dan la ni yɛlɛ san ma? Hadama-dan kɛ ye yon na?”

Yɔni 13:31

Yudasi tara tumɛ min, Yisa ko, “Nde, Hadama-danta gbiliyɛ ara bɔ gbɛ rɔ, ado Allala gbiliyɛ ara bɔ gbɛ rɔ ale baraka rɔ kaka!

Yɔni 3:13

Mɔgɔ-wo-mɔgɔ ma yɛlɛ wɛ Arinyɛni tɔ fɔlɔ, fɔ nde, Hadama-dan min yigira ka bɔ Arinyɛni tɔ.

Yɔni 3:14

“Iko Nɛbi Musa ya duguma-fen-misalɛ layɛlɛ kɔlɔma ma san ma wulɛ rɔ nya min, nde, Hadama-dan fanan na si yɛlɛ wo nya.

Yɔni 6:27

Wo kana wɔli dɔn-fanla ko la min si tinya. Wo ni wɔli dɔn-fanla ko la min si habadan-nimayɛ di wo ma. Nde, Hadama-dan si dɔn-fan min di wo ma, wo ni wo raya ka wo sɔrɔn bawo n Fa Alla ara sɔn nta wɔli ma.”

Yɔni 6:53

Yisa ya a fɔ anu ye ko, “N bi tonyɛ fɔla wo ye, ni wo ma nde, Hadama-dan bagbuyi dɔn ka n yele min, wo ti niyi sɔrɔn.

Yɔni 6:62

Nde, Hadama-dan bɔra kan min nun, ni wo ya n yen sɛgila nyɔ don?

Kɛwɔlɛnu 7:56

A ko, “Wo yɛ lata. N bara Arinyɛnɛ dɛ lakanɛ yen. Hadama-den, Yisa, sɔnɛ Alla kɔɛn-nyimɛ rɔ!”

2 Kɔrɛnti 8:9

ado wo ya ma Mari Yisa, Allata-Mɔgɔ-Yabɔnɛta hinɛ lɔn. Nɔnfulu-tigi-ba le ale la nun kɔnɔ a ya a nyɛrɛ ma bolo-kolɔn la wolela ko la. A ya wo ma alako ala bolo-kolonyɛ ni wo ma nɔnfulu-tigi la.