Matiyu 8:17 - ALLALA KUMƐ

¹⁷ A ya wo ma alako Nɛbi Aiseya kan ni bɔ-a-la ko, “A ya mala kirayɛnu bi ma ye ka mala gbandayɛnu bɔ ma rɔ.”

Matiyu 8:17 Iomraidhean Croise

Ko-Dabirɛnu 22:6

Iburayima ya sɔgɛ wo bi ka a sa ala den Isiyaka kuma. Ale ya tɛ anubɛ muri bi. Anu mɔgɔ filɛ bɛɛ ye yɛlɛla kɔnkɛ wo kuma,

Aiseya 53:4

A ya a mun tɔrɔyɛ ma male lela ko la. A ya mata dumɛ bi a nyɛrɛ ma. A tenbi tɔrɛ wo kun na, ma miri ko Alla le ye a tɔrɔ tinɛ.

Matiyu 1:22

Nba, kɛ bɛɛ mara alako Mari ya min bɛɛ fɔ nɛbi ye, wonu ni bɔ-a-la ko,

Matiyu 2:15

Wonu tora nyɔ ha Mansa Hɛrodi tenbira. Wo mara alako Mari ya min fɔ nɛbi ye nun, wo la ni kanbali bawo nɛbi le ya a fɔ ko Mari ya ala dan kele ko a ni bɔ Iyipiti.

Matiyu 2:23

Anu sigira soe do burɔ min tɔgɛ Nasarɛti. Wo mara tumɛ min, nɛbinu ya min fɔ kɔrɔma la, wo kanbalita ko, “Mɔgɛnu si a lɔn Nasarɛti kɛ la.”

Maraka 1:32

Wura-dɛ la tele-yigi kɔmɛ, mɔgɛnu nara kirayato-su bɛɛ anubɛ nyinatoenu na Yisa wara.

Luka 4:40

Tele yigi wati, kirayatoe ye mɔgɛ min bɛɛ bolo kiraya-su bɛɛ, anu nara wonu na Yisa wara. A ya a bole sa anu dama kuma ka anu nakɛndɛya.

2 Kɔrɛnti 12:10

Woletɔ n bi fɛrɛta-dumɛ wo kɔrɔ, hali mɔgɛnu ba n manyini wo, gbɛlɛyɛ wa na n ma wo, mɔgɛnu ba n tɔrɔ Kirasitila ko la wo, n sewanɛ wo bɛɛ rɔ. Bawo ni n sɛnbɛ sa tumɛ min, Allata sɛnbɛ ye n tɔ worɔ.

1 Pita 2:24

Male ya hakɛ min bɛɛ kɛ, Kirasiti nyɛrɛ ya wo dunɛ bi a nyɛrɛ-fɛrɛ-bɔnkɛ rɔ kɔlɔma ma alako ma ni hakɛ boloka ka ko-telennɛ kɛ. Ala bosa-gbɛ le ya a ma, ma ara kɛndɛyɛ sɔrɔn.