Matiyu 7:3 - ALLALA KUMƐ

³ Nfenna ko la, i si buriburi yen i ta-nyɔgɛ yɛ ma kɔnɔ kɔn-gbondon min bi ile nyɛrɛ yɛ ma, i hɛnkili sa tugula wo la?

Matiyu 7:3 Iomraidhean Croise

Matiyu 7:4

I ye i sisila a fɔla i ta-nyɔgɛ ma kama worɔ ko, ‘Na, n ni buriburi bɔ i yɛ ma,’ ado kɔn-gbondon ye ile fɔlɔn yɛ ma?

Matiyu 7:5

Ile nyɛrɛ-mayiralɛ! Kɔn-gbondon bɔ ile fɔlɔn yɛ ma, wo kɔma, buriburi min bi i ta-nyɔgɛ yɛ ma, i si ke wo yenna ka wo bɔ a ma.

Luka 18:11

“Farisi wo sɔra a dan na ka wuli Alla madiyala ka le, a ko, ‘Alla, n bi baraka birala i ye bawo kɔrɔnditore ma nde la, kensunte ma n na, telenbɛli ma n na nna musi wara la iko mɔgɔ toe bɛɛ ye nya min, ado n bi baraka birala i ye bawo nde sa iko duti-makelelɛ kɛ pan!

Romu 2:1

N diyana-mɔgɛnu, wo ye wo dɛ bilala mɔgɛnuna koe rɔ kɔnɔ wo wa wo bɔnu yiliki tumɛ min, wo ara wo nyɛrɛ le yiliki wo la. Masigima-kuma sa wo bolo worɔ! Ni wo ya a yen n bi wo fɔla bawo anu denu bi min mala, wole nyɛrɛ fanan bi wo le mala.

Kalesiya 6:1

N na-kelen-nyɔgɛnu, wole min bilanɛ Allata Ni-Sɛnimɛ fɛ, ni wo ya mɔgɛ do bira ko-yogoma-kɛ la, wo ni a latelen. Wo ni a kɛ dinyɛ rɔ. Kɔnɔ wo ni a ma wo fɛrɛma alako wo fanan kana na ko-yogomɛ ma.