Matiyu 7:11 - ALLALA KUMƐ

¹¹ Hali wole min yogo, wo ya a lɔn ko a kin ka fen-nyimɛ di wola dannu ma. Wo Fa min bi Arinyɛni tɔ don, wo ti fen-nyimɛ di wo ma min tenbira wo la, wa? Ale ma tenbi wo la, wole min bi a tarala, kɔni?

Matiyu 7:11 Iomraidhean Croise

Ko-Dabirɛnu 6:5

Mari ya a yen min kɛ mɔgɛnuna ko-yogomɛ da ra ara koloya duninya rɔ, ado anu miriya bɛɛ manɛ ko-yogomɛ la tun tun,

Ko-Dabirɛnu 8:21

Wo sumɛ ya a diya don Mari rɔ woletɔ Mari ya a fɔ a nyɛrɛ ma ko, “N ya a lɔn hali hadama-dan dennɛ le, a miriya bɛɛ bɛnnɛ ko-yogomɛ le ma kɔnɔ hali wo, n ti dugi danka tun mɔgɛnuna sɔn-yogomɛla ko la. N ti nima-fan bɛɛ faga tun iko n bara a ma nya min kɛ la.

2 Samuwɛli 7:19

Kɔnɔ hali wo, i ye sarama-kan kiri-koe rɔ mabɛ nna denbayɛ ye anubɛ minnu ma sɔrɔn bɛ. E, n Tigi Mari, alamɛ hadama-dan ni ko-nyimɛ kɛ iko ile.

Yobu 15:16

Kɔnɔ hadama-dan don? A sɔn yogo kati! Karagbɛlɛyɛ diya donnɛ mɔgɛnu tɔ iko min-kɛ-yi.

Yaburi 84:11

Ma latankalɛ le Mari la, ado mala gbiliya-mansɛ le. Ala duwɛ ye ma fɛ ka kinikinɛ anubɛ gbiliyɛ di ma ma. A ti ko-nyimɛ bɔ mɔgɔ-telennɛ telen tɔ.

Yaburi 85:12

Mari si ma lasabati, ado mala duginu si nɔrɔn ki-fannu kɔrɔ.

Yaburi 86:15

Kɔnɔ ile n tigi, ila keninteyɛ kolo, ado i kinikinite. I munyara, i nyimayanɛ, ado i lanaya-tigi.

Yaburi 86:5

E, n tigi, i nyimayanɛ ma ye, ado i ye ma makotola. Minnu bi i madiyala, ila hinɛ ye wonuna ko la.

Aiseya 49:15

Woletɔ Mari ye anu yabila ko denba-tigi si nyina ata dan ko, wa? A si ke a banna a sɔrɔn-dan la? Hali a mara, musi ni nyina ala dan ko kɔnɔ Mari ti nyina male ko muk!

Aiseya 63:7

A di n ye, n ni Marita keninteya-dan-natɛgɛbɛlɛ wara-koe fɔ. N si a tanto ka a tɛgɛ a ara min bɛɛ kɛ ma ye. A ara fen-nyima-siyaman di ma ma. A ara Isirɛla mɔgɛnu bira a kin na! Mari ara ata kinikinɛ yira ma la. A nyimayanɛ ma ma dɔgɔma-ma-de!

Yɛrɛmaya 17:9

Mari ko hadama-dan-sɔn yogo ha ka a dan-natenbi. A ti a sɔn yɛlɛma mumɛ, ado mɔgɛ ti ban hadama-dan-sɔn nya-yenna.

Yɛrɛmaya 33:14

Mari ko wati ye nala, a ara lanyiri min kiri Isirɛla anubɛ Yuda nyamanita-mɔgɛnu ye, a si wo latɔnbagaya.

Hoseya 14:2

Wo sɛgi Mari ma. Wo ni matarali-su-kɛ kɛ ko, “Ma makoto ma hakɛ la ka mala matarali-kan labira. Wo kɔma, ma si i matɔgɔ iko ma ara lanyiri kiri i ye nya min.”

Maika 7:18

Alla gbɛrɛ sa nyɔ min manɛ iko ile Mari. Mɔgɛ minnu bi anu niyi la kaka, ile si wonu makoto anu hakɛ la. I fonde magboyani ma ita mɔgɛnu kuma tuma-wo-tuma. I nyagalennɛ ka ila keninteyɛ yira anu na tuma-wo-tuma.

Malakayi 1:6

Mari Sɛnbɛ-Bɛɛ-Tigi ya a fɔ ata saraka-masɔlɛnu ye ko a bɛnta, den-kei ni a fa gbiliya. A bɛnta fanan, wɔli-kɛlɛ ni a tigi gbiliya. Kɔnɔ a ko wo fa le ale la kɔnɔ wo sa ale gbiliyala. A ko wo tigi le a la fanan kɔnɔ wo sa a gbiliyala. A ko a ma di wole saraka-masɔlɛnu ye mumɛ kɔnɔ hali wo, wo ye a manyinikala ko, “Ma ya a yira a la kama ko a sɔgɔ la ara bɔ ma la?”

Matiyu 23:9

Nba, wo kana mɔgɔ-wo-mɔgɔ kele duninya kɛ rɔ ko, ‘N fa,’ bawo Fa kelen pe le ye wo bolo Arinyɛni tɔ.

Matiyu 7:10

A wa a tara yɛgɛ ma, a ni duguma-fan don a bolo?

Yɔni 3:16

Alla le ya duninya keni ha a ya ala den-kei kelen pe ni. Mɔgɔ-wo-mɔgɔ wa dɛnkɛninya a ma, wo ti halaki fɔ ka habadan-nimayɛ sɔrɔn.

Romu 3:19

Nba, ma ya a lɔn ko minnu bi Allata tɔn wara-koe kɔrɔ, tɔn-kitabu kɛ sɛbɛra wonu denu ye. Wo sɛbɛnɛ alako mɔgɛna masigima-fɔɛ ni ban ka duninya-mɔgɛ bɛɛ lana Allala kiti kɔrɔ,

Romu 3:9

Kɛ ye kama? Male Yahudiyanu fisa sibolo-gbɛrɛnu ko, wa? Ade! Ma ara ban a labɔla gbɛ rɔ ko a Yahudiya wo, a sibolo-gbɛrɛ wo, hakɛ ara sɛnbɛ sɔrɔn ma bɛɛsi kun na.

Romu 8:32

A ma a nyɛrɛta dan, Yisa yamasansan fɔ ka a bɔ sarakɛ la ma damala ko la. Ni a ara ala dan di ma ma, a ti fan bɛɛsi di ma ma fanan, wa?

Kalesiya 3:22

Kɔnɔ a sɛbɛnɛ Allala kitabu rɔ ko duninya bɛɛ ye hakɛ sɛnbɛ kɔrɔ. Woletɔ lanyiri wola duwɛ ye wonu ye minnu dɛnkɛninyanɛ Yisa Kirasiti ma.

Yemesi 1:17

Kɔ-fen-nyimɛ-bɛɛ anubɛ kɔ-fen-kanbalinɛ-bɛɛ ye bɔla Arinyɛni tɔ. A ye yigila ka bɔ Alla bolo min ya san-koleta wan-takɛ-fannu dan. Ale Alla ti yɛlɛma iko ninɛ yɛlɛmanɛ ye nya min.

1 Yɔni 3:1

Ma Fa Alla ara ma keni nya min, wo mafɛlɛn! Ala keninteyɛ kolo kati! A kolo ha, a ara ma kele ko ata dannu, ado male le wo la serr! Wo le wara a ma, duninya ma male lɔn bawo a ma Alla fɔlɔn lɔn.

1 Yɔni 4:10

Keninteya-bɛrɛ le kɛ la—ka a fɔ ko ma ya Alla keni, wo ma, fɔ ko ale ya male keni. A ya ala den Yisa lana alako a ni ma sarakɛ la min ya mala hakɛ makoto.