Matiyu 6:30 - ALLALA KUMƐ

³⁰ Binyɛ don? A ye nyɔ wati-ni dɔrɔn, wo kɔma, tɛ ni a mintan. Alla ye binyɛ wo fɛrɛya bɔla. Alla ti to wole fanan fɛrɛya bɔla wo nya na, wa? Wola dɛnkɛninyɛ dɔgɔ de!

Matiyu 6:30 Iomraidhean Croise

Yaburi 92:7

Hali karagbɛlɛnu bi koloyala iko binyɛ, ado ko-yogoma-kɛlɛnu bi nanfala kubukubu, fɔ anu ba halaki pɔ

Matiyu 14:31

Yisa ya a bole layigi tiriya ka Pita layɛlɛ. A ko, “Ila dɛnkɛninyɛ dɔgɔ kati! I sikara nfenna?”

Matiyu 16:8

Anu bi min fɔla nun, Yisa ya wo bɛɛ lɔn, woletɔ a ya anu manyinika ko, “Nfenna wo ye biredi wara-koe rakaranna wo nyɔgɔn tɛma? Wola dɛnkɛninyɛ ma kolo mumɛ!

Matiyu 17:17

Yisa ya a fɔ anu ye ko, “Wole fanan. Dɛnkɛninyɛ sa wo bolo, ado wo ma ko-latelennɛ lɔn. N ni to wo fɛ wati nyamintan tɔ tun? N ni n munyu wo kɔrɔ ha tumɛ nyamintan? Wo na dennɛ wo la n bara yan!”

Matiyu 8:26

Yisa ya a fɔ anu ye ko, “Wo kilannɛ nfenna? Wola dɛnkɛninyɛ ma kolo mumɛ!” Wo kɔma, a ya a lasɔ ka fɔnyɔ anubɛ yi makuma. Fɔnyɔ anubɛ yi wo sigira-a-la don!

Maraka 4:40

Wo kɔma, Yisa ya a fɔ anu ye ko, “Nfenna wo kilannɛ? Dɛnkɛninya sa wo bolo, wa?”

Maraka 9:19

Yisa ya a fɔ anu ye ko, “Wole fanan. Dɛnkɛninya sa wo bolo! N ni to wo fɛ ha tumɛ nyamintan tɔ tun? N si n munyu wo kɔrɔ ha tumɛ nyamintan? Wo ni a lana n ma!”

Luka 12:28

Binyɛ don? A ye tola wati-ni dɔrɔn, wo kɔma tɛ ni a mintan. Alla min bi binyɛ wo fɛrɛya bɔla, a ti wole fanan fɛrɛya bɔ wo nya na, wa? Wola dɛnkɛninyɛ dɔgɔ de!

Luka 9:41

Yisa ya a fɔ anu ye ko, “Wole fanan. Dɛnkɛninyɛ sa wo bolo, ado wo ma ko-latelennɛ lɔn! N ni to wo fɛ ha tumɛ nyamintan? N si n munyu wo kɔrɔ ha tumɛ nyamintan?” A ya a fɔ kei wo ye ko, “Na ila dan la yan.”

Yɔni 20:27

Wo kɔma, a ya a fɔ Tamasi ye ko, “I bolo-nɔlɔnɛ sa yan. N bolenu mafɛlɛn. I bole rasagan ka a don n tɔnkɔn rɔ. Sikɛ ni bɔ i rɔ. I ni la n na!”

Hiburunu 3:12

Woletɔ n na-kelen-nyɔgɛnu, wo ni a ma wo fɛrɛma. Ni-yogoyɛ wo, dɛnkɛninyabɛlitayɛ wo, wo fenfen kana taran wo tɛma min si a ma, wo ni wo kan-kɔ sɔ Alla nimɛ la.

1 Pita 1:24

Iko a sɛbɛnɛ Allala kitabu rɔ nya min ko, “Mɔgɛ bɛɛ mani de iko yerimɛ. Anuna gbiliyɛ bɛɛ mani de iko yerima-fere. Yerimɛ si gbala, a fere si yalan.