Matiyu 6:2 - ALLALA KUMƐ

² “Ni i ye a fɛ ka bolo-kolɔn kɔ, i kana a mayon alako mɔgɛ bɛɛ ni i yen mɔgɛ kɔla iko nyɛrɛ-mayiralɛnu. Wonu denu si wo ma Yahudiya-dina-bɔnnu na anubɛ barɛnu tɔ bawo anu bi a fɛ, mɔgɛnu ni anu matɔgɔ. Wo ni wo hɛnkili to kɛ ko! Wonu bara ban anu sarɛ sɔrɔnna feu!

Matiyu 6:2 Iomraidhean Croise

Yaburi 112:9

A si fen-siyaman di bolo-kolɔnnu ma. Ala kɛwɔli-nyimɛ ti ban mumɛ! A ma si kawa, ado gbiliyɛ ti dasa a la.

Yaburi 37:21

Karagbɛlɛ si fan sinka kɔnɔ a ti a lasɛgi tun kɔnɔ mɔgɔ-nyimɛ, wo latiri mɔgɔ kɔla.

Hɛnkilimaya-Kumɛnu 19:17

Ni mɔgɛ ya fen di bolo-kolɔn ma, a si ma iko a ara Mari le dɔndɔ bawo wo le ye fen-dilɛ sarala.

Hɛnkilimaya-Kumɛnu 20:6

Mɔgɔ-siyaman si a fɔ ko, “Mɔgɔ-nyimɛ le nde la” kɔnɔ mɔgɔ-latelennɛ yen-koe gbɛlɛ.

Makawandili Kumɛnu 11:2

I ni ila wodi lamara kan-tina-siyaman tɔ bawo i ma a lɔn kasarɛ ye bɔla kan bara la.

Aiseya 10:6

A ko a ara wo latugu Alla-lɔnbɛlɛ donu kan ma bawo anu bara a ladiminya. A ara wo lata bumalɛ anubɛ kankanyɛ anubɛ Yuda kɛnu tatɛntɛn tinɛ ka anu ma iko gbangban.

Aiseya 58:7

Wo ni kɔnkɔtoenu kɔ dɔn-fan rɔ. Bon sa minnu bolo, wo ni wonu nadon wo kuma. Wo ni kurɛ di fɛrɛyatoenu ma. Wo kana wo ban wo na-kelen-nyɔgɛnu dɛnbɛn-koe ma.

Aiseya 9:17

Woletɔ Mari ti sɔn kemini-mɛsɛ wo fenfen kunyɛ ni bɔ a rɔ muk! Hali kelennɛnu anubɛ kɛɛ-nyaganɛnu, a ti kinikini wonu ma bawo Alla-lɔnbɛlɛ anubɛ karagbɛlɛ le mɔgɛ damasi la. Anu darɔ-kan bɛɛ yogo. Kɔnɔ hali wo, wo ti a ma, Marita fondo-bɔɛ ni ban. Ha bi, Mari kɔɛn kɔrɔbinɛ anu tɔrɔ-koe la.

Hoseya 8:1

Mari ko, “Wo ni kɛlɛ-buri fɛ. Wo yogenu bi nala wo kan ma iko kokɛ bawo wo ya sarama-kan min kiri wobɛ nde, Mari tɛma, wole ara wo waralɛ tinya ka murutiya nta tɔnnu ma.

Matiyu 15:7

Wole nyɛrɛ-mayiralɛnu! Nɛbi Aiseya ya wɔlɔyiyɛ kɛ a kin na wolela ko la, yɔ! A ko,

Matiyu 16:3

Bandɛ wa ka, wo ye a fɔla ko bandɛ si na bawo wo ye san-kole a wulennɛ anubɛ a finni basannɛ yenna. Wo wa san mafɛlɛn, wo si ke a lɔnna tele si ma nya min kɔnɔ koe minnu bi mala kaka, wo ti ke wonu kɔrɛ faranfasila!

Matiyu 22:18

Kɔnɔ gbundu-koe min kirinɛ a kan ma, Yisa ya wo bɛɛ lɔn. Woletɔ a ko, “Wole nyɛrɛ-mayiralɛnu, wo ye n da-kɔrɔbɔ-koe rɔ nfenna?

Matiyu 23:5

Anu si anuna ko-nyimɛ bɛɛ kɛ alako mɔgɛ ni anu yen dɔrɔn! Allala kumɛ min sɛbɛnɛ ata kitabu rɔ, anu bi wo mala lɛsimɔgɛnu na ka wonu kiri anu telɛnu anubɛ anu bolenu ma. Wonu mafɛlɛn! Anuna duruku-yan bunsannu yanyɛ-nya fanan mafɛlɛn!

Matiyu 23:6

Ado nfan, sigi-tina-mayɛlɛnɛnu di anu ye ladiyɛ rɔ, anubɛ sigi-fan-nyimɛnu Yahudiya-dina-bɔnnu na.

Matiyu 24:51

A tigi si a ratɛgɛtɛgɛ ka anubɛ kolandinu don kan-tina-kelen. Mɔgɛnu si di nyɔ ka anu nyin masɔgɔ dumɛ bolo.

Matiyu 5:18

Wo ni wo hɛnkili to kɛ ko! Fananta san-kole anubɛ dugu-kole ye nyɔ, hali a nyantarani, a ti bɔ tɔn la fɔ tɔn bɛɛ da ni fa.

Matiyu 6:16

“Wo wa sunyɛ don tumɛ min, wo kana wo yakɔrɛ sa-a-rɔ iko nyɛrɛ-mayiralɛnu si a ma nya min. Anu kɛnɛna anu nyɛrɛ makinikinina alako mɔgɛnu ni a lɔn ko anu bi sunyɛ le tɔ. Wo ni wo hɛnkili to kɛ ko! Anu bara ban anu sarɛ sɔrɔnna feu!

Matiyu 6:3

Kɔnɔ i wa mɔgɛ kɔ, hali i diyana-mɔgɔ bɛrɛbɛrɛ kana a lɔn.

Matiyu 6:5

“Wo tenbi madiyali kɛla, wo kana a ma iko nyɛrɛ-mayiralɛnu! A di wonu ye ka madiyali kɛ anu kulu-mayɛlɛnɛ la Yahudiya-dina-bɔnnu na anubɛ sere tɛma alako mɔgɛnu ni anu yen. Wo ni wo hɛnkili to kɛ ko! Anu bara ban anu sarɛ sɔrɔnna feu!

Matiyu 7:5

Ile nyɛrɛ-mayiralɛ! Kɔn-gbondon bɔ ile fɔlɔn yɛ ma, wo kɔma, buriburi min bi i ta-nyɔgɛ yɛ ma, i si ke wo yenna ka wo bɔ a ma.

Maraka 12:39

Anu bi sigi-tina-nyimɛnu yabɔla Yahudiya-dina-bɔnnu na anubɛ ka kan-tina-nyimɛnu yabɔ ladiyɛnu tɔ.

Maraka 7:6

Yisa ya anu yabi ko, “Aiseya ya wɔlɔyiyɛ min kɛ wolela ko la, wo telenta! Nyɛrɛ-mayiralɛ le wole la iko a ya a sɛbɛ nya min. A ya a sɛbɛ ko Alla ko, ‘Mɔgɛ kɛnu bi a fɔla anu da rɔ ko n di anu ye kɔnɔ n bara-koe sa anu yisi-kunyɛ la!

Luka 11:41

Kɔnɔ min bi wola yi-lafɛnu anubɛ piletinu burɔ, wo ni wo di bolo-kolɔnnu ma, fan bɛɛ si sɛninya wo ye worɔ.

Luka 11:43

“Gbalo ye wole Farisinu kuma bawo sigi-tina-nyimɛnu di wo ye Yahudiya-dina-bɔnnu na. Gbiliya-kɔndɔlinu di wo ye barɛnu tɔ.

Luka 12:33

Wo ni wo bolo-fan bɛɛ mayira ka wodi wo di bolo-kolɔnnu ma. Wo ni wodi-bɔrɛnu kara wo nyɛrɛ ye wo si wola wodinu namara minnu tɔ Arinyɛni tɔ. Woe sa anu ma. Fen ti bɔ wola wodinu na. Kankan ti ke a kankanna nyɔ. Kisinu ti a dɔn nyɔ,

Luka 12:56

Wole kolandinu! Wo wa dugu-kole anubɛ san-kole mafɛlɛn, wo si ke a lɔnna tele wo si ma nya min kɔnɔ nfenna wo ti ke wati kɛ kɔrɛ faranfasila?

Luka 13:15

Mari ya a yabi ko, “Wole kolandinu! Wo le fanan bi wɔlila Sulen-Tele ma. Wo ye wola kolo-fannu fulenna ka ta yi di anu ma Sulen-Tele ma.

Luka 20:46

“Wo ni a ma wo fɛrɛma tɔn-karan-mɔgɛnuna ko la. Yigi-ni-yɛlɛ di anu ye anuna duruku-yan-bɛnu bilanɛ anu kan na. A di anu ye fanan ko mɔgɛnu ni gbiliya-kɔndɔli di anu ma fere-kɛ-tina-wɛnu tɔ. Anu bi sigi-tina-nyimɛnu yabɔla Yahudiya-dina-bɔnnu na anubɛ kan-tina-nyimɛnu ladiyɛnu tɔ.

Luka 6:24

Nɔnfuli ye wole minnu bolo kaka, gbalo ye wo kuma bawo wo lafɛrɛnɛ!

Luka 6:42

I si a fɔ i ta-nyɔgɛ ye kama ko, ‘N bɔ, sɔ wa, n ni buriburi bɔ i yɛ ma,’ kɔnɔ i sa kon-gbondon wo yenna min bi i nyɛrɛ yɛ ma? Ile nyɛrɛ-mayiralɛ! Kon-gbondon fɔlɔn bɔ i nyɛrɛ yɛ ma, wo kɔma, buriburi minnu bi i ta-nyɔgɛ yɛ ma, i si ke wo yenna ka wo bɔ nyɔ.

Yɔni 13:29

Yudasi ye wodi-bɔrɛ marala nun min kɛ, ala karan-dan donu ya anu miri ko Yisa ara a fɔ a ye ko a ni ta dɔn-fan san anu ye ladiyɛla ko la. Ni wo ma, a ara a fɔ a ye ko a ni fan do di bolo-kolɔnnu ma.)

Yɔni 5:41

“N sa gbiliyɛ nyinina mɔgɔni-fin bolo.

Yɔni 5:44

A di wo ye wo ni matɔgɔlɛ sɔrɔn wo nyɔgɔn bolo kɔnɔ wo sa wo rayala ka matɔgɔlɛ sɔrɔn Alla kelen pe bolo. Wo si ke lala nde la kama worɔ?

Yɔni 7:18

Mɔgɛ min bi kumala a nyɛrɛta miriya rɔ, a di a ye, a ni matɔgɔlɛ sɔrɔn mɔgɛnu bolo. Kɔnɔ ni mɔgɛ min ye a fɛ ka a sɔlɛ gbiliya, tonya-fɔlɛ le wo la, foninya-wo-foninya sa a da rɔ.

Kɛwɔlɛnu 10:2

Dina-mɔgɛ le fanan. Ale anubɛ ala denbayɛ bɛɛ ye Alla batola, ado a duruta Yahudiya bolo-kolɔnnu dɛnbɛna bɛrɛkɛ! A ye Alla madiyala tuma-wo-tuma kɔnɔ Yahudiya ma.

Kɛwɔlɛnu 10:31

Kei wo ko, ‘Kɔniliyasi! I wara bolo-kolɔnnu dɛnbɛ min kɛ, Alla ara sɔn ila madiyalɛnu ma. A ara a fonde to i ko.’

Kɛwɔlɛnu 10:4

A ya melika mafɛlɛn sin! A kilanta dɔgɔma-ma-de! A ko, “N fa, nfen mara?” Melika ya a fɔ a ye ko, “I wara bolo-kolɔnnu dɛnbɛ min kɛ, Alla ara sɔn ila madiyalɛnu ma. A ara a fonde to i ko.

Kɛwɔlɛnu 11:29

Yisata mɔgɛnu ya a latɛgɛ ko anu kelen-kelennamɛ-bɛɛ wa ke anu bolo-fan fenfen sɔrɔnna, anu ni wo lata anu na-kelen-nyɔgɛnu ma minnu siginɛ Yudiya nyamanɛ rɔ anu dɛnbɛn-koe la.

Kɛwɔlɛnu 24:17

“San donu kɔrɔ n sa Yerusalɛm soe burɔ min kɛ, n tara wodi la nna mɔgɔ bolo-kolɔnnu ye nyɔ anubɛ ka sarakɛnu bɔ.

Kɛwɔlɛnu 9:36

Musi do fanan bi Yapa soe burɔ nun, wo tɔgɛ Tabita. Dɛnkɛninya-mɔgɛ le. (Kiriki-kan rɔ, a tɔgɛ le Dɔrɔkasi. Wo kɔrɛ le “Mina.”) A ya ala wati bɛɛ kɛ ko-nyimɛ kɛ-koe la bolo-kolɔnnu dɛnbɛn tinɛ.

Romu 12:8

Ni mala sanbɛ le ka donu sɛnbɛ don, ma ni wo ma. Ni nɔnfuli ye min bolo ka donu kɔ, ma ni wo ma ma yisi bɛɛ la. Ni mata sanbɛ le kun-tigiyɛ la, ma ni wo kɛ a kilɛ fɛ. Ni mata sanbɛ le ko-nyima-kɛ la, ma ni a kɛ sewɛ la.

1 Kɔrɛnti 13:3

Ni n ya n bolo-fan bɛɛ ni, ni n ya n bagbuyi ni alako n ni n nyɛrɛ matɔgɔ, ni keninteya sa n yisi rɔ, wo ti ko-wo-ko nyinya n ma.

Kalesiya 2:10

Anu ya a fɔ ma ye ko ma ni ma hɛnkili to bolo-kolɔnnu ko anu tɛma, ado wo kɛ-sɔgɛ ye n na nun, yɔ!

Ɛfɛsa 4:28

Ni min bara duru kankanyɛ la, wo ni kankanyɛ boloka ka a sɛbɛ don wɔlɛ ma. Wo si a ma, a ni ke a nyɛrɛ-beli-fannu sɔrɔnna ka bolo-kolɔnnu fanan dɛnbɛ.

1 Tɛsalonaika 2:6

Ma ma ma raya ka tɔgɛ sɔrɔn hadama-den wo hadama-den bolo, wole wo, mɔgɔ-gbɛrɛ wo.

1 Timoti 6:18

I ni anu makawandi ko anu ni ko-nyimɛ kɛ anuna wodi rɔ. Anu ni ma nɔnfulu-tiginu na anuna kɛwɔli-nyimɛnu tɔ. Anu fanan ni foninsereyɛ kɛ ka mɔgɛnu kɔ.

Failiman 1:7

N diyana na-kelen-nyɔgɛ, ila keninteyɛ ara ma lasewa bɛrɛkɛ! A ara yisi-latɛgɛ-ba di n ma. I wara Allala mɔgɛ bɛɛ yisi lakuraya.

Hiburunu 13:16

Wo kana nyina ka ko-nyimɛ kɛ wo nyɔgɔn dɛnbɛn tinɛ bawo sarakɛ le wo la min di Alla ye.

1 Pita 4:11

Ni min bi kawandili bɔla, wo ni kuma iko a bɛnta, Allala kawandili-bɔlɛ ni kuma nya min. Ni min bi wɔli-gbɛrɛkɛ kɛla, wo tigi ni wɔli a sɛnbɛ la iko Alla ya a di a ma nya min. Woletɔ bɛɛ si Alla tanto koe bɛɛla ko la Yisa Kirasiti baraka rɔ, minta ye gbiliyɛ anubɛ sɛnbɛ la habadan! Amina.

1 Samuwɛli 15:30

Mansa Sɔli ya Samuwɛli madiya, a ko, “Hali n bara hakɛ kɛ kɔnɔ gbiliyɛ di n ma nta mɔgɔ-banu anubɛ Isirɛla mɔgɛnu yala. A ma, ma bɛɛ ni ta ma nyɔgɔn fɛ alako n ni ta ita Mari Alla bato.”