Matiyu 6:19 - ALLALA KUMƐ

¹⁹ “Wo kana wola nɔnfuli lamara wola bɔnnu na duninya kɛ rɔ, kɔrɔkɔrɔyɛ anubɛ kisinu si a tinya kan min. Kankannu fanan si ila bɔn keri ka a kankan.

Matiyu 6:19 Iomraidhean Croise

Yobu 24:16

Kankannu si bɔnnu keri suyi rɔ. Kɔnɔ tele rɔ, anu si anu dogon alako wan-takanɛ kana ke anu ma.

Yobu 31:24

Ha bi, n ma n yigi sa nna fen-kolomɛnu kuma,

Yaburi 39:6

A si sama iko ninɛ. Hadama-dan ye koe min bɛɛsi mala, fu le wo la ile yala. Hali a ya nɔnfuli ladɛn bui, mɔgɔ-wo-mɔgɔ ma a lɔn wo ye a labanna min bolo.

Yaburi 62:10

I kana i yigi sa kɛlɛ-nyɔgɔnyɛ kuma. I kana i hɛnkili latɛgɛ kankanya-fen-sɔrɔn ma. Hali ila nɔnfuli sabatira nya-wo-nya, i kana i hɛnkili latɛgɛ wo ma.

Bɔ-Koe-Iyipiti 22:2

Kankan wo si wo nyɔgɔ labɔ. Ni fenfen sa ale kankan bolo, anu si ale mayira ka a ma kolo-fan wo sɔnkɛ la. Ni a ya min kankan, a ma ko ma wɛ wo la, ni a mara ninki le la, a si wo nyɔgɔn fila lasɛgi. Ni a mara sagɛ le la, a si wo nyɔgɔn fila lasɛgi. Ni a mara sofɛlɛ le la, a si wo nyɔgɔn fila lasɛgi. “Ni mɔgɛ do ya kankan do yen, a ye bɔn kerila suyi rɔ, ni a ya a gbesi a ni faga, anu ti mɔgɛ wo tɔrɔ kankan wo faga-koela ko la. Ni a ya a yen tele le tɔ, ni mɔgɛ wo ya a gbesi, a ni faga, a gbesilɛ wo si yilikiyi sɔrɔn mɔgɔ-faga-koe la.

Hɛnkilimaya-Kumɛnu 11:4

Mari wa wuli mɔgɔ kitila, nɔnfuli ti a dɛnbɛ wulɔn kɔnɔ ko-telenni-kɛ si mɔgɔ kisi sayɛ ma.

Hɛnkilimaya-Kumɛnu 16:16

Yanni i ni sɛnɛ-siyamɛ sɔrɔn, a fisa, i ni hɛnkili sɔrɔn. Yanni i ni wodi-gbɛ-siyaman sɔrɔn, a fisa, i ni lɔnnɛ sɔrɔn.

Makawandili Kumɛnu 2:26

Alla le ye hɛnkilimayɛ anubɛ ko-kɔrɔ-lɔn anubɛ sewɛ dila wo mɔgɛ ma min bi ale Alla hɛnɛna. Kɔnɔ Alla ye a mala, hakɛ-tiginu bi wɔlila ka anu sɔrɔn-fannu namara alako min bi anu bolo, wo ni to Alla-sako-kɛlɛnu ye. Wo bɛɛ ragbɛlɛ. Wo mani de iko mɔgɛ tenbi fɔnyɔ birala.

Sɛfanaya 1:18

Mari fonde ye bɔla tele min ma bɛrɛbɛrɛkɛ, mɔgɛnuna sɛnɛ anubɛ wodi-gbɛnu ti anu bɔ tɔrɔyɛ wonu tɔ wo wulɔn-tele rɔ. Marita diminyɛ si ma iko tɛ ka duninya kɛ bɛɛ mintan. A si duninya-mɔgɛ bɛɛ lato nya-kun-kelen dogbe!

Matiyu 19:21

Yisa ya a fɔ a ye ko, “Ni i ye a fɛ, i ni kanbali, ta i bolo-fan bɛɛ feri ka wodi wo di bolo-kolɔnnu ma. I si nɔnfuli sɔrɔn Arinyɛni tɔ. Wo kɔma, i ni na bila n fɛ.”

Matiyu 6:20

Kɔnɔ wo ni a lamara Arinyɛni tɔ, kɔrɔkɔrɔyɛ anubɛ kisinu ti ke a tinyana kan min. Kankannu ti ke a bila nyɔ,

Luka 12:21

Yisa ko, “Min bɛɛ ye nɔnfuli ladɛnna anu nyɛrɛ ye, a ye wo nya na le wonu ye fanan. Kɔnɔ nɔnfulu-tigi ma anu na Alla yala.”

Luka 12:33

Wo ni wo bolo-fan bɛɛ mayira ka wodi wo di bolo-kolɔnnu ma. Wo ni wodi-bɔrɛnu kara wo nyɛrɛ ye wo si wola wodinu namara minnu tɔ Arinyɛni tɔ. Woe sa anu ma. Fen ti bɔ wola wodinu na. Kankan ti ke a kankanna nyɔ. Kisinu ti a dɔn nyɔ,

Luka 12:39

Wo ni wo hɛnkili to kɛ ko! Ni bon-tigi ya kankan na-wati lɔn ala bɔn la, a ti sɔn kankan ni ala bɔn tinya ka don.

Luka 18:22

Yisa ya kɛ lamɔɛn tumɛ min, a ya a fɔ a ye ko, “A tonɛ ko-kelen-pe le ma gbɛ, ta i bolo-fan bɛɛ fere ka wodi wo di bolo-kolɔnnu ma. I si nɔnfuli sɔrɔn Arinyɛni tɔ. Wo kɔma, i ni na bila n fɛ.”

Luka 18:24

Yisa ya a yen min kɛ ko a yisi ma ara gboya, a ko, “Nɔnfulu-tiginu don-koe Allala mansayɛ rɔ, wo gbɛlɛ de,

1 Timoti 6:17

Nɔnfuli ye minnu bolo duninya kɛ rɔ, i ni wonu makawandi ko anu kana wasi. Anu kana anu yigi sa nɔnfuli kuma iko fen de min bi mɛla. Anu ni anu yigi sa Alla kuma min bi fan bɛɛ dila ma ma foninsereyɛ la ka ma lasewa.

Hiburunu 13:5

Wo ni wo matanka wodi-keni-koe ma. Min bi wo bolo, wo ni wo wasa bawo Alla ara a fɔ ko a ti ma to ka ma boloka ni!