Matiyu 6:16 - ALLALA KUMƐ

¹⁶ “Wo wa sunyɛ don tumɛ min, wo kana wo yakɔrɛ sa-a-rɔ iko nyɛrɛ-mayiralɛnu si a ma nya min. Anu kɛnɛna anu nyɛrɛ makinikinina alako mɔgɛnu ni a lɔn ko anu bi sunyɛ le tɔ. Wo ni wo hɛnkili to kɛ ko! Anu bara ban anu sarɛ sɔrɔnna feu!

Matiyu 6:16 Iomraidhean Croise

2 Samuwɛli 12:16

Mansɛ ya Alla madiya alako dan wo ni kɛndɛya. A ya a ban dɔn-fan la. Su-wo-su, a si ta a sa dugi ma a warɛ bɔn la.

2 Samuwɛli 12:21

Ala mɔgɔ-banu ya a fɔ a ye ko, “Ma kɔndɔ ara fili. Ila dan kirɛ sanɛ wati min, i kɛnɛna dila, ado i ti sɔn fen na. Dan wola sayɛ kɔma, i wara i lasɔ ka fen dɔn kɛ.”

1 Mansɛnu 21:27

Mansa Ehabu ya Marita kumɛ wo lamɔɛn Nɛbi Ilaya bolo min kɛ, a ya ala duruki rafara yisi-tinya bolo ka kasa-kurɛ kiri a la. A ya a ban fen-dɔn-koe ma, a kira sani kasa-kurɛ wo kuma, ado hali a tenbi tagamana, a yisi magboyanɛ.

Nihɛmaya 1:4

N ya wo lamɔɛn nkɛkuna, n ya n sigi ka don diyi-kɛ rɔ. Tele siyaman, n bi diyi kɛ kun na, ado fen-dɔn-sɔgɔ ma n bira. N ya Arinyɛnɛ-Tigi-Alla matara, n ko,

Ɛsita 4:16

“Yahudiya min bɛɛ ye Susa soe kɛ burɔ, i ni wonu kundɛn kan-tina-kelen. Wo ni sunyɛ don ka Alla matara n ye tele sawa su sawa kɔrɔ. Malebɛ nna bonna-wɔli-kɛla-musinu si sunyɛ don ka matarali kɛ fanan. Wo kɔma, n si ta mansɛ taran hali n ya tɔn tinya. Ni n kunyɛ tora-a-rɔ, ale le wo la.”

Yaburi 109:24

Kɔnkɛ ara n kunbelannu tafaga n kɔrɔ sun-donyɛla ko la. N tora n kole gbansan de ma.

Yaburi 35:13

Kɔnɔ n yoge wonu kirayanɛ, n dira anuna ko la kosɛbɛ! N ya kasa-duruki bila n kan la ka n nyɛrɛ lakɔnkɔ anuna ko la. Nna madiyalɛ ma yabilɛ sɔrɔn min kɛ, n tora dila anuna ko la

Yaburi 69:10

N bi n famayigila i ye ka sunyɛ don kɔnɔ hali wo, mɔgɛnu bi n mamɔɛnna.

Daniyɛli 9:3

Woletɔ n ya kasa-kurɛ don n kan na ka n sigi ta-gbangban rɔ bawo n yisi ara tinya Isirɛla mɔgɛnu hakɛla ko la. N ya sunyɛ don ka n Tigi Alla matara n sɛbɛ-kuna-wɛ la. Nta mataralɛ wo rɔ, n ko, “E, n Tigi Alla, ma si i gbiliya bawo i makawara. I sarata min na mabɛ ile tɛma, i ye wo latɔnbagayala. Mɔgɛ min si i keni ka ita tɔnnu bira, ile si wo tigi keni burubukai!

Malakayi 3:14

A ko wo ya a fɔ ko, “Ka Alla bato, fufafuyi le wo la. Ni ma ya ala kumɛnu bira ka a yira ale Mari Sɛnbɛ-Bɛɛ-Tigi la ko ma ara nimisa mala ko-yogomɛnuna ko la, wo si nfen nyinya ma ma?”

Matiyu 6:1

Yisa ko, “Wo wa wuli ko-nyimɛ kɛla tumɛ min, wo ni a ma wo fɛrɛma. Wo kana a ma gbɛ rɔ alako mɔgɛnu ni wo yen. Ni wo ya koe kɛnu ma gbɛ rɔ, wo ti barayi sɔrɔn wo Fa Alla bolo Arinyɛni tɔ.

Matiyu 6:2

“Ni i ye a fɛ ka bolo-kolɔn kɔ, i kana a mayon alako mɔgɛ bɛɛ ni i yen mɔgɛ kɔla iko nyɛrɛ-mayiralɛnu. Wonu denu si wo ma Yahudiya-dina-bɔnnu na anubɛ barɛnu tɔ bawo anu bi a fɛ, mɔgɛnu ni anu matɔgɔ. Wo ni wo hɛnkili to kɛ ko! Wonu bara ban anu sarɛ sɔrɔnna feu!

Matiyu 6:5

“Wo tenbi madiyali kɛla, wo kana a ma iko nyɛrɛ-mayiralɛnu! A di wonu ye ka madiyali kɛ anu kulu-mayɛlɛnɛ la Yahudiya-dina-bɔnnu na anubɛ sere tɛma alako mɔgɛnu ni anu yen. Wo ni wo hɛnkili to kɛ ko! Anu bara ban anu sarɛ sɔrɔnna feu!

Maraka 2:18

Lunyɛ do, Yɔni-Batasi-Kɛlɛla karan-dannu anubɛ Farisinu bi sun-don kun na nun. Mɔgɛ donu nara Yisa wara ka a manyinika ko, “Nfenna Yɔni-Batasi-Kɛlɛla karan-dannu anubɛ Farisinuna karan-dannu bi sunyɛ donna kɔnɔ itɛnu ti sunyɛ don?”

Luka 18:12

Lɔgɔkun-wo-lɔgɔkun, n bi sunyɛ donna tele fila. N bi min bɛɛ sɔrɔnna, n bi wo yaka dila i ma.’

Kɛwɔlɛnu 10:30

Kɔniliyasi ko, “A tele-nani-nyɔgɛ le bi, kɛ-nyɔgɔn-wati le nun gben, n bi madiyali kɛla nna bɔn la tele-makima-wati kɛ rɔ. Kei do nara minna kurɛ ye malan-malanna a ma, wo sɔra n yakɔrɔ.

Kɛwɔlɛnu 14:23

Anu ya mɔgɔ-banu sigi ladɛn kelen-kelennamɛ-bɛɛ la wonu ye. Wo kɔma, anu ya sunyɛ don Alla matara tinɛ ka mɔgɔ-ba wonu dantɛgɛ Mari ma anu yigi sanɛ min tɔ.

1 Kɔrɛnti 7:5

Wo kana wo ban wo nyɔgɔn bolo fɔ ni wo sɔnta wo ma alako wo si fɛrɛ sɔrɔn ka Alla matara wati-ni kɔrɔ nya min. Wo kɔma, wo si taran wo nyɔgɔn fɛ tun alako Setanɛ kana wo kɔrɔbɔ wo nyɛrɛ birabɛlitayɛla ko la.

2 Kɔrɛnti 11:27

N taranta wɔlɔ-wɛ anubɛ yakɔrɔ-mamɔɛ rɔ. N kira n ya-la tuma siyaman. Kɔnkɛ ya n bira. N kan lagbalata. Tuma siyaman, dɔn-fan ma n tabɔ. Yiya sa n bolo. Fɛrɛya-bɔ sa n bolo.

2 Kɔrɛnti 6:5

Mɔgɛnu ya ma gbesi ka ma ladon yele la ka sɔnkɔ layɛlɛ ma ma. Ma wɔlita ha ka a dan-natenbi. Ma si ki ma ya la anubɛ ka ki a la.