Matiyu 6:13 - ALLALA KUMƐ

¹³ I kana sɔn, ma ni don kɔrɔbɔlɛ rɔ fɔ ka ma tanka Setanɛ ma.’

Matiyu 6:13 Iomraidhean Croise

Ko-Dabirɛnu 22:1

Wati tenbinɛ, Alla ya Iburayima kele alako a ni a kɔrɔbɔ. A ya a fɔ a ye ko, “Iburayima.” Iburayima ya a labira, a ko, “O-o.”

1 Mansɛnu 1:36

Bɛnaya sɔnta wo ma. A ko, “N tigi, alamɛ ita Mari Alla ya i kuman-kan wo latɔnbagaya.

1 Ko-Kɔrɔta-Karan 16:36

Tantolɛ ni di Isirɛlata Mari Alla ma ka to a tantola burubukai! Wo kɔma, mɔgɔ damasi ko, “Amina.” Anu ya Mari tanto!

1 Ko-Kɔrɔta-Karan 29:11

E, Mari, i makawara. Sɛnbɛ-tigi anubɛ gbiliya-tigi le ile la. Mansɛ-bɛɛta-mansɛ le ile la. Fan min bɛɛsi ye san-kole anubɛ dugu-kole ma, iletɛ le wonu na. Duninya-bɛɛ-mara-mansɛ le ile la.

1 Ko-Kɔrɔta-Karan 4:10

Yebɛsi wo ya Isirɛlata Alla madiya, a ko, “E, Alla, ita duwɛ layigi n kuma ka do sa nta dugi kuma. To n fɛ ka n tanka ko-yogomɛ ma min si a ma, n ni dumɛ rayen.” A ya Alla matara fan minna ko ma, a ya wo nyinya a ye.

Yaburi 10:16

Mansɛ le Mari la burubukai! Bɛsi-kɔlɛnu si ban ata nyamanɛ rɔ feu!

Yaburi 106:48

Tantolɛ ni di Isirɛlata Mari Alla ma ka to a matɔgɔla burubukai! Mɔgɛ bɛɛ ni a fɔ ko, “Amina!” Tantolɛ ni kɛ Mari ye!

Yaburi 22:28

Mari kelen pe le mansɛ la. Ale le si mɔgɛ bɛɛ mara!

Yaburi 41:13

Ma ni baraka bira Isirɛlata Mari Alla ye. Ma ni a tanto bi ha habadan! Amina! Amina!

Yaburi 47:2

Alla Min Bi Fan Bɛɛ Kun Na, mɔgɛ bɛɛ ni kilan wo la. Duninya kun-na-mansa-makawanɛ le ale la.

Yaburi 47:7

Mansɛ le ale la duninya mumɛ kun na. Wo ni a matɔgɔ bɛti-nyimɛnu na.

Yaburi 72:19

Ma ni to a tɔgɔ-gbiliyanɛ tantola tolon! Alamɛ ata gbiliyɛ ya duninya lafa pen! Amina! Amina!

Yaburi 89:52

Tantolɛ ni to dila Mari ma tolon! Amina! Amina!

Bɔ-Koe-Iyipiti 15:18

Ile Mari si to ila mansayɛ la habadan habadan!”

Hɛnkilimaya-Kumɛnu 30:8

A fɔlɔtɛ, n nabɔ foninya-fɔɛ dafɛ pon! A fila nyɔgɛ, n kana ma fugarɛ la, ado n kana ma bana la fanan. Alako tun, nde ya n beli-koe sɔrɔn.

Yɛrɛmaya 15:21

A ko a si n nakanan wola karagbɛlɛyɛ-masibɛ ma. A si n tanka wola wunduyogoyɛ ma. Ale Mari kan le kɛ la.

Yɛrɛmaya 28:6

N ko, “Sobore! Alamɛ Mari ya wo ma. Alamɛ ila wɔlɔyiya-kumɛ mara tonyɛ la. Alamɛ Mari sɛgira Bato-Bon-miran bɛɛ la anu gbɛ rɔ tun. Alamɛ a sɛgira mɔgɔ-birani-kɔrɛnu na anu barɛnu tɔ.

Daniyɛli 4:25

anu si nde gben mɔgɔni-gbuyinu tɛma alako n ni ta basan sogenu na binyɛ rɔ. A ko san wɔrɔnfila, n bi binyɛ dɔnna iko ninki. A ko n si to kila gbɛkole ma. Duri si to yigila n ma nyɔ. A ko wonu ba ma n na tumɛ min, wo ara a yira n na worɔ ko Alla Min Bi Fan Bɛɛ Kun Na, sɛnbɛ ye wo bolo duninya-mansɛnu kun na. Min ba diya a ye, a si ke le mansayɛ dila wo ma.

Daniyɛli 7:18

Kɔnɔ tɔ-a-la, Alla Min Bi Fan Bɛɛ Kun Na, wola mɔgɔ-sɛnimɛnu si duninyama-kun-tigiyɛ sɔrɔn, ado wo ti bɔ anu bolo muk!’

Matiyu 26:41

Wo ni ki wo ya la ka Alla madiya. Woletɔ nyankankantan wa na, hakɛ kana wo nɔ. Wo sɔn kɛndɛ wo burɔ kɔnɔ wo fɛrɛ-bɔnkɛ ti ko-wo-ko nɔ.”

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Matiyu 5:37

Ni i ko, ‘Ɔn,’ a ni ma ɔn la. Ni i ko, ‘Ade,’ a ni ma ade la. I wa min fɔ wo kɔma, wo bɔnɛ Setanɛ bolo.

Matiyu 6:10

Ila mansayɛ ni na ma kuma. I sako ni kɛ duninya rɔ iko a ye kɛla Arinyɛni tɔ nya min.

Yɔni 17:15

N sa i madiyala ko i ni anu bɔ duninya kɛ rɔ kɔnɔ n bi i madiyala ko i ni anu tanka Setanɛ ma.

1 Kɔrɛnti 10:13

Kɔrɔbɔlɛ wa kɛ wo ma tumɛ min, wo ni wo yili to kɛ ko ko kɔrɔbɔlɔ-su wo duruta kɛla mɔgɔ-gbɛrɛnu fanan na. Alla ti nyina ala lanyiri-kirinɛ ko. A ti sɔn kɔrɔbɔlɛ su-wo-su ni ke wo ma, wo ti min nɔ. Kɔnɔ kɔrɔbɔlɛ wa kɛ wo ma tumɛ min, a si kilɛ yira wo la alako wo si a nɔ nya min.

1 Kɔrɛnti 14:16

I wa baraka bira Alla ye i sɔndɔmɛ la ladɛn kuma, minnu ma kan wo lɔn, wonu si a fɔ kama ko, “Amina?” I ye min fɔla, anu ma wo lɔn.

2 Kɔrɛnti 1:20

Kirasiti le Allata lanyiri bɛɛ lakanbalila. Wo le ya a to, ma ye a fɔla ko, “Amina” Yisa Kirasiti baraka rɔ Allata gbiliyɛla ko la.

Kalesiya 1:4

Kirasiti ya ma Fa Alla sako kɛ ka a nyɛrɛ niyi ni male hakɛ-tiginuna ko la. A ya wo ma alako ma ni hɔrɔya wati-yogomɛ kɛ ma.

Tɔn-Fɔɛ-Fila-Nyɔgɛ 8:16

Wo ye wula-da-rakolɔn tumɛ min, a ya ata biredi di wo ma nyɔ, hali wo benbanu ma min dɔn fɔlɔ nun. Mari ya gbɛlɛyɛ lana wo kuma ka wo kɔrɔbɔ. Wo dama wa tenbi wo kuma tumɛ min, a si ata duwɛ layigi wo kuma worɔ ka wo makoenu nyinya.

Tɔn-Fɔɛ-Fila-Nyɔgɛ 8:2

Wo ni wo miri de Mari sɔra wo yarɔ wula-da-rakolɔn kɛ rɔ san bi-nanɛ kɔrɔ. Mari ya yakɔrɔ-mamɔɛ lana wo kuma ka wo mafɛlɛn ka a lɔn ni wo ye nya min, ni wo si ala tɔnnu bira le.

1 Tɛsalonaika 1:10

Wo ye Allala den Yisa makɔnɔna ko a ni bɔ Arinyɛni tɔ. Alla le ya Yisa kelan wo lawuli ka bɔ furinu tɛma. Allatalata fondo-bɔɛ min bi nala, ale Yisa le ye ma kisila wo ma.

2 Tɛsalonaika 3:3

Wo si ke lala Mari la ko a si wo sɛnbɛ don ka wo tanka Setanɛ ma.

1 Timoti 1:17

Alla min ti faga, a ti yen, ado a ye nyɔ tolon, alamɛ bonya anubɛ gbiliyɛ dira ale kelen pe ma! Amina!

Hiburunu 11:36

Anu ya donu mayɛlɛn ka anu gbesi. Anu ya donu kiri yɔlɔkɛnu na ka anu sa yele la.

1 Pita 5:8

Wo ni wo yɛ laka, ado wo yɛ lakanɛ ni to dɛɛ! Wo yoge, Setanɛ ye wo manɛgɛnna iko yarɛ min bi borondo-borondola. A ye mɔgɛ nyinina, a si min dɔn.

2 Pita 2:9

A melika-yogoma wo, a fɔlɔ-mɔgɔ wo, a Sɔdɔm anubɛ Kɔmɔra kɛnu wo, Mari ya wonu halaki-nya lɔn min kɛ, a ya Allata mɔgɛnu kisi-nya lɔn anuna kɔrɔbɔlɛnu tɔ wo nya na le. A ya a lɔn fanan, a si ko-yogoma-kɛlɛnu mara nya min tɔrɔyɛ rɔ ha kiti-tɛgɛ-lunyɛ.

1 Yɔni 3:8

Ni min bi tola hakɛ kɛla, Setanɛta mɔgɛ le wo tigi la bawo Setanɛ ye hakɛ kɛla kebi fɔlɔfɔlɔ. Allala den Yisa bɔra gbɛ rɔ alako a ni Setanɛta kɛwɔlɛnu tinya feu!

Lankɛnimayɛ 1:18

Nimalamɛ le nde la! N faganɛ le nun kɔnɔ kaka, n bi n niyi la tolon, ado sarati ye n bolo sayɛ anubɛ lakira kuma.

Lankɛnimayɛ 19:1

Wo kɔma, n ya kuman-kan do lamɔɛn iko sɛrɛ-siyaman-wɛ-kan Arinyɛni tɔ. Anu bi a fɔla ko, “Alla tanto! Mata Allatɛ le kisi-koe anubɛ gbiliyɛ anubɛ sɛnbɛ la!

Lankɛnimayɛ 19:4

Kɛmɔgɔ mogan-ni-nani anubɛ dali-fen nanɛ, wonu ya anu sa dugi ma ka Alla bato min mayiginɛ mansaya-sigi-fan rɔ. Anu ko, “Amina! Alla tanto!”

Lankɛnimayɛ 2:10

Wo si na tɔrɔyɛ min sɔrɔn, wo kana kilan wo la. Wo ni wo tole masɔ! Setanɛ si wo donu sa yele la wo kɔrɔbɔ-koe la. Wo si tɔrɔ tele tan kɔrɔ kɔnɔ wo telennɛ ni to n ye ha wo sayɛ wati. Ni wo ya wo ma, n si habadan-nimayɛ di wo ma ka wo barayi.

Lankɛnimayɛ 21:4

A si ya-yi bɛɛ firan anu yɛ la. Saya ti kɛ tun. Yisi-gbala sa tun. Di-kɛ ti kɛ tun. Hali dumɛ, a ti taran. Ko-kɔrɛnu bara tenbi ka tunu yen!”

Lankɛnimayɛ 3:10

N bara a fɔ wo ye ko wo ni wo munyu. Wo ara wo bira min kɛ, nde fanan si wo latanka tɔrɔyɛ wo ma min bi nala duninya bɛɛ kuma. Tɔrɔyɛ wo si mɔgɛ bɛɛ kɔrɔbɔ dugu-kole kuma.

Lankɛnimayɛ 3:14

“I ni kɛdi sɛbɛ ka a lata Leyodisiya-chɔchi-melika ma. “ ‘Nde tɔgɛ le Amina. N bi Allata tonya-bɛrɛ fɔla wati bɛɛ. Alla ya dali-fan bɛɛ dan ka a tɛgɛ nde le ma, ado nta kumɛ le kɛ la.

Lankɛnimayɛ 5:13

Dali-fan minnu bi san-kole rɔ wo, minnu bi dugu-kole kuma wo, minnu bi dugu-kole kɔrɔ wo, minnu bi kɔgɔ-yi rɔ wo, anu bi a fɔla ko, “Ale min mayiginɛ mansaya-sigi-fan rɔ, alamɛ tantolɛ anubɛ bonyɛ anubɛ gbiliyɛ anubɛ sɛnbɛ-ba dira ale anubɛ saga-dan ma habadan!”