Matiyu 6:10 - ALLALA KUMƐ

¹⁰ Ila mansayɛ ni na ma kuma. I sako ni kɛ duninya rɔ iko a ye kɛla Arinyɛni tɔ nya min.

Matiyu 6:10 Iomraidhean Croise

Nihɛmaya 9:6

Wo kɔma, Isirɛla mɔgɛnu ya matarali-kɛ. Anu ko, “Mari, ile le kelen pe ye Mariyɛ la. Ile le kelen pe le ya san-kole anubɛ lolenu dan. Ile le ya dugu-kole anubɛ kɔgɔ-yi dan anubɛ fan min bɛɛ ye anu tɔ. I ya niyi di ma dama ma. Melikanu fanan si anu madu i kɔrɔ ka i bato.

Yaburi 2:6

A ko ale ara ata mansɛ yabɔ. A ya a sigi ata kɔnkɔ-sɛnimɛ kuma Yerusalɛm soe burɔ.

Yaburi 40:8

Nta Alla, a di n ye, n ni i diyana-koe kɛ ka ila karan mara n yisi rɔ.”

Aiseya 2:2

“Wati si na, Marita Bon-Sɛnimɛ sɔnɛ kɔnkɛ min kuma kɛ la, wo si ma kɔnkɔ-layan-bɛ la ka tenbi kɔnkɛ bɛɛsi la mɔgɛ bɛɛ yala. Sibolo-gbɛrɛ bɛɛ si na ke nyɔ.

Yɛrɛmaya 23:5

Mari ko wati ye nala, a ye mɔgɔ-telennɛ do yabɔla Mansa Dawuda kegeyɛ rɔ min si ma mansɛ la. Mansɛ wo si mansayɛ kɛ hɛnkili la ka ko-latelennɛ kɛ nyamanɛ kan-tinɛ bɛɛ rɔ.

Daniyɛli 2:44

“Mansayɛ wonu wati rɔ, Alla min bi Arinyɛni tɔ, wo si na mansayɛ do la min ti ban, ado mɔgɛ ti ke ata mansayɛ bila a bolo. Mansaya-gbɛrɛ ti wo nɔ kɔnɔ ale Alla si mansayɛ doi wonu kasara. Ata mansayɛ si to habadan!

Daniyɛli 4:35

Fenfen ma mɔgɛnu na dugu-kole kɛ ma ale yala. A si melika anubɛ mɔgɛnu namara iko a di ale ye nya na. Mɔgɔ-wo-mɔgɔ ti ke tɔn sigila a ma, ado a ye koe minnu bɛɛsi mala, mɔgɔ-wo-mɔgɔ ti ke a manyinikala wo ma.’

Daniyɛli 7:13

“Nna kiyo kɛ rɔ, n ya fan do yen min muninyanɛ hadama-dan la. A ye nala n magbenna, a lafoonɛ banda-finyɛ la. A tara a sɔ Habadan-Tigi-Alla dafɛ, anu ya a raka wo la.

Daniyɛli 7:27

Alla Min Bi Fan Bɛɛ Kun Na, mansaya-sɛnbɛ anubɛ ala kinyɛ min bi duninya bɛɛ rɔ, a si wo latenbi ala mɔgɔ-sɛnimɛnu ma. A ko anu si to mansayɛ la burubukai! Min sanɛ wo kuma, duninya-mansɛ toenu si wɔlɛ kɛ anu ye ka anu gbiliya.

Sakaraya 9:9

Wole Yerusalɛm kɛnu, wo sewa. Yerusalɛm so-burɔ-mɔgɛnu, wo ni a lawɔyɔ sewɛ bolo. I ma wola mansɛ yen nala wo wara? A ara na nɔ-ko-sɔrɔn la a bolo. Kɔnɔ hali wo, a famayiginɛ ye nala. A siginɛ sofɛli-bulan la.

Matiyu 12:50

N Fa Alla min bi Arinyɛni tɔ, min bi a diyana-koe kɛla, n na-kelen-nyɔgɛ anubɛ n na le wonu na.”

Matiyu 16:28

Wo ni wo hɛnkili to kɛ ko! Donu bi yan, wonu ti faga ha anu ni nde, Hadama-dan, yen nala nta mansayɛ rɔ.”

Matiyu 26:42

Yisa tara tun a kinyama fila nyɔgɛ ka Alla madiya. A ko, “N Fa Alla, ni tɔrɔyɛ kɛ ti ke bɔla n dafɛ fɔ n ba n min a la, ile sako ni kɛ.”

Matiyu 3:2

Yɔni ye a fɔla mɔgɛnu ye nun ko, “Wo ni tubi ka wo kɛ-nyanu yɛlɛma bawo Alla min bi Arinyɛni tɔ, wota mansayɛ ara gbɛrɛn!”

Matiyu 4:17

Ka a fɔlɔ tumɛ wo ma, Yisa ya kawandili-bɔɛ dabira ka a fɔ ko, “Wo ni tubi ka wo kɛ-nyanu yɛlɛma bawo Alla min bi Arinyɛni tɔ, wota mansayɛ ara gbɛrɛn!”

Matiyu 7:21

“Min bɛɛ ye a fɔla ko ata Mari le nde la, wo bɛɛ ti don Allala mansayɛ rɔ fɔ minnu bi n Fa diyana-koenu kɛla, n Fa min bi Arinyɛni tɔ, kɔni.

Maraka 11:10

Alla ni ata duwɛ layigi ma benba Mansa Dawudala mansaya-natoe kuma! Ma ni Alla tanto min bi san-kole rɔ!”

Maraka 3:35

Minnu bi Alla diyana-koe kɛla, n na-kelen-nyɔgɛ anubɛ n na le wonu na.”

Luka 19:11

Minnu tole masɔnɛ a la wulɔn, Yisa ya tili kɛ tɛgɛ wonu ye. Kɛ wati ya a taran, a gbɛrɛnnɛ Yerusalɛm ma. Anu yili ye a ma ko Allala mansayɛ bɔmatoe le gbɛ rɔ.

Luka 19:38

Anu ko, “Allala duwɛ ni to mansɛ wo fɛ min bi nala Mari tɔgɛ rɔ! Yisi-kimɛ ni taran Arinyɛni tɔ. Gbiliyɛ ni di Alla ma san-kole bɛɛ kuma pon!”

Luka 22:42

A ko, “N fa, ni i si sɔn, tɔrɔyɛ kɛ bɔ n kuma kɔnɔ nde sako ma de, fɔ ile sako.”

Yɔni 4:34

Yisa ya a fɔ anu ye ko, “Min ya n sɔ ka ata wɔlɛ lakanbali ka wo sako kɛ, wo le si n buyi lafa.

Yɔni 6:40

N fa diyana-koe le ko min bɛɛ wa nde, ala dan mafɛlɛn ka dɛnkɛninya n ma, wo si habadan-nimayɛ sɔrɔn. Nba, tele-laban-lun, n si anu nawuli ka niyi-kurɛ di anu ma.”

Yɔni 7:17

N bi mɔgɛnu karanna min na, ni minnu bi a fɛ ka Allala diyana-koe kɛ, wo tigi si a lɔn ni Allatɛ le, ni wo ma, ni n bi kumala n nyɛrɛta miriya rɔ.

Kɛwɔlɛnu 13:22

Wota wati tenbinɛ, Alla ya Dawuda ma anuna mansɛ la. Alla ya kɛ le fɔ Mansa Dawudala ko la, a ko, ‘N bara a yen ko Yɛsila dan Dawuda le si n hɛnɛ kati! Wo le si n diyana-koe bɛɛ kɛ.’

Kɛwɔlɛnu 21:14

Ma ma ke ale Pɔli miriya yɛlɛmana. Woletɔ ma ya a madiyɛ boloka ka a fɔ a ye ko, “Alamɛ Mari sako kɛra.”

Kɛwɔlɛnu 22:14

Ananayasi ko, ‘Ma benbanuta Alla ara ile yabɔ ko i ni a lɔn i ye min mala a ye. A ara ile yabɔ alako i ni ala Wɔli-Kɛla-Telennɛ yen ka a kuman-kan fanan namɔɛn.

Romu 12:2

Wo kana wo raya ka wo nyɛrɛ kɛnya duninya kɛ koenu ma fɔ wo ni sɔn ko Alla ni wo sɔndɔmɛ yɛlɛma ka hɛnkili-kurɛ di wo ma. Wo si a ma, wo ni ke Alla sako lɔnna. Alla ye nyinina min ma, wo kin, wo si a diya don a rɔ, ado mɔgɛ ti ke fɛɛ yenna a la.

Ɛfɛsa 6:6

Wo ni wola wɔlɛ kɛ wo sɛbɛ la hali anu kɔma. Wo kana a ma alako anu ni wo matɔgɔ. Wo ni Alla-diyana-koenu kɛ wo yisi bɛɛ la iko wo ye wɔlila Kirasiti ye nya min.

Kɔlɔsi 1:13

A ara ma kisi pinpita sɛnbɛ ma ka na ma la a diyana-danta mansaya-sɛnbɛ kɔrɔ.

Kɔlɔsi 1:9

Wo le ya a to, kebi ma ya wo wara-koe lamɔɛn, ma ye Alla matarala wo ye tumɛ bɛɛ. Ma ye a matarala ko Alla ye min fɛ wo bolo, wo ni wo lɔn. Ma ye a matarala fanan ko a ni Allata Ni-Sɛnimɛta hɛnkili anubɛ ata lɔnnɛ di wo ma.

1 Tɛsalonaika 4:3

ado Alla ye a fɛ, wo ni sɛninya nya min, wo le kɛ la. Wo ni wo matanka yɛlɛnya-koenu na feu!

1 Tɛsalonaika 5:18

Ni ko-wo-ko mara, wo ni baraka bira Alla ye wati bɛɛ, ado Alla ye nyinina wo le ma. Wo ni to wo mala Kirasiti Yisa rɔ.

Hiburunu 1:14

Niyi le melikanu na dɔrɔn. Anu bi wɔlila Alla le ye. A ya anu sɔ alako minnu bi nala kisila, anu ni to wonu dɛnbɛna.

Hiburunu 10:36

Wo ni wo tunadiya alako wo ni Alla sako kɛ. Ni wo ya wo ma, Alla ya lanyiri min kiri, wo si wo sɔrɔn.

Hiburunu 10:7

Wo kɔma, Yisa ko, “E, Alla, i ma n yen, iko a sɛbɛnɛ nna ko la ila kitabu rɔ nya min, n bara na i sako-kɛ-tinɛ.”

Hiburunu 13:21

wo makoe ye min bɛɛ la ka a sako kɛ, alamɛ wo ya wo bɛɛ sɔrɔn. Alamɛ Alla ya ata wɔlɛ kɛ wo sɔndɔmɛ rɔ Yisa Kirasiti baraka rɔ, alako wo ni ma iko a ye nyinina a ma nya min. Nba, gbiliyɛ ni di Kirasiti ma tolon! Amina.

1 Pita 2:15

ado Alla sako le wo la. A ye a fɛ, wo ni yuwaya-kuma-fɔlɛnu dɛ lakiri wola ko-nyimɛnu na.

1 Pita 4:2

Nba, ka a dabira bi ma, ha ka a sigi wo siyi-toe la, wo ni to Alla sako kɛla. Wo kana to wo diyana-koenu dɔrɔn kɛla,

Lankɛnimayɛ 11:15

Wo kɔma, melika wɔrɔnfila nyɔgɛ ya ata buri fɛ. Kuman-kan-wɛnu bɔra Arinyɛni tɔ ko, “Duninya-mansaya-sɛnbɛ ye mata Mari anubɛ ata Mɔgɔ-Yabɔnɛ bolo gbɛ, ado a si mansayɛ kɛ tolon!”

Lankɛnimayɛ 12:10

Wo kɔma, n ya kuman-kan-ba lamɔɛn Arinyɛni tɔ. A ko, “Allata kisi-koe ara na de! Alla ara ala mansaya-sɛnbɛ mayira kaka! Ala Mɔgɔ-Yabɔnɛ ara ata sarati mayira gbɛ, ado ale min bi sɔla Alla yakɔrɔ ka ma na-kelen-nyɔgɔ dɛnkɛninya-mɔgɛnu maburi su-ni-tele, wo la ara fili ka bɔ Arinyɛni tɔ.

Lankɛnimayɛ 19:6

Wo kɔma, n ya nyama-kan-ba lamɔɛn. A manɛ iko wasa-sɛnbɛlamɛ-bɔrɔndɔ-kan. A manɛ fanan iko san-sɛrɛn-bɛ-kan. Wonu bi a fɔla ko, “Alla tanto! Mata Mari Alla Sɛnbɛ Bɛɛ Tigi, Mansɛ le!

Lankɛnimayɛ 20:4

Wo kɔma, n ya mansaya-sigi-fannu yen. Minnu mayiginɛ anu tɔ, Alla ya kiti-tɛgɛ-sɛnbɛ di anu ma. Minnu ya Yisala tonyɛ fɔ ka Allala kawandilɛ bɔ, n ya wonu fanan niyinu yen. Anu ya anu kunyɛnu tɛgɛ a dagɛ rɔ bawo anu ma sogo-feremɛ wonubɛ ala muninyɛ kɔ. Anu ma sogo-feremɛ wola mandan sɔrɔn anu telɛnu ma, ni wo ma, anu bolenu. Anu niyi si sɛgi anu tɔ tun ka mansayɛ kɛ Allata-Mɔgɔ-Yabɔnɛ fɛ san waga kelen kɔrɔ.