Matiyu 6:1 - ALLALA KUMƐ

¹ Yisa ko, “Wo wa wuli ko-nyimɛ kɛla tumɛ min, wo ni a ma wo fɛrɛma. Wo kana a ma gbɛ rɔ alako mɔgɛnu ni wo yen. Ni wo ya koe kɛnu ma gbɛ rɔ, wo ti barayi sɔrɔn wo Fa Alla bolo Arinyɛni tɔ.

Matiyu 6:1 Iomraidhean Croise

2 Mansɛnu 10:16

Mansɛ ya a fɔ a ye ko, “N bara n nyɛrɛ latenbi Mari ma nya min, ile fanan nyɛrɛ ni ta wo rayen.” Anu tara Samariya ala kirindi rɔ.

2 Mansɛnu 10:31

Kɔnɔ Mansa Yehu ma Isirɛlata Mari Allata kumɛ bira a yisi bɛɛ la fɔ ka Mansa Yɛrabowamita kɛ-nyanu bi min ya Isirɛla mɔgɛnu nadon hakɛ rɔ.

Yaburi 112:9

A si fen-siyaman di bolo-kolɔnnu ma. Ala kɛwɔli-nyimɛ ti ban mumɛ! A ma si kawa, ado gbiliyɛ ti dasa a la.

Isikiyɛli 33:31

Woletɔ nta mɔgɛnu bi nala a kinkila nta kumɛ lamɔɛn-koe la i bolo. Kɔnɔ n bi min fɔla anu ye, anu ti wo ma. Keninteyɛ ye anu da-yanbɛ le la kɔnɔ fɔ anu bi kensunyɛ min kɛla darɔ-diyɛ la.

Daniyɛli 4:27

“Ale Daniyɛli ya a fɔ n ye tun ko n ni aleta kawandili-kan bira. A ko n ni fara ko-yogoma-kɛ la. N ni ko-nyimɛ-kɛ dabira. A ko n ni kinikini bolo-kolɔnnu ma. Wo kɔma, a ko tumado, n si taran n diya.

Sakaraya 13:4

Wo wati wa ke, nɛbi-wo-nɛbi ti a nyɛrɛ matɔgɔ ata ko-rayirɛ la. A ti nɛbiya-kasa-bɔrɔ-kurɛnu kɛ a ma alako a kana mɔgɛ yanfa nya min.

Sakaraya 7:5

A ko n ni a fɔ saraka-masɔlɛnu anubɛ mɔgɛ bɛɛ ye ko anu ya sunyɛ don min kɛ ka di a karɛ loli nyɔgɛ anubɛ a karɛ wɔrɔnfila nyɔgɛ ma san bi-wɔrɔnfilɛ kɛ kɔrɔ, anu ma wo kɛ ale Mari ye.

Matiyu 16:27

ado nde, Hadama-dan-natoe le n Fala gbiliyɛ rɔ. Mabɛ nta melikanu bi nala. Nba, n si mɔgɛ bɛɛ sara ala kɛwɔlɛ la.

Matiyu 16:6

Yisa ya a fɔ anu ye ko, “Wo ni a ma wo fɛrɛma Farisinu anubɛ Sadusinuna biredi-yɛlɛ-fanla ko la.”

Matiyu 23:13

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, Alla min bi Arinyɛni tɔ, wo ara ata mansayɛ don-dɛ sɔgɔ mɔgɛnu yarɔ. Kɔnɔ wole fanan ti don, ado mɔgɛ minnu bi anu tayala don-koe ma, wo ti sɔn wonu ni don. [

Matiyu 23:5

Anu si anuna ko-nyimɛ bɛɛ kɛ alako mɔgɛ ni anu yen dɔrɔn! Allala kumɛ min sɛbɛnɛ ata kitabu rɔ, anu bi wo mala lɛsimɔgɛnu na ka wonu kiri anu telɛnu anubɛ anu bolenu ma. Wonu mafɛlɛn! Anuna duruku-yan bunsannu yanyɛ-nya fanan mafɛlɛn!

Matiyu 25:40

“Nde, mansɛ si anu yabi ko, ‘Wo ni wo hɛnkili to kɛ ko! Min dɔgɔ nta mɔgɛnu tɛma, wo ya wo ma wo mɔgɔ kelen na, wo ya a ma nde le la wo la!’

Matiyu 5:16

Iko lɛnpu si waan raka mɔgɛ ma nya min, wo ni wola kɛwɔlɛ yira mɔgɛnu na wo nya na le. Anu si wo kɛ-nya-nyimɛnu yen worɔ ka wo Fa gbiliya min bi Arinyɛni tɔ.

Matiyu 5:46

Ni i ya i diyana-mɔgɛ dɔrɔn keni, i si barayi nyamintan sɔrɔn Alla bolo? Hali duti-makelelɛnu fanan si wo ma!

Matiyu 5:48

Wo ni wo telen iko i Fa Alla min bi Arinyɛni tɔ, wo telennɛ nya min.”

Matiyu 6:16

“Wo wa sunyɛ don tumɛ min, wo kana wo yakɔrɛ sa-a-rɔ iko nyɛrɛ-mayiralɛnu si a ma nya min. Anu kɛnɛna anu nyɛrɛ makinikinina alako mɔgɛnu ni a lɔn ko anu bi sunyɛ le tɔ. Wo ni wo hɛnkili to kɛ ko! Anu bara ban anu sarɛ sɔrɔnna feu!

Matiyu 6:9

“Wo ni madiyali kɛ ka le ko, ‘Ma Fa min bi Arinyɛni tɔ, i tɔgɛ ni sɛninya.

Maraka 8:15

Yisa ya anu makawandi ko, “Wo ni a ma wo fɛrɛma Farisinu anubɛ Mansa Hɛrodita biredi-yɛlɛ-fanla ko la.”

Luka 11:35

A ma i fɛrɛma worɔ ko waan min bi i rɔ, wo kana ma pinpi la.

Luka 12:1

Mɔgɔ waga siyaman nadɛnta anu nyɔgɔn fɛ ha anu tora anu nyɔgɔn matenna. Yisa kumara ala karan-dannu fɔlɔn ye ko, “Wo ni a ma wo fɛrɛma Farisinuna biredi-yɛlɛ-fanla ko la. N bi min ma, wo le, anuna kolandiyɛ la.

Luka 12:15

Wo kɔma, a ya a fɔ anu dama ye ko, “Wo ni a ma wo fɛrɛma wasabɛlɛnuna ko la bawo mɔgɔ niyi ti suma ka a bɛn a bolo-fannu ma, hali a bananyara nya bɛɛ ma.”

Luka 16:15

Yisa ya a fɔ anu ye ko, “Minnu bi anu nyɛrɛ yen-nya rabɛnna mɔgɛnu yala, wole le wonu na kɔnɔ Alla ya wo burɛ lɔn, ado mɔgɛ ye a mirila min ma ko a kolo, kisimiriya-koe le wo la Alla yala.

Yɔni 12:43

Mɔgɔta matɔgɔlɛ di anu ye Allata matɔgɔlɛ ko.

Yɔni 5:44

A di wo ye wo ni matɔgɔlɛ sɔrɔn wo nyɔgɔn bolo kɔnɔ wo sa wo rayala ka matɔgɔlɛ sɔrɔn Alla kelen pe bolo. Wo si ke lala nde la kama worɔ?

Kɛwɔlɛnu 3:12

Pita ya mɔgɛ wonu nadɛnnɛ yen tumɛ min, a ya a fɔ anu ye ko, “N ta-nyɔgɛ Isirɛla kɛnu, wo ye kawala kɛ ma kama? Wo ye tola ma mafɛlɛnna nfenna? Wo ya a lɔn ko ma nyɛrɛta sɛnbɛ le ya a lakɛndɛya, wa? Ma nyɛrɛta sɛnbɛ anubɛ sɛninyɛ ma a ma, kei kɛ ye tagamana de!

Kalesiya 6:12

Minnu bi a fɛ ka wo fɔrɔsɛ alako wo ni kemininya, wonu bi anu nyɛrɛ-matɔgɔ-koenu denu tɔ. Anu sa a fɛ, anu ni tɔrɔyɛ sɔrɔn Kirasiti-faga-kawandili dɔrɔn fɔɛla ko la.

Tɔn-Fɔɛ-Fila-Nyɔgɛ 24:13

Wura-wo-wura, a si ala duruki wo lasɛgi a tigi ma, a ni to a donna a kan na. Sɔgɔma, a ni a don a ta-nyɔgɛ wo bolo. Wo ko-sunu si ma Mari anubɛ bolo-kolɔn wo diyana-koe la.

Hiburunu 11:26

A ya a lɔn ko ka tɔrɔ Kirasitila ko la, wo tɔnɛ kolo Iyipiti nɔnfuli bɛɛ ko. A ya a yɛ sɔ barayi-natoenu na.

Hiburunu 2:1

Wo le ya a to, ma ara tonyɛ minnu namɔɛn, ma ni wonu bira gben! Wo si a ma, ma ti porokɔlɔ ka bɔ a rɔ.

Hiburunu 6:10

Alla telenta. Wo ya wo ta-nyɔgɛnu dɛnbɛ ka keninteyɛ yira anu na min kɛ, ale Alla ti nyina wo ko, ado ha bi, wo ye wo ta-nyɔgɛnu dɛnbɛna.

2 Yɔni 1:8

Wo ni a ma wo fɛrɛma worɔ. Ma ya min kɛ wo ye nun alako wo kana foo a la fɔ ni wo ya wo barayi-kanbalinɛ sɔrɔn.