Matiyu 5:7 - ALLALA KUMƐ

⁷ Mɔgɔ-sewanɛ le wo mɔgɛ la min bi kinikinina donu ma bawo Alla si kinikini ale fanan ma!

Matiyu 5:7 Iomraidhean Croise

2 Samuwɛli 17:28

Mansa Dawuda bɛnta mɔgɔ sawɛ minnu na kɛ la, fenfen sa anu bolo fɔ dɔn-fen-sa-mirannu, anubɛ bɔnku-dagɛnu, anubɛ burun-kurɛnu anubɛ dɔn-fannu. Anu ya wonu damasi di Dawuda anubɛ ala kɛlɛ-dannu ma. Anu nara minnu na, wo le kɛnu na, fui-fen-subolo fila wo, dɛgɛ-munke wo, buyi wo, sɔsɔ-mɛsɛ wo, liyi wo, fɛnɛ wo, nono-tagbalanɛ wo, anubɛ sagɛ donu. Anu ya wonubɛ miran wonu di Mansa Dawudanu ma bawo anu ya a lɔn ko anu kan la si gbala le. Kɔnkɛ fanan si anu bira le wulɛ rɔ, ado anu si bandan de fanan.

2 Samuwɛli 22:26

“Ni min ya a telen Mari ye, Mari si a telen wo tigi ye. Fɛɛ sa mɔgɛ min na, ale si ko-nyimɛ le dɔrɔn kɛ wo ye.

Yaburi 112:4

Waan ra si ka pinpi-fin-bɛ rɔ mɔgɔ-nyimɛ ye. Wo ra si ka mɔgɔ-hinante anubɛ telennɛ fanan ye.

Yaburi 112:9

A si fen-siyaman di bolo-kolɔnnu ma. Ala kɛwɔli-nyimɛ ti ban mumɛ! A ma si kawa, ado gbiliyɛ ti dasa a la.

Yaburi 18:25

Ni min ya a telen Mari ye, Mari si a telen wo tigi ye. Fɛɛ sa mɔgɔ min na, ale si ko-nyimɛ le dɔrɔn kɛ wo ye.

Yaburi 37:26

A si mɔgɔ kɔ tuma-wo-tuma ka anu dɔndɔ fanan. Ala dannu si a ma, a ni sewa.

Hɛnkilimaya-Kumɛnu 11:17

Mɔgɛ min si hina mɔgɛ la, a si tɔnɛ sɔrɔn ala hinanteyɛ rɔ kɔnɔ kinikinibɛlɛ si bɔnɔ ala karagbɛlɛyɛ rɔ.

Hɛnkilimaya-Kumɛnu 11:25

Hinante si to fan sɔrɔnna tuma-wo-tuma, ado mɔgɛ min si a ta-nyɔgɛ dɛnbɛ, wo fanan si a sɔrɔn duk!

Hɛnkilimaya-Kumɛnu 14:21

Ni min ya a yɛ layigi a sigi-nyɔgɛ ma, wo tigi ara hakɛ kɛ. Kɔnɔ ni mɔgɔ-wo-mɔgɔ ya ko-nyimɛ kɛ bolo-kolɔn ye, wo tigi si barayi sɔrɔn.

Hɛnkilimaya-Kumɛnu 19:17

Ni mɔgɛ ya fen di bolo-kolɔn ma, a si ma iko a ara Mari le dɔndɔ bawo wo le ye fen-dilɛ sarala.

Aiseya 57:1

Telenbagɛnu bi fagala kɔnɔ mɔgɛnuna ko sa anuna ko rɔ. Alla wa mɔgɔ-nyimɛnu niyi bi tumɛ min, mɔgɛnu ti a lɔn Mari le wara anu bɔ ko-yogomɛnu da kun tɔ.

Daniyɛli 4:27

“Ale Daniyɛli ya a fɔ n ye tun ko n ni aleta kawandili-kan bira. A ko n ni fara ko-yogoma-kɛ la. N ni ko-nyimɛ-kɛ dabira. A ko n ni kinikini bolo-kolɔnnu ma. Wo kɔma, a ko tumado, n si taran n diya.

Hoseya 1:6

Koma anubɛ Nɛbi Hoseya ya dan fila nyɔgɛ min sɔrɔn, wo mara dunmusi la. Mari ya a fɔ Nɛbi Hoseya ye ko, “I ni a tɔgɔ sa ‘Hinabɛlɛ’ bawo n ti keninteyɛ yira Isirɛla mɔgɛnu na tun, kuma sa anu makoto-koe ma.

Hoseya 2:1

Wo tumɛ wa ke, wo si wo ta-nyɔgɛ Isirɛla mɔgɛnu kele ko, “Allatɛ” anubɛ “Mari ara hina minnu na.”

Hoseya 2:23

N si nta mɔgɛnu fui nyamanɛ wo rɔ ka anu bara-koe lata yarɔ. N ya a fɔ minnu ma ko, “Hinabɛlɛnu,” n si hina wonu na. N ya a fɔ minnu ma ko, “Nta ma,” n si a fɔ wonu ma ko, “Nta mɔgɛ le kɛnu na.” Wonu fanan si a fɔ ko, “Mata Alla le ile la.”

Maika 6:8

Nɛbi Maika ko, “Ma si min ma wona, Mari ara wo fɔ ma ye nun. A ye nyinina minnu ma ma bolo, wo le kɛnu na. A dabira fɔlɔtɛ, a ko ma ni ko-latelennɛ kɛ. A fila nyɔgɛ, ma ni ma nyɔgɔn keni anubɛ Alla. A sawa nyɔgɛ, ma ni Alla diyana-koenu kɛ gbiliyɛ rɔ.

Maraka 11:25

Kɔnɔ wo wa sɔ madiyali-kɛ-tinɛ, ni min diminyanɛ mɔgɛ do ma, a ni a makoto. Woletɔ wo Fa Alla min bi Arinyɛni tɔ, wo si wo hakɛnu makoto. [

Luka 6:35

Wo ni wo yogenu keni ka ko-nyimɛ kɛ anu ye. Wo ni anu dɔndɔ, hali wo ma wo hɛnkili lamiri fen-sɔrɔn-koe ma anu bolo tun. Wo si barayi-ba sɔrɔn. Alla min bi Fan Bɛɛ Kun na, wo si ma ale Allata dannu na, ado Alla ye ko-nyimɛ kɛla fisiriwɔlɛnu anubɛ wunduyogenu ye.

Romu 11:30

Fɔlɔ-nun, wole sibolo-gbɛrɛnu ma Allala kumɛ bira kɔnɔ kaka, wo ara Allala kinikinɛ sɔrɔn bawo Yahudiyanu ma ala kumɛ bira.

1 Kɔrɛnti 7:25

Nba, kemini-pose, anubɛ sunkurun-posenu, a bɛnta, wole si min ma, Alla ma wo fɔ n ye kɔnɔ n si nta miriya fɔ wo ye, ado Marita kinikini-wɛ ara a ma, n ba kumɛ min fɔ, mɔgɛnu si ke lala wo la.

2 Kɔrɛnti 4:1

Alla ara kinikini ma ma ka kawandili-bɔ-wɔlɛ kɛ di ma ma. Woletɔ ma ti kuri.

Ɛfɛsa 4:32

Wo ni wo nyɔgɔn bira a nyimɛ la ka wo nyɔgɔn makoto iko Alla ara wo makoto nya min Kirasiti baraka rɔ.

Kɔlɔsi 3:12

Allala mɔgɛ le wole la. A ara wo keni ka wo yabɔ a nyɛrɛ ye. Woletɔ wo ni kinikinɛ anubɛ nyimayɛ anubɛ famayigiyɛ anubɛ dinyɛ anubɛ munyɛ don wo ma.

1 Timoti 1:13

N bara kuma-yogomɛ fɔ Alla ma nun ka ala mɔgɛnu kɛlɛ hali ka wunduyogoyɛ sigi anu na. Kɔnɔ Alla kinikinita n ma bawo n ya wo bɛɛ kɛ dɛnkɛninyabɛlitayɛ le tɔ. N bi min kɛla nun, n ma wo lɔn.

1 Timoti 1:16

Alla kinikinita nde ma min kɛ, a ye nyinina ka a yira ko Yisa Kirasiti ya a munyu n kɔrɔ nya min, wo si a ma, minnu bɛɛsi lara a la, a ni a munyu wonu fanan kɔrɔ. Nde min mara hakɛ-tiginuna mansɛ la, a ya n ma misalɛ la bɛɛ ye alako mɔgɛnu si dɛnkɛninya a ma nya min ka habadan-nimayɛ sɔrɔn.

Hiburunu 4:16

Ma ni na ma sɔ Alla yakɔrɔ yisi-latɛgɛ la. Ma si kinikinɛ anubɛ hinɛ sɔrɔn nyɔ le. Ma makoe wa bila fenfen na tumɛ min, a si ma dɛnbɛ wo la.

Hiburunu 6:10

Alla telenta. Wo ya wo ta-nyɔgɛnu dɛnbɛ ka keninteyɛ yira anu na min kɛ, ale Alla ti nyina wo ko, ado ha bi, wo ye wo ta-nyɔgɛnu dɛnbɛna.

Yemesi 2:13

Alla tenbi kinikinibɛlɛnu kitila tumɛ min, a ti kinikini wonu ma. Kɔnɔ kinikini tigi wa sɔ kiti tɛgɛ tinɛ, Alla si kinikini wo tigi ma.

Yemesi 3:17

Kɔnɔ hɛnkili min bɔnɛ san ma, a fɔlɔtɛ ye min na, a sɛnima. A yisi-kimanɛ fanan. A dinyanɛ. A madiya-koe ma gbɛlɛ. A fanɛ kinikinɛ la. A ye kɛwɔli-nyimɛnu kɛla. A ti lafisayalɛ kɛ. A ti a nyɛrɛ kɔrɔta.

1 Pita 2:10

Fɔlɔ-nun, Allala mɔgɔ ma wo la kɔnɔ kaka, wo ara ma ata mɔgɛnu na. Fɔlɔ-nun, wo ma Allala kinikinɛ lɔn kɔnɔ kaka, wo ara ala kinikinɛ sɔrɔn.