Matiyu 5:39 - ALLALA KUMƐ

³⁹ Kɔnɔ kaka, n bi a fɔla wo ye ko min ba ko-yoge ma i la, i kana i tayili sara. Min ba i dɛ fan kelan ratii, i ni doi fanan tintan a la, a ni wo bɛrɛn tatii.

Matiyu 5:39 Iomraidhean Croise

1 Mansɛnu 22:24

A ban kɛ fɔla, Nɛbi Sɛdɛkaya tara a dɛ ratii, pɔ! A ya a fɔ a ma ko, “Marita sɛnbɛ ya nde boloka muntuma ka ta kuma ile ye?”

Yobu 16:10

Mɔgɛnu bi anu dɛ murundula-a-la n ma. Anu bi n dɛ le tatiila. Anu bi kɛla n ma nya-kun-kelen.

Hɛnkilimaya-Kumɛnu 20:22

Mɔgɔ kana a tayili sara. I ni dinya Mari kɔma, ale si ila koe bɛɛ latelen i ye.

Hɛnkilimaya-Kumɛnu 24:29

Mɔgɔ kana a tayili sara a ta-nyɔgɛ la. I kana a fɔ ko, “Kɛ ya min ma n na, n si wo fanan ma ale la gben!”

Aiseya 50:6

N bara n wasa don n fɛrɛ rɔ n gbesilɛnu ye. Min bi n da-buyɛ mawurunna, n ya n dɛ lata wonu bara la. Anu bi n mayɛlɛnna ka anu nɔgɔ-yi kɛ n ma kɔnɔ n ma n yakɔrɛ bɔ anu kɔrɔ.

Nimisa Koe 3:30

Hali anu ya gbesili anubɛ mɔɛn sigi ma ma, ma si ma munyu wonu kɔrɔ.

Saraka-Masɔlɛnuta Tɔnnu 19:18

Ni mɔgɛ do ya ko-yogomɛ ma i la, i kana i tayili sara a la. I kana ala ko sigi i burɔ. Kɔnɔ yanni mɔgɛ ni wo sufa ma, a ni a ta-nyɔgɛ keni iko a nyɛrɛ. Nde, wota Mari Alla ya kɛ le fɔ wo ye.

Maika 5:1

“Kɔnɔ kaka gbɛ, wo ni wola kɛlɛ-dannu nadɛn kan-tina-kelen bawo ma yogenu bara na bui ma ma ka ma kɛlɛ. Anu bara Isirɛla mansɛ dɛ ratii a kɔrɔ-sɔ-sewuri la.”

Matiyu 5:40

Ni mɔgɛ ya ila duruku-kɔrɔ-donyɛ bi i bolo min dɛ ma gbɛlɛ kiti sa tinɛ, i ni a kumabilɛ fanan di a ma min dɛ gbɛlɛ.

Luka 22:64

Anu ya a yɛ lakiri ka a manyinika ko, “Ile nɛbi, yon bara i gbesi wo la?”

Luka 6:7

Tɔn-karan-mɔgɛ donubɛ Farisinu bi a fɛ ka Yisa maburi tɔn-tinyɛla ko la. Woletɔ anu ya anu yɛ bɛn a ma ni a si mɔgɛ lakɛndɛya Sulen-Tele ma.

Yɔni 18:23

Yisa ya a yabi ko, “Ni n bara koe do fɔ min ma telen, wo fɔ mɔgɛ bɛɛ ye yan. Kɔnɔ ni n ya tonyɛ le fɔ, i ye n gbesila nfenna worɔ?”

1 Kɔrɛnti 6:7

Wo ye wola kitinu sala duninya-kiti-tɛgɛlɛnu kɔrɔ min kɛ, wo ara a yira wo la ko dɛnkɛninyabɛlɛnu bara wo nɔ feu! Hali anu bagara wo ma, wo ma fisa? Nfenna wo ti sɔn anu ni wo kensunya?

1 Tɛsalonaika 5:15

Wo kana sɔn, mɔgɔ-wo-mɔgɔ ni ko-yoge sara ko-yoge la. Tuma-wo-tuma, wo ni to ko-nyimɛ kɛla wo nyɔgɔn ye anubɛ mɔgɛ bɛɛ.

Hiburunu 12:4

Wo ma hakɛ kɛlɛ wɛ, ha ka faga wola ko la.

Yemesi 5:6

Wo ara mɔgɔ-magbalanɛnu yiliki ka anu faga. Sɛ sa anu ye ka wo kɛlɛ.

1 Pita 3:9

Wo kana ko-yogomɛ sara ko-yogomɛ la. Ni min ya wo mɔɛn ka wo lafɛya, wo ni duwa wo tigi ye bawo Alla le ya wo kele alako wo ni duwa mɔgɛnu ye. Ni wo ya wo ma, Alla si ata duwɛ layigi wole fanan kuma.