Matiyu 5:22 - ALLALA KUMƐ

²² Kɔnɔ nde ye a fɔla wo ye kaka ko min ba diminya a na-kelen-nyɔgɛ ma, mɔgɔ-banu si wo mɔgɛ kiti. Min ba a fɔ a ta-nyɔgɛ ma ko, ‘Fenfen ma ile la,’ mɔgɔ-banu si wo kiti. Min ba a fɔ a ta-nyɔgɛ ma ko, ‘Ile kun-takolɔn,’ wo tigi ye nyahanama-tɛ-kilɛ le ma.

Matiyu 5:22 Iomraidhean Croise

Ko-Dabirɛnu 37:4

A na-kelen-nyɔgɛnu ya a yen tumɛ min ko anu fa ara ale keni ka tenbi anu dama la, anu ya a makeliya ka a magboya. Anu ma anu ya-nyimɛ yira a la tun.

2 Samuwɛli 16:7

A ya Mansa Dawuda mamɔɛn dabira tun. A ko, “I bɔ yan! Ile mɔgɔ fagalɛ, ko-yogoma-kɛlɛ.

2 Samuwɛli 6:20

Mansa Dawuda fanan tara ala bɔn la ka ta ala mɔgɛnu kɔndɔn. Ala musi Mikali nara a taran. A ya a fɔ ala kei ma ko, “Isirɛla mansɛ ara tɔgɔ sɔrɔn bi. A ara a nyɛrɛ gbu makolonya ala mɔgɔ-banuna yɔɔn-musinu yala iko yuwɛ.”

1 Mansɛnu 21:4

Mansa Ehabu diminyanɛ sɛgira a warɛ bɔn la ka a tɛgɛ kumɛ wo ma Nebɔti ara min fɔ a ye. A ya a sa ala sofa rɔ ka a ya-lamunun dandan la. A ya a ban fen-dɔn-koe ma yisi-tinya bolo.

2 Ko-Kɔrɔta-Karan 16:10

Mansa Esa diminyara nɛbi wo ma ha a ya a sa banba la. A donta ko-yogoma-kɛ la ata mɔgɛ donu na wo wati rɔ.

2 Ko-Kɔrɔta-Karan 19:5

A ya kiti-salɛnu yabɔ so-latankanɛ bɛɛ rɔ Yuda nyamanɛ rɔ.

Nihɛmaya 5:8

N ya a fɔ anu ye ko, “Ma ara ma raya nun ka ma na-kelen-nyɔgɛnu kunka sibolo-gbɛrɛnu bolo. Kɔnɔ kaka, wo ye wo na-kelen-nyɔgɛ Yahudiyanu fɔrɔsɛla ka anu nyɔgɔn mayira wo ma.” Kun-tiginu ya a sigi-a-la don! Anu ma ke fenfen fɔla.

Yaburi 109:3

ka kuma-yogomɛnu fɔ n bara-koe rɔ. Anu bi kɛla n ma fu! N ma kɔrɛ yen a la.

Yaburi 14:1

Kun-takolɔn kɛnɛna a fɔla a nyɛrɛ ma ko, “Alla-wo-alla sa nyɔ.” Anu denu bi ko-yogomɛ-gbansan de mala. Anu bara karagbɛlɛyɛ lafafa. Hali mɔgɔ-den-kelen sa anu tɔ min si ko-nyimɛ kɛ.

Yaburi 25:3

Min lanɛ i la a nya-bɛrɛbɛrɛ ma, i ti wo tigi baya mumɛ! Kɔnɔ minnu bi murutiyala ile ma, wonu bolo-labiranɛ si to.

Yaburi 35:19

N gboyanɛ n yoge minnu ye, kɔrɔ sa a la, i kana sɔn, wonu ni wasi n kuma. N yisi tinyanɛ wati min, i kana sɔn, n yogenu ni yɛlɛn n ma.

Yaburi 37:8

I fara yisi-bɔɛ la. I kana hɔn fanan bawo wonu si i don hakɛ rɔ.

Yaburi 49:10

Mɔgɛ bɛɛ ya a lɔn ko hɛnkilimɛ si faga. Kun-takolɔn fanan si na faga. Anu dama si anuna nɔnfuli wonu to anuna dannu bolo anu kɔma.

Yaburi 69:4

N sɔgɔ labɔnɛ minnu na, n ma ko ma minnu na, wonu siya n kun-sigi ko. N yogenu bi tɔgɛ sala n na. Anu tagbɛlɛ n ko, ado n faga-sɔgɛ ye anu na. N ma fan minnu bi, anu bi n fɔrɔsɛla ko n ni wonu nasɛgi.

Yaburi 92:6

Kun-takolɔn ti wo nya-yen hali! Ko-nya-yenbɛlɛ ti wo nya-yen.

Hɛnkilimaya-Kumɛnu 14:16

Hɛnkilimɛ si kilan Mari la, a ni a bole bɔ ko-yogomɛ rɔ. Kɔnɔ kun-takolɔn ti a miri ko-ladan tinɛ. A kunyɛ wa wuli koe min na, a ye wo le ladanna.

Hɛnkilimaya-Kumɛnu 18:6

Kun-takolɔn darɔ-kan si nanparan lana a nyɛrɛ kuma, ha anu ni a gbesi.

Yɛrɛmaya 17:11

Kona wa kɛwɔli do latii ale ma min sa, wo mani de iko mɔgɛ wa ma-a-la kensunteyɛ rɔ. Mɔgɛ wo siyi wa tala a tɛma, ala nɔnfuli bɛɛ si ban. Yanni a siyi ni ban, bɛɛ si a lɔn kuntan la.

Nimisa Koe 3:52

N yogenu bi yili lasigila n ye iko kona. N ma n gboya-kunya yen anu bolo.

Daniyɛli 3:13

Mansɛ ya wo lamɔɛn tumɛ min, a yisi bɔra dɔgɔma-ma-de! A ya a fɔ anu ye ko, “Wo ta mɔgɔ sawɛ wonu kele.” Mɔgɔ sawɛ wonu nanɛ,

Daniyɛli 3:19

Mansɛ ya kumɛ wo lamɔɛn tumɛ min, a yakɔrɔ rapinpira diminyɛ bolo. Ale mansɛ ya a fɔ ala wɔli-kɛlɛnu ye ko anu ni tɛ wo ladɛn. A wuyan ni tenbi a fɔlɔtɛ la pirr!

Hɔbadaya 1:10

Mari ko tɔrɔyɛ bɛɛ si na wo kuma kamasɔrɔn wo ara wo na-kelen-nyɔgɛnu Yakoba kegeyɛnu kankan ka anu faga. Woletɔ a ko wole Idɔm mɔgɛnu si yarabiyi sɔrɔn ka halaki pɔɔ!

Hɔbadaya 1:12

Wo yɛlɛnta wo na-kelen-nyɔgɛnu ma wo tumɛ anu bi nanparan rɔ, ado wo ma kin. Wo sewara wo tumɛ anu bi kasarɛ rɔ, ado wo ma kin. Wo ya sarandɛ ratii wo tumɛ wo na-kelen-nyɔgɛnu bi tɔrɔyɛ rɔ, ado wo fanan ma kin mumɛ!

Matiyu 10:17

Wo ni a ma wo fɛrɛma bawo mɔgɛ donu bi nyɔ minnu si wo bira ka ta wo la kiti tɛgɛ tinɛ. Anu si wo gbesi Yahudiya-dina-bɔnnu na.

Matiyu 10:28

Minnu si ke fɛrɛ-bɔnkɛ fagala kɔnɔ a ti ke niyi fagala, wo kana kilan wonu na. Wo ni kilan Alla la bawo wo si ke niyi anubɛ fɛrɛ-bɔnkɛ le kɛla nyahanama rɔ nya-kun-kelen.

Matiyu 12:24

Farisinu ya wo lamɔɛn tumɛ min, anu ya a fɔ nyama ye ko, “A ye nyinɛnu gbenna bawo sɛnbɛ wo bɔnɛ nyina-kun-tigi bolo, Biyɛsiba, kɔni.”

Matiyu 17:5

Pita ye kumɛ wo fɔɛ la tumɛ min, san-kolo-ninɛ tenbira anu kuma. Kuman-kan bɔra san-kole rɔ fanan. A ko, “N nyɛrɛ diyana-dan le kɛ la min bara n hɛnɛ feu! Wo ni wo tole masɔ a la!”

Matiyu 18:21

Wo kɔma, Pita nara Yisa wara ka a manyinika koe do ma. A ko, “Mari, ni n na-kelen-nyɔgɛ tora hakɛ kɛla n na, n ni a makoto iko yili? Kinyama wɔrɔnfila, wa?”

Matiyu 18:35

Nba, Yisa ko, “Ni wo kelen-kelennamɛ-bɛɛ ma wo na-kelen-nyɔgɛ makoto wo yisi bɛɛ la, n Fa Alla min bi Arinyɛni tɔ, wo fanan si wo bira wo nya le.”

Matiyu 23:15

“Gbalo-belebele ye wole tɔn-karan-mɔgɛnu anubɛ Farisinu kuma! Wole nyɛrɛ-mayiralɛnu, wo si kɔgɔ-yi tɛgɛ ka ta nyamanɛ bɛɛ rɔ alako mɔgɔ-kelen-bɛrɛn si tubi ka don wola dina rɔ. Wo wa a sɔrɔn tumɛ min, wo si ale ma nyahanama-mɔgɛ la ka tenbi wo nyɛrɛ la!

Matiyu 23:33

Wo sɔn yogo iko duguma-fannu anubɛ duguma-fen-dannu! Wo si kisi nyahanama ma kama?

Matiyu 25:41

“Wo kɔma, minnu bi n maran rɔ, n si a fɔ wonu ye ko, ‘Wo ni wo bɔ n fɛ, wole min bi Allala dankɛ kɔrɔ! Wo ta habadan-tɛ rɔ min tabɛnnɛ Setanɛ anubɛ ata melikanu ye!

Matiyu 26:59

Saraka-masɔla-wɛnu anubɛ Yahudiya-kɛmɔgɛ bɛɛ ya anu taya ka foninya-sereyɛnu nyini Yisa kan ma anu si a faga minna ko la.

Matiyu 3:17

Wo kɔma, kuman-kan bɔra Arinyɛni tɔ, a ko, “N nyɛrɛ diyana-dan le kɛ la min wara-koe ara n hɛnɛ feu!”

Matiyu 5:34

Kɔnɔ kaka, n bi a fɔla wo ye ko wo kana wo gboro Arinyɛni tɔ bawo Allata mansaya-waganɛ le wo la.

Matiyu 5:44

Kɔnɔ kaka, n bi a fɔla i ye ko i ni i yogenu keni ka madiyali kɛ anu ye, hali minnu sa i birala a kin na!

Maraka 14:55

Saraka-masɔla-wɛnu anubɛ Yahudiya-kɛmɔgɛ bɛɛ ya anu taya ka foninya-sereyɛnu nyini Yisa kan ma anu si a faga minna ko la. Kɔnɔ anu ma ko-wo-ko yen a ya min tinya.

Maraka 15:1

Tiriyante wo rɔ, subaga-dɛ ma, saraka-masɔla-wɛnu anubɛ Yahudiya-kɛmɔgɛnu anubɛ tɔn-karan-mɔgɛnu anubɛ mɔgɔ-ba-toe bɛɛ ya anu nyɔgɔn nadɛn ka sɔn Yisa faga-koe ma. Anu ya Yisa kiri ka ta a don Pailɛti bolo.

Luka 12:5

Wo ni kilan min na, n si wo yira wo la. Wo ni kilan Allatala la bawo sɛnbɛ ye a bolo ka wo niyi bi, wo kɔma, a ni wo lakɛ nyahanama rɔ. Ɔnde, n bi tonyɛ le fɔla wo ye, wo ni kilan wo la!

Luka 22:66

Banda-ka-dɛ ma, Yahudiya kɛmɔgɛnu, saraka-masɔla-wɛnu anubɛ tɔn-karan-mɔgɛnu, wonu ya anu nyɔgɔn nadɛn. Anu nara Yisa la anu yakɔrɔ.

Yɔni 11:47

Woletɔ Farisinu anubɛ saraka-masɔla-wɛnu ya Yahudiya mɔgɔ-ba wonu nadɛn. Anu ko, “Ma si nfen ma? Kei kɛ ye kabana-ko-wɔlɛ min bɛɛ kɛla,

Yɔni 15:25

ado fɔ a ni ma wo nya na le alako min sɛbɛnɛ anuta tɔn rɔ, wo ni bɔ-a-la. A sɛbɛnɛ ko, ‘N gboyara anu ye, a kɔrɔ-wo-kɔrɔ sa a la.’

Yɔni 7:20

Nyama ya a yabi ko, “Nyinatoe le ile la! Yon bi a rayala i faga-koe ma?”

Yɔni 8:48

Yahudiyanuna kun-tiginu ya Yisa manyinika ko, “Ma ya a fɔ min kɛ ko Samariya kɛ le ile la, ko nyinatoe le ile la, ma ma tonyɛ le fɔ wo la, wa?”

Kɛwɔlɛnu 17:18

Ɛpikuriyannu anubɛ Sitowikanuna karan-mɔgɛ donu ya a sɔsɔ. Donu ko, “Karanbɛlɛ nyɛrɛ-mayiralɛ kɛ ye a rayala ka nfen fɔ?” Donu ko fanan, “A manɛ iko a ye kumala mɔgɔ-gbɛrɛnuna allanuna ko la.” Anu ya kɛ fɔ bawo Pɔli ye kawandili bɔla Yisala ko la nun anubɛ mɔgɔ-lawuli-koe ka bɔ furinu tɛma.

Kɛwɔlɛnu 22:30

Yahudiyanu ya Pɔli maburi minna ko la, kun-tigi-ba wo ye a fɛ ka wo lɔn, yɔ! Woletɔ wo banda kɛ, a ya yɔlɔkɛnu bɔ Pɔli ma. A ya a fɔ saraka-masɔla-wɛnu ye ko anubɛ anuna kun-tigi dama ni na ladɛn kɛ. Wo kɔma, a tara Pɔli la anu yakɔrɔ.

Kɛwɔlɛnu 23:1

Pɔli ya Yahudiyanuna kun-tiginu mafɛlɛn sin! A ko, “N kɔrɔnu! N bara wɔlɛ min bɛɛ kɛ Alla yala, fɛɛ sa n na wo la feu! Ha bi, n sɔndɔmɛ ma n yiliki ko-yogomɛ kɛla ko la hali!”

Kɛwɔlɛnu 24:20

ado n sɔra Yahudiyanuta kun-tiginu yakɔrɔ tumɛ min, ni n yilikira ko-yogomɛ dola ko la, kei kɛnu ni wo fɔ i ye.

Kɛwɔlɛnu 4:15

Woletɔ anu ya a fɔ anu ye ko anu ni bɔ konko wo la. Anu gbansan ya nyinikalɛ kɛ anu nyɔgɔn tɛma ko,

Kɛwɔlɛnu 5:21

Kilayɛ wonu sɔnta. Banda-ka-dɛ ma, anu donta Alla-Bato-Bɔn la ka mɔgɛnu-karan dabira. Saraka-masɔla-kun-tigi-wɛ anubɛ a ta-nyɔgɛnu ya Yahudiya mɔgɔ-banu kele anuta ladɛn kuma. Wo kɔma, anu ya sarakanɛ lata yele-kandannɛ ma ko a ni kilayɛ wonu nana anu ma.

Kɛwɔlɛnu 5:27

Anu nara Marita kilayɛnu na ka anu sɔ mɔgɔ-banu yakɔrɔ. Saraka-masɔla-kun-tigi-wɛ ya anu manyinika, a ko,

Kɛwɔlɛnu 6:12

Anu ya kuma kelan wo fɔ mɔgɔ-banu anubɛ tɔn-karan-mɔgɛnu anubɛ mɔgɛ donu ye. Woletɔ anu nara Sitifen bira tinɛ ka ta a la kun-tiginu bara.

Kɛwɔlɛnu 6:15

Mɔgɛ min bɛɛ siginɛ kun-tiginuna ladɛn wo rɔ, wonu ya anu yɛ sɔ Sitifen la. Anu ya a yen a yakɔrɛ manɛ iko melika yakɔrɛ.

Kɛwɔlɛnu 7:37

Ale Musa le wo la min ya a fɔ Isirɛla mɔgɛnu ye ko Alla si nɛbi do lana anu ma iko a ya ale lana nya min, ado a si nɛbi wo yabɔ anu denuta mɔgɛnu tɛma.

Romu 12:10

Wo ni wo nyɔgɔn keni a kilɛ fɛ iko na kelannu Kirasiti rɔ. Bɛɛ ni anu nyɔgɔn gbiliya ka tenbi a nyɛrɛ la.

1 Kɔrɛnti 6:10

kankannu wo, wasabɛlɛnu wo, baan-minnɛnu wo, nafiginu wo, minnu bi buila mɔgɛnu ma wo, wonu fenfen ti Allala mansayɛ sɔrɔn,

1 Kɔrɛnti 6:6

Kɔnɔ dɛnkɛninya-mɔgɛnu bi anu ta-nyɔgɛnu samasila alako Alla-lɔnbɛlɛnu ni anuna kiti tɛgɛ. Wo ma bɛn mumɛ!

Tɔn-Fɔɛ-Fila-Nyɔgɛ 15:11

Mari ko bolo-kolɔn minnu bi wo tɛma, wo ni to wonu makoe nyinyala tuma-wo-tuma.”

Tɔn-Fɔɛ-Fila-Nyɔgɛ 16:18

Musa ya Mari kuman-kan kɛ latenbi Isirɛla mɔgɛnu ma ko, “Wo ye nala soe minnu sɔrɔnna Mari Alla bolo, wo ni kiti-tɛgɛlɛnu sigi nyɔnu tɔ. Mɔgɛ wonu ni kiti sa a kila-bɛrɛbɛrɛ fɛ.

1 Tɛsalonaika 4:6

Nba, koe kɛnu tɔ, mɔgɔ-wo-mɔgɔ kana ko-yogomɛ ma a na-kelen-nyɔgɛ la, ni wo ma, ka baga a ma. Ma ara a fɔ wo ye nun ka a lagbɛlɛya wo kuma gben! Minnu bi ko-yogoma-su wonu kɛla, Mari si wonu tɔrɔ.

Taita 3:2

A fɔ anu ye ko anu kana kuma-yogoma fɔ mɔgɔ-wo-mɔgɔ ma. Anu kana ma kɛlɛ-tɛgɛlɛnu na. Anu ni ko-nyimɛ kɛ ka anu munyu mɔgɛnu kɔrɔ, ado anu kana sɔnkɔ mɔgɛnu ma.

Hiburunu 12:25

Wo ni a ma wo fɛrɛma worɔ. Alla wa kuma, wo kana wo tengberenya wo lamɔɛn-koe ma. Minnu ya anu ban nun wo lamɔɛn-koe ma, wonu denu ma kisi. Nba, min bi kumala ma ye ka bɔ Arinyɛni tɔ, ni ma ya ma tengberenya wola kuma-bira-koe ma, male si kisi kama worɔ gbɛ?

Hiburunu 5:9

ado kuma-birɛ wo kanbalinɛ min kɛ, minnu bi ale fananta kumɛ birala, a si ke wonu kisila habadan!

Yemesi 2:20

Ile kun-takolɔn, fɔ n ba a yira i la ko dɛnkɛninyɛ ti ko-wo-ko nyinya mɔgɛ ma ni ata kɛwɔlɛnu ma telen.

Yemesi 3:6

Ma dɛ mani de iko ta-mɛlan. A dɔgɔ ma fɛrɛ rɔ kɔnɔ a si ta-belebele tugu. A lafanɛ ko-yogomɛ la. A si ko-yogomɛ nyɛnsɛn kan tinɛ bɛɛ rɔ! A si tɛ tugu mala nimayɛ kɛ la nya bɛɛ ma iko tɛ min bi nala ka bɔ nyahanama nyɛrɛ rɔ.

1 Pita 2:23

Anu ya a lafɛya tumɛ min, a ma atɛ lasɛgi ka anu fanan nafɛya. A tɔrɔta tumɛ min, a ma a kɔnkɔn fɔ ka a yigi sa Alla rɔ, bɛɛta kiti-tɛgɛla-latelennɛ, kɔni.

1 Pita 3:9

Wo kana ko-yogomɛ sara ko-yogomɛ la. Ni min ya wo mɔɛn ka wo lafɛya, wo ni duwa wo tigi ye bawo Alla le ya wo kele alako wo ni duwa mɔgɛnu ye. Ni wo ya wo ma, Alla si ata duwɛ layigi wole fanan kuma.

1 Yɔni 2:9

Ni min ko a ye waan rɔ kɔnɔ hali wo, gboyanayɛ ye anubɛ a na-kelen-nyɔgɛ do tɛma, wo tigi ye pinpi le tɔ ha kaka.

1 Yɔni 3:10

Nba, dan-nafarɛ-bɛrɛ ye Allala dannu anubɛ Setanɛla dannu tɛma. Minnu ti ko-latelennɛ kɛ wo, minnu ti a na-kelen-nyɔgɛ keni wo, Allala den ma wonu na.

1 Yɔni 5:16

Min ba a na-kelen-nyɔgɛ yen hakɛ kɛla, min ti a ma, a ni foo habadan-nimayɛ la, a ni Alla madiya mɔgɛ wo ye. Alla si niyi di hakɛ-tigi wo ma. Minta hakɛ ti a ma, a ni foo habadan-nimayɛ la, n bi wonu denu ma. Kɔnɔ hakɛ do ye nyɔ min si a ma, a ni foo habadan-nimayɛ la. N ma a fɔ ko wo ni Alla madiya wola ko la.

Yude 1:9

Hali melika-kun-tigi Maikali ma wo ko-su kɛ anubɛ Setanɛ ye kɛlɛla Musa furi kuma tumɛ min. Hali wo, Maikali ma sɔn Setanɛ mɔɛnna fɔ ka a fɔ ko, “Mari ni i makuma!”

Lankɛnimayɛ 20:14

Sayɛ anubɛ lakira lafilita ta-dalɛ rɔ. (Ta-dalɛ wo, sayɛ fila nyɔgɛ le wo la.)