Matiyu 5:17 - ALLALA KUMƐ

¹⁷ “Alla ya tɔn minnu di Nɛbi Musa ma wo, anubɛ nɛbinuna karan wo, wo kana wo miri ko n bara na wonu bɔ tinɛ anu gbɛ rɔ. N ma na ka wonu bɔ anu gbɛ rɔ fɔ ka anu dafa.

Matiyu 5:17 Iomraidhean Croise

Aiseya 42:21

Alla le Mari la, mɔgɛnu kisi-sɔgɛ ye min na, woletɔ a ya ala tɔn anubɛ ala sereyanu nagbɛlɛya, ado a ye a fɛ, ala mɔgɛ bɛɛ ni wonu gbiliya.

Matiyu 3:15

Kɔnɔ Yisa ya a yabi ko, “A ni ma wo nya na bawo a bɛnnɛ, ma ni koe bɛɛ kɛ iko a di Alla ye nya min.” Wo le ya a ma, Yɔni sɔnta.

Matiyu 7:12

“Alla ya tɔn min di Nɛbi Musa ma anubɛ nɛbinuta karan, wo kɔrɛ le kɛ la ko, ‘Wo ye a fɛ, mɔgɛ donu ni min ma wo ye, wole fanan ni wo ma anu ye.’

Luka 16:17

Kɔnɔ iko san-kole anubɛ dugu-kole kɛ ti ban nya min, hali tɔn kɛ nyantarani kelen bɛrɛn ti ban worɔ.

Yɔni 8:5

Nɛbi Musala tɔn ko musu-su kɛ, a bɛnta ka a mabon ha a ni faga. Nba, ile ko kama?”

Kɛwɔlɛnu 18:13

Anu ko, “Kei kɛ ye a rayala ko mɔgɛnu ni Alla-bato-nya do ma min bi mala tɔn kan ma!”

Kɛwɔlɛnu 21:28

Anu ya a lasɔnkɔ ko, “Isirɛla mɔgɛnu! Wo ni ma dɛnbɛ! Kei kɛ le ye tala dinkirɛ bɛɛ. A ye mɔgɛ bɛɛ karanna Isirɛla mɔgɛnu kan ma anubɛ Musata tɔn kan ma anubɛ Alla-Bato-Bɔn kɛ kan ma. Nba kaka, a ara na sibolo-gbɛrɛnu na Alla-Bato-Bɔn la ka kan-tina-sɛnimɛ kɛ latinya!” (

Kɛwɔlɛnu 6:13

Anu nara mɔgɛ donu na minnu ya foninyɛ fɔ a ma. Anu ko, “Tuma-wo-tuma, kei kɛ ye kumala Alla Bato-Bon-sɛnimɛ anubɛ Nɛbi Musala tɔn ma.

Romu 10:4

Nba, Kirasiti ara na min kɛ, sɛnbɛ sa Nɛbi Musala tɔn-kitabu la tun. Woletɔ dɛnkɛninyɛ ye min bɛɛ yisi rɔ, wonu bara telen Alla yala.

Romu 3:31

Dɛnkɛninyɛ si tɔn-kitabu wara-koe ma fuyi la worɔ? Wo ma de! Dɛnkɛninyɛ le si a ma, ma ni tɔn-kitabu gbiliya kati!

Romu 8:4

Alla ya kɛ ma le alako male ni tagama iko Allata tɔn-kitabu ya min fɔ yati! Ma sa ko ladanna tun iko ma sɔndɔmɛ ye nyinina a ma nya min kɔnɔ ma ye ko ladanna iko Allata Ni-Sɛnimɛ ye nyinina a ma nya min.