Matiyu 5:15 - ALLALA KUMƐ

¹⁵ Mɔgɔ ti lɛnpu lamalan ka bɔnku-dagɛ burun a kuma fɔ ka a sigi san ma. A si waan raka mɔgɛ bɛɛ ye bɔn la worɔ.

Matiyu 5:15 Iomraidhean Croise

Bɔ-Koe-Iyipiti 25:37

“Wo ni bolon wɔrɛ wonu yi-lafɛnu nadan sɛnɛ la anubɛ a gbagɛnu. A lamalan tinɛ wo mumɛ ni bɛn wɔrɔnfila ma. Wo ni wonu tabɛn alako anu ni waan raka anu yarɔ kilɛ la.

Sakaraya 4:2

A ya n manyinika, a ko, “I ye nfen yenna kaka?” N ya a fɔ a ye ko, “Sɛnɛ-lɛnpu. A tulu-kɛ-tinɛ ye a kuma. A lamalan-tina wɔrɔnfila ye ala foolɛ rɔ. Saraba wɔrɔnfilɛ ye anu kelen-kelennamɛ-bɛɛ ma.

Yilan-Yilan Koe 8:2

a ni ta a fɔ Aruna ye ko, “I tenbi lɛnpu kɛnu namalanna tumɛ min, i ni a ma, a waan ni ta a yarɔ.”

Maraka 4:21

Yisa tora kumala. A ko, “Mɔgɔ-wo-mɔgɔ ti lɛnpu lamalan ka bɔnku-dagɛ burun a kun na. A ti lɛnpu ladon sa-fan kɔrɔ fanan. Kɔnɔ a si a sigi a sigi-fan kuma.

Luka 11:33

“Mɔgɔ ti lɛnpu lamalan ka a dogon. A ti gbengberan burun a kuma fanan kɔnɔ a si a sigi tebulu kuma, woletɔ mɔgɛnu ba don, anu si waan yen.

Luka 11:36

Awa, ni i fɛrɛ fanɛ waan la, pinpi-wo-pinpi sa a rɔ, a bɛɛ la si malan iko lɛnpu si waan labɔ i ye nya min.”

Luka 8:16

“Mɔgɔ-wo-mɔgɔ ti lɛnpu lamalan ka bɔnku-dagɛ burun a kun na. A ti a ladon sa-fan kɔrɔ fanan. Kɔnɔ a si a sigi tebulu kuma. Mɔgɛnu ba don bɔn la tumɛ min, anu si waan yen.

Filipai 2:15

Wo ni ma Allala den-sɛninyanɛnu na minnu telennɛ, ado fɛɛ-wo-fɛɛ sa wole la. Hali wo siginɛ duninya-mɔgɔ-radunɛnu anubɛ mɔgɔ-yogomɛnu tɛma, wo tenbi anu makawandila nimaya-kumɛ la, wole ni malan iko lolenu. Ni wo ya wo ma, Kirasiti wa na lunyɛ min, n si n nyɛrɛ-matɔgɔ-kunya sɔrɔn wola ko la worɔ, ado a si gbɛ bɛɛ yala ko nta wɔlɛ ma kɛ fu!

Hiburunu 9:2

Woletɔ anu ya fani-bɔn sɔ. Bɔn wo burɛ faranɛ fila la yorolan la. Dinkira-fɔlɔtɛ tɔgɔ le, “Kan-Tina-Sɛnimɛ.” Lɛnpu anubɛ tebulu ye nyɔ burɔ. Biredi min dantɛgɛnɛ Alla ma siginɛ tebulu wo kuma.

Lankɛnimayɛ 2:5

Wo buinɛ ka bɔ kan min, wo hɛnkili ni to wo ko de! Wo ni wo kɛ-nya yɛlɛma. Wo ya kɛwɔli minnu kɛ fɔlɔ-nun, wo ni wonu kɛ tun. Ni wo ma wo kɛ-nya yɛlɛma, n si na ka wola lɛnpu-sigi-fan bɔ a gbɛ rɔ.