Matiyu 4:7 - ALLALA KUMƐ

⁷ Yisa ya a yabi ko, “A sɛbɛnɛ Allatalata kitabu rɔ fanan ko, ‘I kana ita Mari Alla kɔrɔbɔ.’ ”

Matiyu 4:7 Iomraidhean Croise

Yaburi 106:14

Mɛyɛ ya anu bira wula-da-rakolɔn rɔ dɔgɔma-ma-de ha anu ya Alla kɔrɔbɔ.

Yaburi 78:18

Anu ya a lawuli a ma ka Alla kɔrɔbɔ alako anu si anu nyɛrɛ diyana-dɔn-fan sɔrɔn nya min.

Yaburi 78:41

Anu tora a kɔrɔbɔla le tolon! Anu ya Isirɛlata Alla-sɛnimɛ fonde kɔrɔtɔ a ma.

Yaburi 78:56

Hali wo, anu murutiyara Alla Sɛnbɛ-Bɛɛ-Tigi ma ka don a kɔrɔbɔɛ rɔ. Anu ma ata tɔnnu bira mumɛ!

Yaburi 95:9

Hali a ya minnu ma anu ye, anu ya wonu tagbɛ anu nyɛrɛ yɛ la ka Mari kɔrɔbɔ nyɔnu tɔ.

Bɔ-Koe-Iyipiti 17:2

Woletɔ mɔgɛnu nyɛɛra Musa ma ko, “Yi di ma ma.” Musa ya a fɔ anu ye ko, “Wo ye tɛgɛla Mari rɔ ka a kɔrɔbɔ nfenna ko la? Wo ye nyɛɛla nde ma kama worɔ?”

Bɔ-Koe-Iyipiti 17:7

Isirɛla mɔgɛnu ya gbunya-kumɛ dabira Mari ma a kɔrɔbɔ-koe la min kɛ alako ka a lɔn ni Mari ye anu tɛma, ka, ni a sa anu tɛma. Woletɔ a ya kan tinɛ wo tɔgɔ sa Kɔrɔbɔ Tinɛ anubɛ Sɔnkɔ-Sɔnkɔya.

Aiseya 8:20

Wole ni mɔgɛ wonu yabi ko, “Mari ye min fɔla ma ye, ma tole masɔnɛ wo le la.” Wo kana wo tole masɔ yi-kɔrɔ-fɛlɛnnɛ wonu kan la bawo wonu bi min fɔla wo ye, wo ti ko-wo-ko nyinya wo ma.

Malakayi 3:15

Alla ko wole mirinɛ ko mɔgɔ-wasinɛnu denu dɔrɔn sewanɛ. Karagbɛlɛnu bara-koe ye tala yarɔ. Wo mirinɛ ko hali anu bi Alla rasumanna anuna ko-yogoma-ladan la, a sa anu tɔrɔla.

Yilan-Yilan Koe 14:22

nba, anu do-wo-do ti don Kenan nyamanɛ rɔ. Anu damasi ya nna ta-waan wo yen serr! Anu ya kabana-ko-siyaman yen n ya min ma Iyipiti anubɛ n ya min ma wula-da-rakolɔn rɔ. Anu ya a yen, n ya n munyu anu kɔrɔ iko siyaman. Hali wo, anu ma sɔn ka nta kumɛ bira.

Matiyu 21:16

Anu ya a fɔ Yisa ye ko, “Anu bi min fɔla, i sa wo lamɔɛnna?” Yisa ya anu yabi ko, “N bi a lamɔɛnna, yɔ! A sɛbɛnɛ Allata kitabu rɔ ko, ‘Dennɛnu bi tantoli-siginu sala a kilɛ fɛ.’ Wo ma wo karan bɛ, wa?”

Matiyu 21:42

Yisa ya a fɔ anu ye ko, “A sɛbɛnɛ Allata kitabu rɔ ko, ‘Bon-sɔlɛnu ya anu ban kuri min na, wo le ara ma sɛbɛna-kuru-tɔnɔnamɛ la. Mari nyɛrɛ-nyɛrɛ ya kɛ ma, ado wo mara kabana-ko-wɛ la ma yala!’ Ha bi, wo ma wo karan bɛ, wa?

Matiyu 4:10

Yisa ya a yabi ko, “Setanɛ, bɔ n fɛ! A sɛbɛnɛ Allatalata kitabu rɔ ko, ‘I ni ita Mari Alla kelen pe le bato ka ata wɔlɛ kɛ!’ ”

Matiyu 4:4

Yisa ya a yabi ko, “A sɛbɛnɛ Allata kitabu rɔ ko, ‘Hadama-dan ti a to dɔntɛ dɔrɔn ma kɔnɔ a si Allala kumɛ ma ata dɔn-fan la.’ ”

Luka 4:12

Yisa ya a yabi ko, “A sɛbɛnɛ Allata kitabu rɔ ko i kana ita Mari Alla kɔrɔbɔ.”

Kɛwɔlɛnu 15:10

Nfenna worɔ, wo ye a fɛ ka Alla ladiminya ka dunɛ sa dɛnkɛninya-mɔgɛ kɛnu kuma? Ado nfan, mabɛ ma benbanu ma ke dunɛ wo dununa.

Kɛwɔlɛnu 5:9

Woletɔ Pita ya a fɔ a ye ko, “Nfenna wobɛ ila kei ya a latɛgɛ ko wo ni Marita Ni-Sɛnimɛ kɔrɔbɔ? Minnu tara ila kei togon, wonu bi dɛ la kaka. Anu si ta ile fanan na!”

1 Kɔrɛnti 10:9

Ma kana Mari kɔrɔbɔ wona iko wo do ya a ma nya min, ha duguma-fannu ya anu faga.

Tɔn-Fɔɛ-Fila-Nyɔgɛ 6:16

“Wo kana wota Mari Alla kɔrɔbɔ iko wo ya a ma nya min Kɔrɔbɔ-Tinɛ wulɔn.

Hiburunu 3:9

Hali anu mara nta kabana-koenu sere la san bi-nani kɔrɔ, wo benbanu ya a lagbɛlɛya n kuma ka n tɔrɔ.