Matiyu 4:23 - ALLALA KUMƐ

²³ Yisa tara Kalili sigisɔn bɛɛ rɔ ka mɔgɛnu karan Yahudiya-dina-bɔnnu na. A ye Allala mansayɛ kibara-nyimɛ kawandili bɔla. A ya kirayɛ su bɛɛ dandan mɔgɛnu tɔ.

Matiyu 4:23 Iomraidhean Croise

Yaburi 103:3

A ye n hakɛ mumɛ bɛɛ makotola ka nna kirayɛ bɛɛ dandan.

Yaburi 74:8

Anu bi ma rasirindi-koe le tɔ nun. Kan-tina-sɛnima min bɛɛsi ye mala nyamanɛ rɔ, anu bara wo bɛɛsi mintan gburr!

Matiyu 11:5

Ya-fiyɔnnu bi fan yenna, namarɛnu bi tagamana, kunatoenu bara kɛndɛya, tolo-gberenu bi ko lamɔɛnna, furinu na ara wuli ka niyi lafɛ, kibara-nyima-kawandili ara bɔ bolo-kolɔnnu ye.

Matiyu 12:9

Yisa bɔra nyɔ ka ta Yahudiya-dina-bɔn do la Sulen-Tele wo ma.

Matiyu 13:19

Minnu bara Allala mansaya-kumɛ lamɔɛn, ado a ma a nya-yen, wonu mani de iko sugi min buira kilɛ fɛ. Min fuira a yisi rɔ, Setanɛ si na worɔ ka wo fɔrɔn.

Matiyu 13:54

ka sɛgi a warɛ Nasarɛti. A ya karan kɛ Yahudiya-dina-bɔn la. Minnu ya a kan lamɔɛn, wonu kawara. Anu ya nyinikalɛ kɛ, anu ko, “A ya hɛnkili sifa kɛ sɔrɔn mi? A ye kabana-koe minnu kɛla don?

Matiyu 14:14

Yisa bɔra kulɔn rɔ tumɛ min, a ya nyama yen min kɛ, a yisi fara kinikini la anuna ko la. A ya anuna kirayatoenu nakɛndɛya.

Matiyu 24:14

ado Allala mansaya-kibara-nyimɛ kɛ kawandilɛ si bɔ duninya kan-tinɛ bɛɛ rɔ alako a ni ma sereyɛ la mɔgɛ bɛɛ ye. Nba, ala ban si ke worɔ.

Matiyu 3:2

Yɔni ye a fɔla mɔgɛnu ye nun ko, “Wo ni tubi ka wo kɛ-nyanu yɛlɛma bawo Alla min bi Arinyɛni tɔ, wota mansayɛ ara gbɛrɛn!”

Matiyu 9:35

Nba, Yisa tara so-wɛnu anubɛ so-mɛsɛnu tɔ. A ya mɔgɛnu kɔndɔn ka anu karan Yahudiya-dina-bɔnnu na. A ya kibara-nyimɛ kawandili bɔ ka kiraya-sufa bɛɛ lakɛndɛya mɔgɛnu na.

Maraka 1:14

Anu ya Yɔni ladon yele la tumɛ min, Yisa tara Kalili sigisɔn rɔ alako a ni Allala kibara-nyimɛ kawandili bɔ nyɔ rɔ.

Maraka 1:21

Anu tara ke Kapereniyam soe burɔ. Yahudiyanuta Sulen-Tele kera nkɛkuna, Yisa donta Yahudiya-dina-bɔn la ka mɔgɛnu karan dabira.

Maraka 1:39

Woletɔ a tara Kalili sigisɔn bɛɛ rɔ. A ya kawandili bɔ Yahudiya-dina-bɔnnu na ka nyinɛnu gben mɔgɛnu fɛ.

Maraka 3:10

A ara mɔgɔ siyaman nakɛndɛya nun min kɛ, kirayatoe bɛɛ tora anu nyɔgɔn matuntunna alako anu si anu bole tugu a la nya min.

Maraka 6:2

Sulen-Tele ma, a ya mɔgɛnu karan Yahudiya-dina-bɔn la. Mɔgɔ siyaman nadɛnta nyɔ. Anu ya ala karan lamɔɛn tumɛ min, anu dama kawara. Anu ya nyinikalɛ kɛ ko, “Yon ya hɛnkili kɛ di a ma? A ya hɛnkili kɛ bɛɛ sɔrɔn mintɔ? A si ke kabana-koenu mala kama?

Maraka 6:6

A kawara anuna dɛnkɛninyabɛlitayɛ ma kati! Wo kɔma, so-mɛsɛ minnu bi nyɔla foolɛ rɔ, Yisa tagamanta wo bɛɛ rɔ ka mɔgɛnu karan.

Luka 10:9

Wo ni kirayatoenu dandan soe wonu tɔ. Wo ni a fɔ nyɔ-mɔgɛnu ye ko, ‘Allala mansayɛ ara gbɛrɛn wo ma.’

Luka 13:10

Sulen-Tele do ma, Yisa ye mɔgɛnu karanna nun Yahudiya-dina-bɔn la.

Luka 16:16

“Alla ya tɔn minnu di Musa ma wo, nɛbinu ya kɛdi minnu sɛbɛ wo, mɔgɛnu bi anu tole masɔla wonu na nun ha Yɔni-Batasi-Kɛlɛta wati ma. Kɔnɔ kebi wo tumɛ, mɔgɛnu bi anu tole masɔla Allata mansaya-kibara-nyimɛ la. Mɔgɛ bɛɛ ye a rayala ka don a rɔ.

Luka 20:1

Lunyɛ do, Yisa ye mɔgɛnu karanna Alla-Bato-Bɔn la. A ye kibara-nyimɛ kawandilɛ bɔla tumɛ min, saraka-masɔla-wɛnu anubɛ tɔn-karan-mɔgɛnu anubɛ kɛmɔgɛnu nara a wara.

Luka 4:14

Wo kɔma, Yisa sɛgira Kalili sigisɔn rɔ. Allata Ni-Sɛnimɛ ye a fɛ. A mankan nyɛnsɛnta nyamanɛ wo bɛɛ rɔ.

Luka 5:17

Lunyɛ do, Yisa tenbi mɔgɛnu karanna, Farisi donubɛ tɔn-karan-mɔgɛnu siginɛ nyɔ minnu bɔra Kalili anubɛ Yudiya soe tɔnkɔn bɛɛ rɔ anubɛ Yerusalɛm. Marita sɛnbɛ ye Yisa rɔ ka kirayatoenu nakɛndɛya.

Luka 6:17

Yisa yigira ka bɔ kɔnkɛ wo kuma ala karan-dannu fɛ. Anubɛ ala karan-den siyaman sɔra lɛɛ do rɔ. Sɛrɛ-wɛ ye nyɔ. Anu bɔra Yudiya nyamanɛ kan bɛɛ anubɛ Yerusalɛm anubɛ Taya anubɛ Saidon soe minnu sɔnɛ kɔgɔ-yi dafɛ.

Luka 6:6

Sulen-Tele-gbɛrɛ ma, Yisa tara Yahudiya-dina-bɔn la ka mɔgɛnu karan. Kei do ye nyɔ nun min bole faganɛ a la.

Luka 7:21

Wo wati, Yisa ye mɔgɔ siyaman dandanna ka kirayatoenu anubɛ nyina-yogoma-tiginu nakɛndɛya. A ya fiyɔn siyaman yɛ laka.

Luka 7:22

A ya Yɔnila kilayɛnu yabi ko, “Wo ye min namɔɛnna ka min tayen wo nyɛrɛ yɛ la, wo sɛgi ka wo dantɛgɛ Yɔni ye. Fiyɔnnu bi fen yenna. Namarɛnu bi tagamana. Fɛrɛma-kirayatoenu bara kɛndɛya. Tolo-gberenu bi ko lamɔɛnna. Furinu na ara wuli. Kibara-nyimɛ ara bɔ bolo-kolɔnnu ye.

Luka 8:1

Wo kɔma, Yisa tagamanta so-wɛnu anubɛ so-nɛnu tɔ ka Allala mansaya kibara-nyima-kawandili bɔ. Karan-den tan-ni-filɛ wonu bilara a fɛ.

Luka 9:11

Nyama ya wo lamɔɛn tumɛ min, anu bilara a fɛ. A ya anu kɔndɔn ka kuma anu ye Allala mansayɛla ko la. Minnu makoe ye kɛndɛyɛ la, a ya wonu dandan.

Luka 9:60

Yisa ya a yabi ko, “Mɔgɔ-faganɛnu ni anuna mɔgɔ-faganɛ togon. Ile ni ta ka Allala-mansayɛ-kawandili bɔ.”

Yɔni 18:20

Yisa ya a yabi ko, “N bara kuma gbɛ rɔ mɔgɛ bɛɛ ye. N bara mɔgɛnu karan dina-bɔnnu na anubɛ Alla-Bato-Bɔn la, Yahudiya bɛɛ la si dɛn kan min. N ma fenfen fɔ dogɔn rɔ.

Yɔni 6:59

Yisa ya wo fɔ wo tumɛ a ye mɔgɛnu karanna Yahudiya-dina-bɔn la Kapereniyam soe burɔ.

Yɔni 7:1

Wo kɔma, Yisa ya Kalili sigisɔn ratagama. A ma sɔn tala Yudiya nyamanɛ rɔ bawo Yahudiyanuna kun-tigi minnu bi nyɔ, wonu bi a faga-koe rɔ.

Kɛwɔlɛnu 10:38

Ado nfan, Alla ya ata Ni-Sɛnimɛ labɔn Yisa, Nasarɛti kɛ, kuma nya min ka sɛnbɛ di a ma, wo ye wo fanan kalama. A tara kan tinɛ bɛɛ rɔ ko-nyima-kɛ-tinɛ. Minnu bɛɛ ye nyinɛta sɛnbɛ kɔrɔ nun, a ya wo bɛɛ hɔrɔya bawo Alla ye a fɛ.

Kɛwɔlɛnu 18:4

Sulen-Tele bɛɛ ma, a kumara Yahudiya-dina-bɔn la ka a raya ko Yahudiyanubɛ sibolo-gbɛrɛnu ni yɛlɛma ka ma dɛnkɛninya-mɔgɛnu na.

Kɛwɔlɛnu 20:25

“N bara tagama wo bɛɛ tɛma ka Allala-mansaya-kawandili bɔ kɔnɔ kaka, n ya a lɔn ko wo fenfen ti n yen kɛ kɔma tun.

Kɛwɔlɛnu 28:31

A ya Allala-mansayɛ-kawandili bɔ ka mɔgɛnu karan Mari Yisa, Allata-Mɔgɔ-Yabɔnɛla koe la. A kumara yisi-latɛgɛ bɛɛ rɔ. Mɔgɔ-wo-mɔgɔ ma a lakala.

Romu 10:15

Ado nfan, mɔgɛ si sarakanɛ wo lake kama, ni mɔgɔ ma anu sɔ? Iko a sɛbɛnɛ Allala kitabu rɔ nya min, a ko, “Mɔgɔ wa kilayɛ yen nala kibara-nyimɛ la a bolo, wo di mɔgɛnu ye.”