Matiyu 4:15 - ALLALA KUMƐ

¹⁵ “Nyamanɛ min dira Sɛbulɔn anubɛ Nafatali bɔnsɔnnu ma, wonu bi kɔgɔ-yi wara la Yorodan bɛ tɔnkɔn kelan rɔ, sibolo-gbɛrɛnu siginɛ Kalili tɛngbɛnya min tɔ!

Matiyu 4:15 Iomraidhean Croise

2 Mansɛnu 15:29

Mansa Pekata wati kɔrɔ, Asiriya Mansa Pulu nara so-kun loli bi Isirɛla nyamanɛ rɔ. So-kun loli, wo le kɛnu na, Iyɔn wo, Ebɛli-Bɛti-Meyaka wo, Yanowa wo, Kɛdɛsi wo, anubɛ Hesɔ. A ya Isirɛla nyamani-kun sawa fanan bi, Kaliyadi wo, Kalili wo anubɛ Nafatali. A tara nyɔ-mɔgɛ bɛɛ la a warɛ Asiriya.

Aiseya 9:1

Anu sɔrɔn-kila fenfen sa tɔrɔya-sufa kɛ la. Sɛbulɔn anubɛ Nafatali nyamanɛnu bi yarabiyi kɔrɔ fɔlɔ nun kɔnɔ tumɛ do si ke, nyamanɛ kɛnu si taran gbiliyɛ rɔ. Ka a fɔlɔ Mɛdetereniyan kɔgɔ-yi ma ha ka ke Yorodan bɛ kɔgɔma, hali Kalili nyamanɛ sundannu bi min tɔ, wo dama si taran gbiliyɛ rɔ.

Matiyu 4:13

A bɔɛ Nasarɛti soe burɔ, a tara a sigi Kapereniyam soe burɔ Kalili dalɛ dafɛ min bi Sɛbulɔn anubɛ Nafatali nyamanɛnu tɔ.

Matiyu 4:14

Wo mara alako Nɛbi Aiseyata kumɛ la ni kanbali min ko,

Matiyu 4:25

Nyama bilara a fɛ. Kalili ka wo, Yerusalɛm ka wo, Yudiya ka wo, Yorodan bɛ kan-kɔma-mɔgɔ wo, anubɛ minnu bɔra so-kun-tan wonu tɔ wo, wonu bilara a fɛ.

Luka 24:27

Wo kɔma, min sɛbɛnɛ alela ko la Allata kitabu rɔ ka a dabira Nɛbi Musala kitabunu ma ka a sigi nɛbinuna kɛdi-sɛbɛnɛ bɛɛ ma, Yisa ya wo bɛɛ fɛsɛfɛsɛ anu ye.

Yasowa 20:7

Anu ya lakisi-soe minnu yabɔ tele-yigi wara la mɔgɛ si kisi kan min, wo le Kidɛsi la, Nafatalita kɔnkɔ-nyamanɛ rɔ anubɛ Sɛkɛm min bi Ifɛrɛmta kɔnkɔ-nyamanɛ rɔ anubɛ Hiburɔn min bi Yudata nyamanɛ rɔ.

Yasowa 21:32

So-kun sawɛ minnu tora anu ye Nafatalita nyamanɛ rɔ, wo le kɛnu na, Kidɛsi min bi Kalili nyamanɛ rɔ wo (lakisi-soe le wo la) Ham-Mati wo, Dɔɔ wo, anubɛ Karatan.